في ظهـرك أربـع خناجـر وبالصـدر أربعـه

[c]مشكلة لا جـات حاجتـك بيديـن البخيـل
مـا يفكـك ليـن تدفـع كثـر مـا يـدفـعـه
ومشكله لا صرت مطعون بكفوف الدخيـل
في ظهرك أربـع خناجـر وبـالصـدر أربعـه
ومشكله لا ضاق بالوقـت رجّـالٍ ثقيـل
يطلـب أحبابـه وعيـّا زمـانـه يـنـفـعـه
ليت ربي ما يحاسـب خليـلٍ مـن خليـل
دام مـا للحـظ فـزعـة وللـوجـه أقـنـعـة
ودام ما للعذل تالي ومـا بالحيـل حيـل
الـغـلا سـمٍ نـذوقـه ومـرٍ نـجــرعــه
نحتري فيه اللقا والحصيل هو الحصيـل
مثـل حلـمٍ مـا تحقـق وعيـّيـت أقـطـعـه
كني اللي حط بشفاه مـن جمـر المليـل
لا قـدر يـرميـه للـنـاس وأزرى يـبـلعـه
والظروف اللي حدتنـي لنيـران وفتيـل
عرضّـت دمـع المحاجـر لشـيٍ يـجـزعـه
والمدامـع بالغـلا لا تحـال ولا تحيـل
والمشاكـل كـل مـا جـات جـات مجمـّعـه
اعذلوني عن هوى النفس وعيوني تخيـل
فـي حبيـبٍ مـا تركتـه ولازلـت أتـبـعـه
مغرمٍ في حب مثله ولا أرضى لـه بديـل
عينـي تشوفـه وقلبـي يجـوع ويـشـبـعـه
ذاك كل مازان بالـي وطالعـت النخيـل
مـا ذكـرت إلاّ ثباتـه بوقـت الـزعـزعـة
ماهو إلاّ قطعةٍ مـن حشـا قلـبٍ عليـل
ومانـي إلاّ قطعـةٍ منـه مـخـلـوقٍ مـعـه
لا جميل شفـت قبلـه ولا بعـده جميـل
العـذارى رهـن رمشـه وأنـا رهـن أصبعـه
والله إنه لـو طلبنـي طلـوع المستحيـل
لطلعـه ( منيـه .. منّـاك ) يعنـي لطـلـعـه
ما عليّ من الملامـة ولا هـرج الهبيـل
ما أشجع الرجال لا ثـار غيـرة ، مـا أشجعـه
في عيون اللي عشقني ولا جانـي هزيـل
اللـه اللـي حـط عشقـه بقـلـبـي وازرعـه
لو سكت ينطق له الصـم والدنيـا تسيـل
وإن حكى كـنّ أكثـر المـزن يوقـف يسمعـه
سلسبيـلٍ مـن شفاتـه يخالـط سلسبيـل
معمعـة بسكـات ، وأحلـى سكـات بمعمعـة
ما هقيت إن أكثر الليـل يمـرح بالجديـل
ليـن شفتـه شـوف عينـي بكفّـه يـرفـعـه
وإن حييت وما بقالـي معـه ياكـود ليـل
لأسهـره بأول غروبـه وأمـوت بمطـلـعـه
والله إن العشق ( جمرة وطاحت بالشليـل )
وإن حصل ( ما طاعك الوقت بأحبابـك طعـه )
ومنهو اللي علم اعداي نكـران الجميـل ؟
ومنهـو اللـي خـان خلـي وحـاول يقنعـه ؟
كل عاذل ردنّي عنك يالطـرف الكحيـل
يا عسى الله يقلعـه .. يـا عسـى اللـه يقلعـه
يا معرّض قلب الأحباب للـدرب الطويـل
( السعـة لا بـارك اللـه بالضيـق ) السـعـة
والله إن الوقت قاسي وأنـا مانـي ذليـل
وأشهـد إن الرجـل مـرّات ظنـه يـخـدعـه
وأنتـم تعذلـون خفـاق بعيـون العديـل
مـا رحمتـم نـار جرحـه وغيـرة مدمـعـه
والسوالف ليلهـا ليـل والحايـل يحيـل
والمشاكـل مشكلـة مشـكـلـة متـجـمـعـة
مشكلة لا خانك الوقـت بالحمـل الثقيـل
لـو زرعـت زرع هـوج العواصـف يـشـعـلـه
ومشكلة لا صار عاذلك ما يبـرد غليـل
لا تـردّه طيـب كلمـة ولا حـدٍ يـمـنـعـه
ومشكلة لا صرت مطعون بكفوف الدخيل
في ظهـرك أربـع خناجـر وبالصـدر أربعـه
----------------

للشاعر حامد زيد 00 [/c]

رغم المشاغل والمتاعب ،،،

رغم انشغاله بما هو اكبر من هذه المشاركه ،،

رغم وقوفه على راس هذا المنتدى ،،

وعلى راس كل منتدى يدخله ،،

يبقى معنا دائما 000000

بنفس الاسلوب ونفس التواضع ،،،

رغم ما يملكه من مقومات الفوقيه ،،

الا انه آثر البقاء ليشارك معنا كما يشارك الذي لا شغل عنده ،،

مرة اديبا مع محبي الادب والشعر ،،

ومرة يرسم الابتسامه لاهل المرح ،،

ومرة يعالج قضيه ،، ويحل مشكله ،،

واذا اردت ان تعرف مصداقية كلامي 00000

فانظر الى غيرة من اصحاب المنتديات

يتكلم معك من علو ،،

ويخاطبك بكبرياء ،،

مرة يهددك بطرد من المنتدى ،،

ومرة يحذرك ،،

ومرة يتجاهلك ،،

ويبقى الاخ سعيد العمري ( قمة ) في كل شئ 00000

في منتداه ،، وتواضعه ،، وحسن تعامله ،، ورحابة صدره ،،

فهو يستحق 000

وله علينا حق 00 ان نقف هذه الوقفه اليسيره 00

لنحييه ،، ونشكر خدمته لنا في هذا المنتدى ،،


او لعلنا نوفيه بعض حقه ،،

وبعض ما يستحقه 000 من الشكر والعرفان ،،

ونقول له 00

خلك على خبري كما ريحة العود ،،،، اذا احترق بالنار يزداد طيبه

والى الامام 00 والله معك0

هلا وغلا
اخي سعيد
وما ذهب اليه اخي ساهر الليل صحيح فانت نبراس لطريقنا وتوهجنا وفقك الله
اختيار متألق كذائقتك المشبعة بالجمال
تحياتي لروعتك وجميل ماجلبت من حامد زيد

يعطيك العافيه اخوي سعيد

اختيار موفق ، قصيدة رائعه تحمل معاني وحكم جميلة .

حياك الله اخوي سعيد
ويعطيك العافية على هالاختيار الموفق بمعانيه الجميله ونتمنى منك المزيد


اختك
دلع

صح لسانك اخوى سعيد على هذا الاختيار الرائع

دائما مبدع .. والجديد هو عنوانك

تقبل تحياتي

المليحي

تستاهل كل ما قيل يابو سلطان 000ولن ازيد الا بدعائي لك بالتوفيق00