3محاورات (الحجره) بن طوير / البيضاني / أبومتعب / الشيخي !!!!

3محاورات( الحجرة ) بن طوير/البيضاني- أبومتعب /الشيخي!!!لاتفوتكم

أتنمى أن تنال إعجابكم ...............

- المحاورة الأولى :

بدع / عبدالواحد بن سعود :
مابقي في حلقي إلا عطش ولـــقاط ريق
بالله أسعفني مع الناس وتــــــــعال اسقنا
لاتشبه لي زمان الــــــــــــقناعة بالشّره
جايتني رميه مع عجّة الخـــــيل النقـايع
ماندري جتــني من الناس وإلا من هلي

رد / إبراهيم الشيخي :
يابومتعب ليتني لا ضميت ألقى طــريق
النخل تشرب بفنـــــــــجال وتعالس قنا
لالقيــــــــــــــــت الظّامي أعلّمه وأبشّره
مسرع الظامي تعجّل على شُرب النّقايع
النِّقاع تجِّف ماهي بمثل المنــــــــــهلي

بدع / عبدالله البيضاني :
ياسلامي يالذي صــــيونوا الحدّ الشّفيق
عِزوة الطّيّار والموت منهم والغِنى
يوم بعض الناس يهرج وروحه قاهره
أنا مالي بإختلاف المــــذاهب والطّبايع
واقنِعات الزّيف لازم تزول وتنجلي

رد / عيضه بن طوير :
الخياليّات تُنسج من القــول الشّفيق
وأنا قُدّامك عِشِـقت القصايد والغناء
غير اشاهِد عمرنا اليــــوم مثل القاهرة
عِندنا نظم الشِعر والكتايب والطّبايع
والعدايد في رِضانا تسيل وتنجلي

بدع / عبدالواحد بن سعود :
أبومتعــب قال يامقبح الثّوب الشّقيق
وأنا ما ودّي يجيــك الهمد يابفتنا
غالي البفت الذي يعرفه ما يِنكرُه
كم لقينا فيك يالثّوب الأبيض مالرّواقع
لين صارت خير منك الثّياب الهّمّـلي

رد / إبراهيم الشيخي :
من هموم الوقت ضلاّ على قلبي شقيق
لو شدا يحمل تعب خاطري يابى افتنا
الفرح يجلي هموم البشر ما يِنكِره
أثر هذا الواقع اللي نعيشه مُرّ واقع
زالت الفـرحة وعاد الكدر والهم ّ لي

بدع / عبدالله البيضاني :
بيننا المعروف والطّيب والقول الصّديق
وش بنا ؟ ننكر وجود الحقايق وش بنا ؟؟
وأنا وإن كـان إنّي آخذ من العِلم أيسره
كان ودّي آمُرّ سوق التّجر وأنق البضايع
لكن الآرزاق راحت لغيري وبدلي

رد / عيضه بن طوير :
انحن ما توجّد إلا على فرقا الصّـديق
والذي ماينتِج إلاّ مشاكِل وش بنى
العرب تِعرِف يمين البلد والميسرة
والنّصايح والحِكم ماتجي من قلب ضايع
ودّي آشاورك تابع طـريقي وابد... لي

بدع / عبدالواحد بن سعود :
لايخادعك النّظر كُلّ معدن له بريق
لو تشوف الخاتم اللي اقنيته في ايدنا
إللي مايدري بِـسعر الذهب ما قدّره
وانت بالماس الثّمين أثر لك مِنهاج رايع
يِحـسِبُونك (فالصو) وانت ماس مّحتلي

رد / إبراهيم الشيخي :
ماي زمزم مانـبع من وكون ومن بريق
يشفي المرضان ماحطّه الله فيْ دنا
حِشـمة إسماعيل ربّي بحُكمه قدّره
ماي زمزم جيت ناخذ لنا منها جـرايع
وأنت تاهب دونها قُفل ماسمّحت لي


- المحاورة الثانية


بدع / عبدالله البيضاني :
جينا رضا فــواز وفد ٍ وليّامي
ندري عن الطّيب ونعرف دواليله
إنّ العرب ماهم سوى نِدّ ٍ امعا ندّ
الكفو يشري المدح من مبتدى عُـمره
واللاش تبتقضي حياته علي هدرا

رد / عيضه بن طوير :
مـن فرقة الأحباب ياطول الأيّامي
وين الطبيب اللي يجيـب الدواء ليله
بعد تفرّقنا على كُـره ومعاند
ماخُذت هذا العام حجّ ٍ ولاعـمره
وقـف على دربي حبيب ٍ عليه أدرى

