أنٍآ طَبُعُيً گذِآ ’ دُآيًمٍَ / گآَفٍيً شُرٍّيً وٍخٍيًرٍيً .. !! ,,]

{ . .


شلتكْ منْ وسط نارْ الهموم وعالم الجمـــره
وسقيتك من غلاي وما نفَعْ طيبي وتقديري
مثل زهره قطفْها الوقت وقلبي شالَها حســـره
لأني شفْتَها تَحْتي وأخافْ يدوسها غــيري
رسمتك لينْ ما شفتك مثل صوره بلا فكره
ألوّنها ولا يبيّنْ بعينْ الصفحه تصويري
أكلّمْ صفحتك / عيّتْ تدور ونهتني بكره
وعاف القلب هالصفحه وأيّدْني بتدويري
وغلاتك / مو أنا اللي تهزّه غلطة البـــذره
صعب اتأثر بغيري و غيري فيه تأثـــيري
وإذا راحوا جميع الناس عنّي وهانتْ العشــره
أظل الشامخ بدمعي وأقول لضحكتي صـــيري
أنا مثل الذي يمشي بغابه كلّها خطــره
أكمّل خطوة دروبي ولا توقَفْ خُطا ســـيري
أنا ما همني حكي الجهال / أعوذْ منْ شــره
ولي غيره على ديني ولا أسْمَحْ بتكفيري
أجي للحاقد مواجه ويجيني من ورى وكره
يقول: وما صدقْ قوله وهمّه بس تصغـــيري
كثر ما كنت أنا أسولف عليك وبحة النــــبره
كثر ما رحت ناكرني ولا تفكّر بتفكيري
أنا شمسك / وإذا إنتَ لقيت بغيبتي قمــره
مردّكْ لي وإنْ طالت بكْ الدنيا مع غـــيري
تبشّرني بأفراحك ولا لك بالحزن ذره
عساها دوم ضحكاتك وتحراها تباشيري
بلا منّه عطيت وما أبي من هالعطا نظــره
أنا طبعي كذى دايم / كافي شرّي وخيري
وخلْها قصةٍ عندك وإخذها لدنيتك عــبره
أزيدك خير بأفعالي وينقص كفْ تقصيري
شفتك طايح ودامي وجبرته ساقك وكسره
نطرته لينْ ما ورّدْ وسقيته من تعابيري
مدامك طبتْ منْ جرحك وصارتْ صحرتك خضره
أمانه لا تردّه يوم / إذا جا وردتك / طيري


. . }

غلا روحي

أشكر لك وجودك في هذا القسم وإمتاعنا بكل جديد من مواضيعك ولا عدمناك ,,

لـــــك التـــــحـــــيـــــة

أنا مثل الذي يمشي بغابه كلّها خطــره

أكمّل خطوة دروبي ولا توقَفْ خُطا ســـيري


غلا ..


أبيات جميلة .. ومعاني ثابتة .. ووحي صادق

فلكي مني جزيل الشكر على ما أستطيبتي لنا من جميل إحساسك ,,

وما تذوقتي لنا من أطايب افكارك ..

مع وافر التقدير

غلا روحي


اشكرك من اعماق قلبي على هذه الكلمات الرائعه
والمعاني السامية.. وهذا ليس بغريب على انسان
يحمل من العواطف والمشاعر الصادقه الشيء الذي
لا يوصف... تقبل تحياتي ... انا عمري ...

♥ غلا روحي ♥

عوافي ولاعدمناك على الأحساس الرائع
وجمال ذائقتك , ومواضيعك
دمتي كما تحبين
ولك تحياتي وتقبلي مروري ..