تحت الطلحــة !!

اسعد الله جميع اوقاتكم

يقولون ,, مع دخول فصل الشتاء تتغير اشياء كثيرة وتحدث مستجدات
منها " الزكام والعطاسـ واحيانا حلوم وكوابيسـ " مشـ مُهم ! النائم عذره معه
حتى لو [ جاء بالعيـــد ] معذور



يمدحون البصل والليمون في البرد وانا اشوف العســل هو الزين
إلا على طاري العســـل ,, لي زيارة - ان شاء الله - الاسبوع القادم لابها والخميســ
ما نبي مفطحات ! ودنا بحنيــذ مع طحينة وعسل يا اهل الجنوب
اسمعكم ترحبون ,, مرحبن يسلم


حلم البارحـة .. اعادني لسالفة كانت تدور هنا بيني وبين بعض الاحبة
وكان مديرنا الحبيب يدخل مرة بوردة ومرة بقنبلة ,, سالفة قدر الضغط والطلحة
ولا تهون الحساسية والمغناطيســو ! ع العموم .. ما لكم ف الطويلة
اذا سلمنا من العطيف فالعلوم طيّبة ,, يقولـــــــــــ



شفت بالحـــلم تحت " الطلحــة " اربع قدور
كلّهــا مثــــل بعض وكـل قـــــدر بغطــــــــاه

شكلهـا فاضيـــة ما غيـــر واحـــــد يفــــــور
قلت وش فيــــه ؟ قالوا [ ديكتــين وقطاة ]

جيت اشـــيل الغطــــا ما شفت غيـرالصدور
قلت وين الفخــــوذ وفين عظـــــــم الشطاة

قالوا اللي تشـــــــوفه ذا ,, مجــــرّد فطور
العشاء ابطى على السفرة حـــذاري تطــاه

بسـ عطنا قصيــدة ,, قلت عنــدي شعـــور
إنّ من يدركـ المعنى تـــوارت خُطــــــــــاه

اشــهد انّي معــــه ما صار عندي قصـــور
غلطتي بالـــــتواصل والتجــــافي خَطــــاه

له قطعت الفيــــافي , له عبرت البحــــور
كلما اجـــزلت له شـــعري يقل بعطـــــــاه

افتح الصفحــــــة اراعي ولا له ظهـــــور
وخايف لا اتّصل فيقـول وش ذا السطــاة

آآه ما اغلاه لو يشـــوى الجـفا والغــرور
وأأه ما احلى سـواليفــه وما اقسى بطـاه

ما اقدر اكمّــل اخشى القنبــــلة لا تثــور
خـلّوا القـــدر يطبخ لا تشــــيلوا غطــاه



وكرامتكم الشَحَم


الحقيقة ...........
هي خنفشارية شتاء ,, مجرد تغييــر للمزاج قليلا
عسى ان تولد بسمة رائعة وتنمو كلمة حلوة في حنايا مشاركات الاحبة
فتّكم بعافية .......

ناقصهآآ الدآفور هوون هههههه

مُبدع بكل حالآتك مُهندسنآ
وصح لسآنك ..

صح لسانك
ابيات رائعه
دام عطائك

الله المستعان ذكرتني بقنبلة نسيتها في حق حليب تحت الطلحة
هيا منهو اللي وده يروح يدور عليها ويبعدها عن العربان
الطير ما بيطيعنا طول . أعرفه وأبو سيف بينشب في لزّة وأنا مالي حيل
تدري كلنا نروح ونحط الحنيذ هناك والله يكتب كل خير ..
وأنت أرحب الله يحييك ..
أما القصيدة فلا عاد وراها تعليق لأنها كفت ووفت وزانت وزيّنت ..
صح الله لسانك على هذه الشتوية الفائقة الجمال ..
تقديري ..

ممتازة حلوم البرد اذا انتجت لنا مثل هذه واعادتك لنا .

حياك وبياك وابشر بالعسل والحنيذ بس انت تعال .

المشاركة الأصلية كتبت بواسطة الضآميــه

ناقصهآآ الدآفور هوون هههههه

مُبدع بكل حالآتك مُهندسنآ
وصح لسآنك ..

ههههه
مع ابوسيف في رحلة صيد

اشكر وجودكـ

المشاركة الأصلية كتبت بواسطة عــذبــة الـــروح

صح لسانك
ابيات رائعه
دام عطائك

صح بدنكـ وشكرا لحضور عطركـ هنا

المشاركة الأصلية كتبت بواسطة أبو ريان

الله المستعان ذكرتني بقنبلة نسيتها في حق حليب تحت الطلحة
هيا منهو اللي وده يروح يدور عليها ويبعدها عن العربان
الطير ما بيطيعنا طول . أعرفه وأبو سيف بينشب في لزّة وأنا مالي حيل
تدري كلنا نروح ونحط الحنيذ هناك والله يكتب كل خير ..
وأنت أرحب الله يحييك ..
أما القصيدة فلا عاد وراها تعليق لأنها كفت ووفت وزانت وزيّنت ..
صح الله لسانك على هذه الشتوية الفائقة الجمال ..
تقديري ..

لا عاد ,, اما حق الحليب ما جاء على بالي
بس ما تلاحظ انه ما احد جاب سيرة الظلالة


يسعد اوقاتكـ ما احلى وجودكـ

تقديري

المشاركة الأصلية كتبت بواسطة ابوفهد العمري

ممتازة حلوم البرد اذا انتجت لنا مثل هذه واعادتك لنا .

حياك وبياك وابشر بالعسل والحنيذ بس انت تعال .

ابيض وجه يا بو فهد
تسلم على المرور وشكرا على العشاء
والله ما قصرتوا بسـ كنت مستعجل
وخيرها بغيرها

احلى تقدير

ماشاء الله عليك
صح لسانك يا مبدع

المشاركة الأصلية كتبت بواسطة عطر الحكي

ماشاء الله عليك
صح لسانك يا مبدع

مشكورة يا عطر
شرفني وجودكـ.. صح بدنكـ