قصايد من تراث عيضه بن طوير رحمه الله

البدع ابن طوير

ياقلبي اصبر على الرميات حتى يضح كون
احسبت سبعي نمر وآثار سبعـي نعامـا
ماهوب لاعب علـي بحيلـةً وبتداجيـل
انا جبل ما يواطي راسي الفيـن والفـن
لوكان رمي القفا يهدم بثـارة ومزحـك
لكان خلوا شدا السامي وتهوي بروحـي

الرد ابن طوير

والله جاني الغبن واحباب قلبي يضحكون
لاكن فاتت علينا ياهـل سبعيـن عامـا
اريت جيلي تقدم وانتهـى وابتـدا جيـل
لا كن ما نكره الطيـب ولا نكـره الفـن
لا تحرم الشيب من نظرة عيونك ومزحك
كلمة تذكرني الماضي وتهوي بروحي

البدع ابن طوير

قال ابن منصور لي في كل يوم انتظامي
لكن ما فازوا العدوان منا بعلما
ما قل عمري ومعروفي وماضاق صدري
مادمت أمثل مجالس في حضور وليام
بعد لو قفاتنا قيمة وتطوير شانا

الرد ابن طوير

يا صاحبي ما قطعت الوصل يوم انت ظامي
تذكر أيام وأنا أسقيك من نابع الما
وفرق الزحمه للي وارد آ والمصدري
ويوم حدتني أحداث الليالي والأيام
تكدر المورد الصافي وتطوي رشانا

البدع ابن طوير

قال ا بن منصور يا وجدي بعد مات أبونا
كتمت غيظي وفي القلب النظافه نشا أدناس
وبعدت عن واديا ما عاد لي فيه ماجا
والمزرع اللي يشرفنا نمد الخطى له
والتمر تمرا يجي حبه على ههتف أقنى
ومزرع المر اذا جاه الحلا مات مره

الرد ابن طوير

يا أصحابنا ليش من بعد الرضا ما تبونا
الله يا ما زعل قلبي ويا ما نشد ناس
وأثار بعض المحبه همجة من هماجا
هيهات ما كنت أبمشي في دروب الخطاله
لكن قد غرني عهدا عليه اتفقنا
وقيلة ليش تنسى صاحبك ما تمره

البدع ا بن طوير

عيضه يقل يـامســـافر للـــديار البعايد
سلم على اصحابنا واللي في البر سايل
واللي يبي الجنه الخضرا يصلي ويحمد
واليوم ماعاد للفتـــنه مذري ولا ادياس
ماعد بي الا ضروسي ذا السنه تبتهلّه

الرد ابن طوير

اليوم يابو ثــــواب الله رزقـــنا بعـــايد
عقب المغيب الذي نتـــذكره بالرســـايل
أنا اشهد انك تشرف حفــــلنا يابو احمد
واقسمت بالله يارضا حل فيها ولد ياس
لينتهي الوقت وقلــوب الغلا تبتـــهلّ له

البدع ابن طوير

يا تـــــمر وادي الـــدواسر ما مثـــيلك ولا تمر
يا ليتني في حصــــاد التمر حــــارس وليـــام
والا وكــــيلا(ن) بحـــبــــه واتكـــلف بديره
ما انساك يا تمر لو بنسى البصر وانتسى ايدي

الرد ابن طوير

يا صاحبي حل ما بينــي وبينك ولاة امر
وفــرقـــتنـــا مقـــادير الليـــالي والايام
وحل وقت الفـــراق وراح كلا(ن) بديره
انته حياتي على طول المدى وانت سيدي

البدع ابن طوير

يابنّ يابنّ يجـــنونه من اشـــعاف وادي
على عيوناً غـــزيرة كلــها تسعر اميات
حسبي على من حمس حبه وسوّى قهاوي
من يروحه ضلّ راسه يدّور والديخ فيه
واللي تـــولّع بــشربه مات والا عمي له

الردابن طوير

حسبي عليك الله اكبر يامن اشعى فوادي
بحبّك اللي رماني فالكـــبد تســـع رميات
ماني مورّد مواتر عند ســـواق هـــاوي
لا ودّي ابـــديه للعــــالم ولا ودّي اخفيه
بعد عمـــيل المـــودّه ما تـــولّى عميــله

شكرا لك عضونا القدير ورحم الله الشاعر عيضة بن طوير وجميع موتانا .
تراث يبقى مع الأجيال بارك الله فيك .

أبن طوير
شاعر مميز رحمة الله عليه وأسكنه فسيح جناته
وأمواتنا وأمواتكم وأموات جميع المسلمين ( آمين)

محمد الحساني
شكراً لك ع النقل ، والله يعطيك العافية

رحم الله بن طوير وأسكنه فسيح جناته ..
معروف عنه جزالة الشِعر وقوة المعنى وفن القصيد ..
الله يعطيك العافية وتسلم على ما قدمت ..
تقديري ..