وين الشعاااار

البدع
يا سلامي يا شعّار ابني عمر
قصدي اهل المنتدى واهل الشعر
فينكم طال الغياب ابلا سبب
صار في الموضوع تشكيك وعجب
فين جاسر وابن سالم والرادار
وانت وانا والبقيّه امن الشعار
شرهةٍ تو القبايل والعموم
يبقى هذا القسم من دون النجوم
امّا تزهمهم بصوتك يابو فارس
ولا قفل قسمنا والله معك

صح لسانك ملايين واسمح لي في هالخربشة ..

مرحبآ مليون بمن حضر
ننتظر ونعطي الغايب عذر
من تواجد له حشمه وقدر
والي ظرفه صعيب فألى يسر..

الكل منشغل بالاختبارات هالايام فنقدر للجميع غيابهم
والف شكر لك ..

الــرد

استــوى البـيت والمبنى عمــر
ما تقــارن مـع بيـــــت الشـعــر
من فــــــتح نافذه ما يــنس باب
وأنت ياذيب تزهمنا وحنا ذا يجب
مايجد من يدور مثل ربعه مهما دار
لومشى مالهداء حتى يحدر من شعار
عـــــادت(ن) من جــدودٍ والــــعموم
كانوا مثل الصــقور اللي تـــــــجووم
عشت ياراعي القوافي وأنت فارس
تهمـع العدوان ماحد(ن) يهمـعك

،

الله الله
صح القآف يآ الشيبآني وَ { بن خشيل

ابدعتوا


♥

،

{ البدع

ياصباح الخير قافٍ ما يلين
أقتفى به عصبةٍ وإنقاد حين
من سُبي بالشعر يُبلا ب السُبات
والمُّغَّيب في ثرى الهّرآج مآت
وين يلقآها العرب حشمة وقآر
والآراضي ترتجف إبلا قرار
لعب منهو بالخُطى قد هاج زيره
مرحباً بك مرحبا أهلن كبيره
الوجود االلي بعد غيبه تفَانَا
يآمدير المُنتدى خله معك

♥

،

آحم / تصحيح : والآرآضي *

المشاركة الأصلية كتبت بواسطة تلآآآهيف العمري

،

آحم / تصحيح : والآرآضي *

تم التصحيح في القصيدة حفاظا على قافيتها .

يا سلام ..يا سلام

الرد
وش علينا من هروج المايلين
لاصبحو عند المشاكل قادحين
قصدي اصحي اللي بين الناس بات
مانوينا حربهم بالراجمات
القصور امشيّده والساس قار
واعمل بحسب الوصيه والقرار
دام منك الرد جاء..يابنت فانا
بحسِب اني مادريت ولا اسمعك

أبتدي بسم الله الرحمن مبدأ كل قول
خير من الدنيا الدنيه قبل ما نبدأ نقول
بعدها أسلم عدد سيلٍ تزاحم فالنقول
والله الوالي ولا غير الله الوالي ولي


يا صبي شيبان يالشاعر الوافي
مرحبا بك وأنت في الموقع الغالي
من دعى فينا نجي ما تقيصرنا
والبضاعه سرّها عند شاريها

ماكذب من قال قلبك يالبديوي مايلين
اقتنع ذلحين ,, والا افهم كلامي بعد حين
ليه تتــجاهل ردودي يوم جتك أمناسبات
ثم ترمي بالعجم ذي جات لك بالتمر جات
كان مالواجب عليك إتعيــرنا بعض الـوقـار
مــانبــي تفســــير منك ولا بــــــــــــرار
لــــو نـويت اعمر فوحــدي بــاتـفانـا
بعد هذا اليوم تعذرني ,,فلابجلس مـعك

اولا الله يحييك با بن عزيز
ثانيااشكر الاخت على المشاركه الجميله جداا
ثالثا بالنسبة لك يا بوخشيل..و الله ما تجاهلتك ززولا حصل الموضوع هذا ابدا
انا بدعت وانت رديت علي .. وبدعت الاخت وانتظرت احد يرد عليها...فما احد رد فرديت انا
والموضوع واضح..ليش الزعل

الرد يا بو عزيز
البقا يا من ترحب في الذهاب وفي الوصول
شاعر تعرف مذاهيب القبايل والوصول
انت شاعر وانا شاعر ..لي ولك.جوله وصول
و الله الوالي على خلقه ولاغيره ولي
***
لاتواعدت انا واياك بنوافي
مسلمين ومومنين ولا انغالي
قالو اهل القسم من مات قيصرنا!!
مايجي بيني وبينك مشاريها

من زعل يا خوك يرضى والزعل ماهو بفود
والذي شاعر يقدم شعر ما بين الوفود
يحسن النيه ويرمي التالفه تحت النفود
والله الوالي ولا غير الله الوالي ولي


دام لك قلب مع المجتمع صافي
فأعتبر مر الزمن نقلبه حالي
وأنت في كل المواقف تمثلنا
شاعر وكل القوافي تجاريها

وش نسوي لاصبح الانسان في قلبه عقود
ضيّع الرفقه وضيّع ماتفقنا امن العقود
اظلم العالم عليه ولا عاد ايشوف العقود
والله الوالي ولاغيره على خلقه ولي
***
يقسمون العلم لارباع وانصافي
اشكي اعلى الله من وقتنا الحالي
كم نعلم كم نفهّم ومثلنا
من بغا الاصلي يخلي تجاريها

يا زميلي كلها الدنيا بها حالي ومر
وأنت لو تآمر على راعي الصراحه ما ومر
وأنظر الجمهور ما كلف على نفسه ومر
والله الوالي ولا غيره على الدنيا ولي



أستوى اللي يملك المال والحافي
في زمان صار مطلوبنا المالي
والتفاخر منتشر في مناطقنا
عند ناس ما قدرنا نباريها

صحت الألسنة يا شعار


لا زلنا متابعين و مستمتعين بما تقدمون ,,,