بدع / إبراهيم الشيخي :
ودي بحـفل الليله يظهر فالإعلامي
والـلي تـدخّل ماقبلنا مداخيله
العـاقل اللي يوم يلقى المنى يسعد
واللي عن دروب المعارف هبى حجره
لجل أيش ؟؟ يتوجهن وهو ماكتب وْقرأ

رد / عبدالواحد بن سعود :
الحـجرة سوق ٍ للمعارف والأعلامي
لاجا نهار ٍ مايصغِّر مداخيله
ذولا ايل مقبل وأنت قيدومهم يا أسعد
وإللي يـقولوا ماسمعنا عن الحجرة
بهم صـمم وإلاّ في آذانهم وقرا




بدع / عبدالله البيضاني :
يقول أبوماجد وراء الدَين الأسلامي
مابقدر آشبّه ريال ٍ بهاَليله
ياكم تعاملنا على نقد وقصايد
والرِّزق لو ياجي بقوّه وتجبيره
ماحصّل العصفور شيٍّ مع النّسرا

رد / عيضه بن طوير:
لاحد يعارِضنا على الدّين الإسلامي
واللي تبهلل ماحسبنا بهاليله
ما كُلّها أيّام العُمُر نظم وقصايد
ماحد عرف تضميد جُرحي وتجبيره
وآشوف غيري قام حظّه مع النّصرا

بدع / إبراهيم الشيخي :
عين الصّقُر ماهي كما نظرة الهامي
والهام مايمسي الصقر في منازيله
الصقر يتعايش مع القيض والبارد
فإنه على حِماية حدوده مساخيره
لاحام مايبـقى بجوّ السماء حبرا

رد / عبدالواحد بن سعود :
الشِّعر ماهو وحي لكِنّه إلهامي
ينزين لي بعض الليالي منازيله
جِعل الشّبا البارد نصـيب الكفّ البارِد
يا ذُالجلال أكتب لنا ذا المساء خيرة
والمِزح صابون الزّعل والسّماح أبرى

بدع / عبدالله البيضاني :
اللي معه في خاطِره وِدّ وإرحامي
لزوم ٍ أراعـيه من وِدّ كبدي له
بأسؤّر البُستان والمال أنا آديره
ماهمّني نخل ٍ في العطف والبصرا
يوم انت ماعِندك فواكه ولاتمرا

رد / عيضه بن طوير :
لوكان ماعندي بني عم وأرحامي
جاورتكم في وادي ٍ وِدّك أبدي له
غير الدّيار الطّيبة مالنا ديـرة
واللي يقود اجيوشنا ماعمي بُصره
العدل يحكُمنا وفينا ولاة أمرا

بدع / إبراهيم الشيخي :
يقُلّك إبراهيم دون الحُمى حامي
فإن المطر مانبصر إلاّ هذاليله
راحت بنا الدُّنيا ولا أدري متى نعوّد؟؟
كم راعي ٍ في جيّته في مناشيره
نشر صعوب العيس مأنشر بها نشرا

رد / عبدالواحد بن سعود :
النوّ يهطُل والبرد والحمى حامي
العالم الله عن صباح ٍ هذا ليله
لاتنكِسِر بعد الظمأ يامتن عـوّد
معي صديق ٍ في كفوفه مناشيره
يفرِّق أضلاعي وينشُر بها نشرا


- المحاورة الثالثة :



بدع / عيضه بن طوير :
الله أكبر مبعدك عن كُلّ نظرة ياشدا
جبل ٍ يرقُب على السّاحِل ويبدي للسّراه
والعواصف والقواصف والزلال ماتديره
وإن رمته الصاقعة وش تأخذ البُرّق مِنُه

رد / عبدالله البيضاني :
يالله لاتاهب لروحي من يمين اللاش داء
والعواصف ماتعوّق مصبحين ولاسراة
القِران ينضِّج الأثمار في لمّات ديرة
والصّبا مانجّح المزرع ولا البُرّ اقمنه

بدع / عبدالواحد بن سعود :
اكتبر موج البحر والموج الأزرق ورّدى
آنى آوي للجُبال النّايفه من كُبر ماه
انت ظنّيت البحر مايٍ يدور ْعلى جزيرة
مادريت إن البحر وسطه جِبال مدفّنه

