اللي بيجي معي رايح وراجع بعد شهرين !!!

سلملم

سوق الأسهم (قبل سنتين تقريبا) .. كانت أسعار غالبية الشركات تساوي سعر صندوق الطماط .. وشوفوا وين وصلت الحين .. القصد .. لو اني مثلا حطيت 100 ألف ريال في بيشة يوم كان سعرها 30 ريال .. كان دخلت لي الحين 8 مليون ريال

طيب خلونا من بيشة لأنها شركة أخرط نوع مع احترامي .. تعالوا نشوف الجماعي ..كان على ما أذكر بـ 33 ريال .. لو حطيت فيه نفس هالمية ألف كان الحين عندي كم؟ مليون ومية وستين ألف ريال


اللي اقصده .. وش رايكم يا جماعة باستثمار قصير المدى؟
يعني شهر ونص إلى شهرين .. وكل ما زادت المدة كل ما كان احسن .. لكن أخاف ما عندكم صبر

عندي لكم مجموعة شركات استثمارية .. وجنب كل شركة بحط لكم درجة المخاطرة وبالطبع كلما ارتفعت درجة المخاطرة ارتفعت معها الربحية .. ولعل مثال بيشة والجماعي اللي قبل شوي يوضح الصورة ...



الحين نجي للأسهم:


الكيميائية
507 ريال
أعلى نمو في الأرباح على الاطلاق في السنة الماضية .. نسبة النمو في الأرباح تعدت 6300% .. سهم استثماري بالدرجة الأولى ..

درجة المخاطرة: قليلة


زجاج
955 ريال
شركة ممتازة عيبها الوحيد ان السهم ثقيل في طلوعه نوعاً ما .. لكنه ثقيل في نزوله أيضاً
الشركة ينتظرها مستقبل ممتاز وفيها خير وفير بإذن الله خلال شهرين ..

درجة المخاطرة: متوسطة



اللجين
580ريال
الشركة المفضلة لصغار المستثمرين .. وهي من شركات المضاربة .. لكن الاستثمار فيها أجدى من المضاربة .. خصوصاً أن الشركة مستقبلها واعد ومشاركتها مع سابك في بعض المشاريع تعد خطوة جيدة جدا ..

درجة المخاطرة: متوسطة


صدق
637ريال
الشركة خسرانة .. لكن خسائرها بسبب مساهمتها في تأسيس ابن رشد وينساب وغيرها .. يشاع أن لديها رفع رأس مال وخبر ثاني إيجابي كذلك .. امتلك في صدق وكنت ناوي ابيعها بـ 650 لكني طمعت فيها زيادة بعد ما سمعت عن رفع راس المال

درجة المخاطرة: عالية نوعا ما بأسعارها الحالية


اسمنت العربية
1190 ريال
لديها رفع راس مال ومنحة سهم لكل سهم كما سمعت .. عموما الشركة ممتازة جدا وشركات الاسمنت هي من آمن شركات السوق

درجة المخاطرة: قليلة



الفنادق
553 ريال
السهم يتعرض لتجميع عنيف وفاضح .. أكبر الكميات في أسرع الأوقات .. في اعتقادي أنه سيشهد قفزات سعرية حقيقية قد تكون تدبيلة أو تدبيلتين !!

درجة المخاطرة: عالية


فتيحي
394 ريال
اقتناصه تحت الـ 390 ممتاز .. يعتبر من أرخص أسهم السوق حالياً .. ولدى الشركة افتتاح مستشفيات عن قريب .. السهم مرشح للوصول إلى 600 خلال شهرين مقارنة بزملائه في القطاع

درجة المخاطرة: عالية


نادك
736ريال
السهم سينفجر قريباً .. يتعرض لضغط من عشر أيام تقريباً .. لديه منحة سهم لكل سهم وتحول من القطاع الزراعي الى الصناعي ..

درجة المخاطرة: قليلة


اعتقد اني كثرت عليكم الشركات وطولت الموضوع ..فيه شركات غير المذكورة لكني ذكرت اللي اعرفه واقوم شخصيا بمتابعته .. أما الباقي ففي الإخوان الخير والبركة للإشارة إليه ..


الوعد كما قلت بعد شهرين .. حينها سأرفع الموضوع ونرى النتائج بإذن الله ..

أي استفسار أو إضافة على الرحب والسعة

نقوووووش
.,.

نقش خالد

شكراً لك وما قصرت والمخاطرة حاصلة حاصلة !!!
دمت في خير.

اخوي نقش خالد يعطيك مليون عافية وكرتونين طماط

كلامك 100 % لكن الناس ماتبي انتظار شهرين انا

اقلك لاتبيع المواشي ولو اني حاس انك بعتها والسبب

بسيط انك بتندم عليها هالاسبوع.....

هذا الاسبوع عليكم بالاتي :

اولا المواشــــــــــــــــــــــي هدفها الى 200 والسعر الامن للبيع 188/189

قديكون ذلك يوم الاثنين باذن الله

ثانيا سمنت اليمامة 3050 سعرها الان ومؤشراتها تقول الى 3900

والسعر الامن للبيع هذا الاسبوع 3750 وهو ما يعادل ربح 25%

واتمنى من الجميع ان ياخذوا الامر بجديه

المواشي اغلاق الخميس 161 ..اسمنت اليمامه 3050 والله اعلم

مشكور اخوي الاشقر

على التشقيرة السريعة

ولا عدمناك يالغالي



اخوي عذب السجايا

انا ما بعت المواشي

والحلاوة محفظة لك ان شاء الله

واسمنت اليمامة انا معك في هالتوصية

والمستثمر يصبر وبعد شهرين نتحاسب

هلا والله بالشباب والله يعطيكم العافيه
احسنت اخي نقش ونحاول قدر المستطاع الدخول في استثمار متوسط المدى
واما توصية عذب السجايا فاحرص عليها ونحن معك
تحياتي

يعطيك العافيه اخوى نقش خالد


توصيات وتحليل واقعى


تسلم

سسسسسسسسسسسسسسسسسسيف

الله عليك يانقش

في هذا الوقت ننصح بالاستثمار مثل ماقال نقش وتوصيتي دائما استثمارية

باقة ممتازة والله يوفق الجميع

علما ان المواشي معي ياعذب السجايا من 112 ريال وقلت لكم اشتروا في السهم

والان وصل مقصودي 160 ومتردد في البيع لكن الى نهاية تداول هذا الاسبوع ثم نفكها من الكرت

واسمنت اليمامة عنده مشروع في الصين حسب ما سمعت

تحياتي

بارك الله فيك يا نقووووووووش

حلو اسم الدلع

وما شاء الله عليك

اسهمك زي الحلوة
وحبيت اشارك التوصية

دامها استثمار قصير المدى
نلعب على الاخبار المستقبيلة القريبة أفضل

والوعد بعد شهرين

سابك 1841
(وياقلب العنااااا)

س السعودي 840
للمرة الثالثة يغلق اعلى من الهاي 824

القصيم 524
كيـــــــــان + المضمون الربحي لشركة

........... والوعد بعد شهرين ..........

وعلى فكرة

المراعي

واللجين

صدق

بكرة فيها لعب




تحياتي للجميع

واعذورني على القطاعة

مشكور نقش خالد لاكن أنا عندي إحساس ان السوق راح يطيح بس متى الله

أعلم

اخوي الغالي

بارود

حياك ومرحبا ونورت المكان

وانت وعذب وبقية الاخوان على عيني وراسي

وانا اخذ بتوصياتكم وانا مرتاح وضامن

وفقك الله انت وبقية الاخوان