ممنوع لو سمحت

سلام عليكم اسعد الله أو قاتكم بكل خير

دار نقاش بيني وبين شخص ليس بيننا معرفه ولكنه

تصرف تصرف خطأ وهو وقوفه في مواقف المعاقين

ويوجد لوحه إرشادية بهذا الشيء فقلت لو سمحت هذا

موقف خاص با المعاقين وكذلك نزول عربات المقاضي

طالع فيه بعين اخذ ذامع من قلب لكن قريت المعوذات

واحتدم النقاش وقال إذا الأمن منعوني لك ماتريد ولكن

إذا قالوا عادي فلا تحرج نفسك مع الغير أنت في بلد

ثلثيها مايحترم النظام ونا واحد منهم رحنا للا من

أخبرته بما حصل قال عادي عشان البلدية والدفاع المدني فقط قلت استأهل يا بن ظافر .

س هل بن ظافر على خطأ أو صواب أو السكات احلي وماهي الحلول لمثل هـذا الخطأ

من أمن العقوبة اساء الادب

لو كان هناك غرامات مادية للمخالفين للانظمة

مارأينا مثل عبث هؤلاء الهمج الرعاع

الدول الاجنبية ما طبق فيها النظام الا بفرض الغرامات المالية

للمخالف وخاصة لمثل هذه الحالات

بن ظافر لم يخطئ بل على صواب ولو كل من رأى مثل

هذه المخالفات فعل شيئاً كان وضعنا افضل بكثير

غبني يكون جالك ولو ثنتين بالعقال

بن ظافر:اولاً شف نفسك من اي ثلث والكثره تغلب الشجاعه حتى في النظام وعفاك


مع الرغم إنني وبكل قوه أمل ان تنال تلك الاماكن حقها

الرجل كان مبالغ عندما اعطى ثلث البلد انضباطيه انا اقول شعب لايحترم النظام من اللي وضع النظام الى اصغر واحد يجب عليه احترام النظام .

نحن اذا لم نقطع الاشارة ونعكس الشارع ونفحط ونوقف عرض وطول وفي مواقف المعاقين والصاحيين فلن يهداء لنا بال ولن ننام تلك الليلة ولذلك سلط الله علينا من لايرحمنا وهو ( ساهر ) .

بن ظافر : انت لم تخطيء ولكنك تهورت وكأنك جاي من اليابان وانت تعلم انك في السعوديه .
ومادام هذا رد الامن وانها فقط لتلافي الغرامات من البلدية او الدفاع المدني فهذه كارثة .
شكرا واتمنا لك السلامة .

ملاحظه : اخاف انك زعلت يوم سبقك . ههههههههه

الأمثلة من هذا النوع يا كثرهم للأسف ..
طيب زين الموقف كان فاضي حتى ولو كان مخصص لأن فيه ناس يوقفوا ورا السيارت لمعاقين ولغيرهم ووقت يجي
قال يا خوي بس غرض بسيط ورجعت بسرعة ومعليش لو أخرناك وكأنه ما سوى شئ غلط ..
نعم هناك من لا يحترم النظام ولا المجتمع وهناك من يراقبون النظام لا يحترمون تطبيقه أيضاً ..
فيه مشكلة اخرى وهي قلة المواقف ببعض المواقع وعدم الإهتمام بها لأنه من المستحيل أن يجد إنسان موقف
ويتركه ويروح لموقف غلط وهذا يعني أن التركيبه بأكملها خطأ وأخرجت لنا نتاج خطأ ..
أنت لم تخطي وقمت بالواجب وعلى الأقل تعتبر ذكّرت ذلك الرجل بخطأه ..
لكن أحياناً بمثل هذه المواقف يحدث عدم فهم ويقابلك من لا يُقدر تنبيهك فيحدث وراء ذلك مخالفات أكبر من مخالفة الموقف ..
كنت أتمنى إني موجود والله وأقول كلمتين أخلي الرجال هذا ينط فيك صح
المشكلة الأولى هي مشكلة الثقافة والحقيقة يفتقدها الكثير وفي أكثر من تعامل ..
تقديري ..

الف شكر لكم جميع

ابو فهد مجرب مثل هذي المواقف يوم كنت اغسل كان لنا مواقف خاصه وما يقدر شخص
يوقف فيها كون الامن مسيطر صح وجربت والله المشي البعيد ونا خارج من الغسيل تكره نفسك

ابوريان اعرفك مردد في غلا يابصري

الحقيقه يجب مراعات مثل هذي الاشاء البسيطه والكبيره عند غيرنا مثل ( المعاق )..

أنا لا لاأرغب في الوقوف في مواقف المعاقين لو أمشي مسافة نصف كيلو ( أما على بعد كيلوا لابوقف )

لالا أمزح القحيقه اني لا أحب ذالك الله يشفي كل مريض والحمد لله على العافيه

شكراً بن ظافر على الشعور الطيب ياطيب

مودتي

الف شكر لمرورك الغالي الله يعطيك العافية

يعطيك العافية

وفلحق ان عيدت يوم سلمت هههههههههههه
وبرضه اقول الحق ما هو عليك الحق على الامن الواقفين
دمهم مضيعين اكيد المواطن لو حصل موقف بيوقف

تحيتي لك

شرفني مرورك الغالي الله يعطيك العافية

فيه اعلان توعوي يجي في القنوات اللبنانيه يعرض ( هماجات ) من الناس مثل التجاوز ورمي اشياء من النوافذ والوقوف في اماكن ممنوعه ويجي احد يعاتبهم يقول وبكل وقاحه ( مو انا لوحدي ) بمعنى ان الكل همجي فليش تحاسبني انا
انا اقدر فيك شجاعتك في مواجهة الغلط رغم ان بعض الناس ودك تتحول سوبر مان قدامه من كثر ماهو وقح
لايسمع ولا يستجيب واذا كان في قمة الادب قال لك شوية وانا ماشي

اذكر مره كنت في السياره ومعي طفل صغير اخذت لي غرض من الصيدليه وجيت اركب السياره لقيت واحد صك علينا وسيارته شغاله يعني انه بيرجع بسرعه ولطعنا اكثر من نص ساعه وبعدين جا يجري وهو يعتذر ويحط يده على صدره ويتأسف بايتسامه
اش سوينا ؟ ولا شي

لكني تمنيت اني كنت رجال وقح وقتها كان بردت قلبي

الحل بنظري هو مزيد من الوعي والعقوبات الماليه خاصة لمستخدمي مواقف المعاقين .

يعطيك الف عافيه اخوي بن ظافر انت الصح وهم الغلط مايبغى لها..
والشعب السعودي فيهم الفاشل والمتخلف ومن لا يحترم النظام..فلا تستغرب ردة فعل كل همجي ..
كل الي أقدر أقوله الي يحرم معاق من شئ وضع له ويضيع عليه موعد أو يعسره عليه الله يحوجه مثله لمثل هالموقف عشان بس يقدر النعمه ويعرف وش معناة المريض والمعاق ..مايكفي المعاقين سرقتهم واستغلالهم من قبل الشؤون الاجتماعيه ..صاروا حتى المواطنين والمسؤولين بكل مكان ظلمه .. وينهبونهم بأي طريقه ..
شكري وتقديري لك..

ذات الشان..يـمك دروبي

شرفني مروركم الكريم الله يعطيكم العافية ومداخلتكم القيمة