رد / إبراهيم الشيخي :
انت ياللي ودّب أهل الجاهلّية والرّدا
لك على العُـلّم عيون ولك على المنكب رُماه
وسط مِحضار ٍ زهت فيه العقود ولجّ زيره
من عـشيّه ماسكت كِنّ الجحيم مدفِّنُه

بدع / عيضه بن طوير :
النّبي في هِجـرته مدّ الهدايا واهتدى
وأبو جهل أطغى الكتايب بين حُبّه واشنواه
واصبح الحجّاج إينادي في جنوده من عُشيره
من يعارضنا على باب الطّـريق بداحِنُه

رد / عبدالله البيضاني :
البعض لامِن نصـحته ياتسنّع واهتدى
وانا مدري عن عميلي وِش قُصُوده وِش نواه
ماقِدر في كيده القاضي ولاشيخ العشيرة
كُلّ مأصبح يوم سوّى حِيلة ٍ وابدى حِنه


بدع / عبدالواحد بن سعود :
يازميلي لاتنبِّش فالزّمان إللي غدا
ماعلى قلبي غِلاف ولاعلى عيني عشاه
ماعلينا مِن غريبٍ ترجم المعنى بغيره
إللي من شرق آسيا والهند وش ترجي منه؟ !

رد / إبراهيم الشيخي :
من طلبنا للعـشاء فنحِن نجيبه للغداء
إبنجيبه للغداء من قبل مايكِمل عشاه
الذي لاشاف فُرصه غار عأصحابه بغيرة
ياقلبي عُدّه من الآموات وش ترجي منه

بدع / عيضه بن طوير :
كُلّ ماقام المُكبِّر ماسمِعـت إلا ندا"ء
وين من يصحى ويتحافظ على أوقات الصلاه
وانا يوم العيد ماأصحيت النّيام إلاّ ظهيرة
وا ضعـيف الدِّين حتى القلب يتغالث مِنُه

رد / عبدالله البيضاني :
حيّ من خلّى طـعون القوم تندى بالنّدى
في نهار ٍ ماتعرّضه الذّليل ولا صلاه
ياهل قلة ٍ ماعجب شوف العيون إلا ظهِـيره
يوم ولد اللاش مايشريه يتغالى اثمنه

بدع / عبدالواحد بن سعود :
أبومتعب قال : عند الدهلوي 00 يابفت ريته
إنّهُم قُدّام كانوا ينشرون 00 البفت رايات
واكثر التُّجّار قدرك عِندهم 00 يابفت راقي
مايخلّونك مع النُّسّاج 00 والحُبّك رهونا

رد / إبراهيم الشيخي :
إنّها منتوج قلبي لاتقل 00 يا آب افتريته
كُلّ شيء ٍ يُفترا والحُبّ 00 مافيه إفترايات
كُنت اظُنّ اهل الهوى ماعاد 00 ينوون إفتراقي
واثرهُم شدّوا الرِّحال وبَعد 00 الحُبّ اكرهونا

بدع / عيضه بن طوير:
لو يطول العمر يصبح من 00 حدوث القدر ميته
والثمر ينهلّ لو كان الكظايم 00 تِسعرامْيات
لاتعاتِبني وتنشُدني عن 00 الشّعب العِـراقي
وانت عينك رايحه يمّ الشفا 00 واشفا قنونا

رد / عبدالله البيضاني :
لاتوصِّف لي قرون الوعـل 00 وانا قِد رميته
انت شِفته مرّة ٍ وأنا رميته 00 تِسع رميات
ماقِدِرت آصاوبه رغم 00 المعانِز والعِـراقي
آثر البلجيك تبغى رِكدة ٍ 00 وإشفاق نونا

بدع / عبدالواحد بن سعود :
يالله إنّ احمدك ماضيعت 00 عُمري واصطبيته
مأقضي العُمر آتغبّن والحق 00 الفايت ولو فات
قِد دريت إنّك سبقت النّاس 00 قُدّام أم سِباقي
وحرقت الدار بالكبريت 00 تبغي ضيّ عونا

رد / إبراهيم الشيخي :
حيّ من يقدِر يضيّف عشرميّه 00 وسط بيته
وا ردي القلب ماجايوه 00 ضيفانه ولوفات
الكلام من الرماي ماقدام 00 أمس باقي
مارمى البندق ولكن 00 عالوبارى ضيعونا

مثل هذه المحاورة تعتبر من الممتع متابعته وقراءته ..
دائماً تطالعنا بالمميّز لهؤلاء الشعراء الرائعين فلك الشكر ..
تقديري ..