لا تناظرني بعين

تجمعنا الايام مصادفة مع بعض الناس وتحدث مواقف تبقى في الذاكره طويلا اما لطرافتها او لغرابتها
او لغرابة الشخص الذي صادفناه وحتى تفهمون قصدي اروي لكم هذا الحادث البسيط
كنت في دورة تدريبيه قصيره مدتها اسبوعين دخلتها ولا اعرف فيها اي احد وطبعي اني اكون صداقات بسرعه واتعرف على الموجودات والكثير يكون بيني وبينهم تآلف وكأننا نعرف بعض من زمان
في هذي الدوره كان معي 13 متدربه مختلفات الاعمار ما قدرت اتعرف عليهم مثل عادتي لان المده قصيره واغلبهم من الناس المستعجلين اللي بس تحضر وتمشي فكانت دوره كئيبه وزاد عليها
انه فيه وحده في نهاية الصف كبيره شويه في السن ومن اول ما دخلت الفصل وهي عينها علي
اذا رفعت عيني فيها ما تغير نظرتها واذا انشغلت احس انها تطالع
واشغلتني وخلتني انتبه لها اكثر مما انتبه للمحاضره وهذي النظره استمرت طول الايام اللي حضرنا فيها للدوره
انا اسمع عن الشاذات لكن قلت استغفر الله لايمكن هذي حرمه كبيره
وانا ماني بزره ولا ملامحي تعطي اني وحده راعية شي غلط
ومن جد اشغلتني

ولا قدرت اسألها اش فيه والا ليش تطالعين لاني اصلا بس اشوف عينها جهتي انزل عيوني على طول يجيني خوف منها

اليومين الاخيره قلت اذا ما قلبت وجهها رح اشوف اش بها والا اتصرف معها بتصرف ما يعجبها
كان اليوم النهائي للتقييم وتقديم البحث فقلت خل اشوف اش بها مره وحده ادخل معها في كلام
وسلمت ردت السلام عادي والتفتت لي ..
سبحان الله حسيت بدوار وبغيت ادوخ
طلعت عينها اليسار منحرفه مره جهة اليسار والعين اليمين عاديه فهي كلما رفعت عينها جهة المحاضره تجي عينها اليسار في جهتي وعينها اليمين في وضعها الصحيح

من جد خجلت من نفسي وحمدت ربي الف مره اني ما تكلمت ولا اسأت لها وتأسفت لها ( بيني وبين نفسي ) على سوء ظني فيها
وحمدت الله على نعمه الكثيره اللي ما نحس بوجودها ..
واهم شي تعلمته في الدوره انه لانستعجل في اصدار الاحكام على الاخرين قبل ان نتأكد .

وسلامتكم

سلمها


.......

من معارفى شخص نفس الشى عينه اليمين عاديه و اليسار شاطحه
فإذا جا يسلم يخم الى مايعرفه وهوه خفيف دم وينكت على عمره

فكنت واقف مع واحد واوشكنا نفترق...على جيته
فسلم عليه وهمس ( ما راح اربشته صح)...وسلم على الثانى وادخلنا فى دوامة من الضحك.

.......
الله يعطيك العافيه.

انا حظرت مناسبه وكانو النسوان حول 7وفيه كهله جالسه على يميني دخلت وسلمت عليهم
وروايا وقهوه وشاهي والكهله ذي تطالع فيني ودي انها قدامي وتطالع فيه لا جنبي ولافه عليه تطالع عاااادي ماعندها مشكله
وانا ودي اضحك ولاعت ادري مذا يقلون ذولا يروي
المهم قرب ياذن الفجر والكهله زي ماهيه لافه عليه ياناس خلاص كل شويه ابغا اقول للي جنبي وش فيها الكهله ذي يعني حتى لو نظره اعجاب ماهي كذا كفايه حتى سوالف ماسولفت ههههه المهم فكري يانعني انها معادت وتمسي الليل من جماالي الخارق
المهم قال بعلي مشيناوقام راح عند الباب انا سلمت عالحريم وجيت بسلم على الكهله نزلت لها وسلمت شدتني ليتها وحطت يدها على فمها قالت لاعتي تاكلين علك تو انسان ماهوب حلو انتي سمعتي؟ !!
قلت هاااااه قالت العلك العلك لاعتي تاكلينه تو انسان
قلت اييييه ابشري وعديت بسلم على الحريم قالت اسرعي بعلش ويروح ويخليش
اووووه مال تيه
قلت لها طيب طيب
واروح الغرفه الثانيه اسلم على راعيه البيت والبس عباتي
شويه الا الكهله جت تقول انتي بعد هنيه بعلش ويروح ويخليش

على فكره ترا اول مادخلت كان في ثمي علك بعدين رميته يعني ماتلوكت قدام الناس بس مدري مال بقعا تيه

أهههها أههها