|
#1
03-12-2010, 09:07 PM
|
||||||||||||
|
||||||||||||
ريح الفراق
يـا وجـودي روح العمـر وآشـوف النذيـر في شعر راسي صباحه غـزى ظلمـة مسـاه يوم شفت العمـر مقفـي وانـا فاقـد خشيـر نفسي بنفسي خذ الضيـق مـن صـدري مـداه ضاق صدري من زماني ومن حظـي الفقيـر وغيبة اللـي روح العمـر وآنـا فـي رجـاه صاحب ٍ كاسي لـه الجـوف بالشـوق الوثيـر ومنزلـه قصـر ٍ بقلبـي بنيتـه مـن غــلاه قصر جدرانه زبرجـد وفرشـه مـن حريـر يتخطـى فـي جنوبـه ويرفـل فـي حـمـاه صاحب ٍ كية فراقـه علـى الضلـع القصيـر واستحيـت آصيـح بالصـوت ولا اقـول آآه يا وجودي من فراقـه ومـن شوقـي الكبيـر والوصـل مـا لاح برقـه ولا غيـم سـمـاه وجد جاني ٍ مـن غريمـه يـدور لـه مجيـر وساقتـه سـود المقاديـر ليـديـن غـرمـاه خانه انه مـا خـذ بنصـح أو شـور الشويـر لين صار الموت منـه علـى مرمـى عصـاه من وهـج رمضـا القوايـل تجـور بالسعيـر يا وجـودي مثـل وجـده لقـى مـا لا هقـاه واقف ٍ في صحصـح البيـن يلفحنـي الهجيـر بين حلـم ٍ فـي وصالـه ويـأس ٍ مـن لقـاه واقف ٍ ما بين يمكن .. لعـل .. وقـد يصيـر التقـي بـه قبـل لا المـوت تطحنـا رحــاه واطلـب الله الــذي رد للشـيـخ الضـريـر شوف عينه بعـد حـزن ٍ تسبـب فـي عمـاه ورد يوسف بعد غربه .. وسجن .. وجوف بير وكيد نسـوان ٍ .. وقـدَّت قميصـه مـن وراه انه فـي مقبـل زمانـي يجـي منـه البشيـر بالقميـص اللـي يـرجـع قتيـلـه للحـيـاه وليت ماضي الوقت الأول جعل يذكـر بخيـر يرجع ويرجع حبيـب ٍ لمـن هـو فـي حـراه يوم هـو لاعـب بقلبـي مثـل لعـب الغريـر ساعـة ٍ يبغـى وصالـي وساعـه مـا بغـاه إن بعـدت يصيـح بالصـوت عـوّد يالعشيـر وان قربـت يـزم صـدره ويعطينـي قـفـاه كنـه ياخذنـي ضمـان ٍ علـى ضفـة غديـر ثم يعود بي وحلقـي يبـس مـا أروى ضمـاه صاحب لو مـر حسنـه علـى ناظـر جريـر ما التفت صوب الفـرزدق ولا اهتـم وهجـاه ان ضحك لي يضحك الـورد ويفـوح العبيـر وان زعل ثم عض لولـه علـى جمـر الشفـاه قلت صار الجمر ( جنه ) ... وهو بئس المصير وأي شخص ٍ يحتـرق فيـه يـا كثـر حسـداه سلهمته تقـول فـي تيـه كـم غيـرك أسيـر ما فزع لـه قـو باسـه وعزمـه مـا حمـاه ومشيته لا أدبر كحيلـه علـى الطبلـه تسيـر وان تمايـل وأقبـل يسيـر قلـت انـه قطـاه فيه فتنه تغري السيـف فـي جـوف الجفيـر وفيه حشمه تلهـم الصـب لا يسهـى الصـلاه وفيه رغم الحسـن والتيـه عـذروب ٍ صغيـر سامـح الله الحرامـي سـرق عقلـي مـعـاه نوم عيني فـي عيونـه وانـا طرفـي سهيـر وسلوتي لا قلت ابسلاه .. فيـه القـى السـلاه وقلبـي اللـي فاقـده فقـدة صـواع الوزيـر سارقه وان قلت شفته ؟ يجاوبنـي اب.. هـااه وان طلبتـه رد قلبـي تـرى حالـي خطـيـر قـال قلبـي قـد خذيـتـه ولا قلـنـا نـبـاه ما درى ان كلمتـه هـذي لهـا وقـع ٍ مثيـر في خفوقـي وان خفوقـي بهـا يـدرك منـاه وما درى ان العمر لو طال في الدنيـا قصيـر لو درى خذ مـن طراتـه قبـل يقبـل غثـاه قبـل لا ريـح الفـراق العبـوس القمطـريـر تجبـر المشتـاق يلقـى فـي الذكـرى عـزاه ويتوجد كل مـا طيـر لاحـا صـوت طيـر يتوجـد مـن خفـوق ٍ نـوى خـلـه بــراه يا وجودي من زمانـي ومـن حظـي الفقيـر وغيبة اللـي روح العمـر وآنـا فـي رجـاه 
  
|
|
03-13-2010, 03:26 AM
|
#2 | |
|
شاعر قدير ومميّز
|
ابو صاهود العمري
الله عليك وهذه الروعة ... قصيدة جميلة وجزلة وتحكي واقعا ملموسا ... تقديري لك ولذائقتك الجميلة |
|
|
|
|
03-13-2010, 05:29 AM
|
#3 | |
|
مراقب
|
تبارك الرحمن الله يعطيك العافية يا الغالي...... ويكفي
ما درى ان كلمتـه هـذي لهـا وقـع ٍ مثيـر في خفوقـي وان خفوقـي بهـا يـدرك منـاه وما درى ان العمر لو طال في الدنيـا قصيـر لو درى خذ مـن طراتـه قبـل يقبـل غثـاه قبـل لا ريـح الفـراق العبـوس القمطـريـر تجبـر المشتـاق يلقـى فـي الذكـرى عـزاه ويتوجد كل مـا طيـر لاحـا صـوت طيـر يتوجـد مـن خفـوق ٍ نـوى خـلـه بــراه يا وجودي من زمانـي ومـن حظـي الفقيـر وغيبة اللـي روح العمـر وآنـا فـي رجـاه |
|
|
|
|
03-13-2010, 05:43 AM
|
#4 | |
|
يـا وجـودي روح العمـر وآشـوف النذيـر في شعر راسي صباحه غـزى ظلمـة مسـاه يوم شفت العمـر مقفـي وانـا فاقـد خشيـر نفسي بنفسي خذ الضيـق مـن صـدري مـداه ضاق صدري من زماني ومن حظـي الفقيـر وغيبة اللـي روح العمـر وآنـا فـي رجـاه مسكين شيب رآسه .. ولا حصل مراده وآعزتي له .. بيرحل العمر وريعان الشباب ولم يظفر بمحبوبه ابو صاهود إبداع ..إبداع
كل التقدير |
|
|
|
|
03-13-2010, 12:06 PM
|
#5 | |
|
عضو قدير وصاحب مكانة بالمنتدى
|
ابو صاهود
ابداع منقطع النظير سلمت يا رائع ولا هنت ع هذه المعزوفه الرائعه ننتظر قادمكـ الرائعـ . تحياتي. |
|
|
لستُ مجبوراً أن أُفهم الآخرين من أنا فمن يملك مؤهِلات العقل والإحساس .. سأڪَـون أمـامهُ ڪَالكِتاب المفتـوح وعليـهِ أن يُحسِـن الإستيعاب .. وٍإذا طـال بي الغيــآب فَاأذڪَروا ڪَلمآتي وٍأصفحوا لي زلآتي 
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| لماذا بعد الفراق؟ | دلوعه اهلي | الخواطر | 1 | 09-29-2009 01:28 PM |
| الفراق | alqrnu | عطر الكلمات | 1 | 02-22-2008 01:25 AM |
| نار الفراق ............؟ | الـمـؤشـر | عطر الكلمات | 3 | 09-30-2003 12:30 PM |
| رسايل لما بعد الفراق | صاحب | عطر الكلمات | 3 | 09-12-2002 09:29 PM |
العرض العادي
