اليكم الحياة في صيف عام 2085 .. يا خرااابي !!!!

#1 08-18-2005, 07:15 AM

تعالوا معنا لنرى الحياة حسب مخ 2085 .. اقراءه ا وتمتعوا ولاتنسونا من تعليقاتكم الحلوة. وبتمنالكم تعيشوا للعام 2200 .. يلا صحتين.. شو صحتين مش صحتين.. اصلا لو عنجد هيك العالم بدو يصير.. خلينا نقول الله يرحمنا من هلأ.. يا خرااااااااااابي يا لهووووووووتي..

حفيدة في سن المراهقة (12 سنة) تجلس مع جدتها (70 سنة) ويدور بينهما هذا الحوار :

الحفيدة : تاتا كيفك؟ .. الي زمان ما قعدتش معاكي..

الجدة : وهو أنا عارفة اشوفك .. شايفاني قاعدة وزهقانة (طفشانة) ومش لاقية حدا يسليني..

الحفيدة : طيب ليش ما تفتحي التلفزيون ؟

الجدة : التلفزيون صار يزهق (يطفش) , مافي غير 9700 محطة وبس..

الحفيدة : وإيه الحلاوة دي يا تاتا ؟ شو هاللبس الحلو هذا؟ بس هذا موضة قديمة يا تاتا..

الجدة : يا بنتي أنا ست دقة قديمة وبلبس زي ما تعودنا..

الحفيدة : أيوه بس مش حاسة إنك مخنوقة وانتي لابسة هذا اللبس؟

الجدة : أبداً هذا هو اللبس المحتشم الي مفروض الكل يلبسه ويحافظ عليه.. ماكسموم "جابونيه" وتنورة لعند الركبة يا ستي.. وماكسموم الظهر مبين..

الحفيدة : ولو يا تاتا هاي تقاليدكم كانت دقة قديمة...

الجدة : وهو مفكرة انو ايامكم هاي ايام.. يا بنتي؟؟ اصلا ايامكم هاي ما يعلم فيها الا الله.. وين ايام الـ 2002 لما كانت البنت تسحب السيجارة من ورا ظهر ابوها.. كانت مؤدبة بشكل..

الحفيدة: معقول يا تاتا لهاي الدرجة كانت مؤدبة؟؟

الجدة : ولا شو انت مفكرة.. وبعدين كانت البنت وقتها ما تلبس هذا اللبس الخليع تبع هاليومين.. يعني التنورة ما كان طولها يزيد عن شبر وربع..

الحفيدة : يا الله ع ايام زمان.. شو كمان تاتا.. احكيلي كمان..

الجدة : شو بدي احكيلك يا ستي واقولك.. زمان كنا نسمع الطرب الاصيل لمطربين حقيقيين زي مصطفى قمر وعمرو ذياب وطبعا كانت سيدة الغناء نانسي عجرم.. وكانت الاغنية مدتها اكثر من دقيقتين... الله لا يعطيهم عافية مغنيين اليوم.. شو هاذذذذذ؟ يقطع شرهم..

الحفيدة : وبعدين تاتا احكي كمان...

الجدة : وبعدين كنا نسمع الاغاني عن طريق ديسكات , وهي صحيح انقرضت بس كان الها طعم احلى من اليوم.. يا سلام لما كنا نحطها ونسمع كنا نطير من الفرحة... اخ عهديك الايام...

الحفيدة : يا الله تاتا شو بحب اسمع هاي الحكايات.. تاتا ستني شوي بدي اصحي صاحبي سمسم لانه نام عندي الليلة في الغرفة.. بدي اصحيه بنفسي لانه الرجل الالي الي بنبه خربان وبدي اصلحه اليوم لما يجي بابا..

الجدة : طيب يا حبيبتي روحي..

(بعد عدة دقائق)

الحفيدة: اه تاتا وبعدين..

الجدة : أحلى أيام كانت أيام الدراسة ، الصف كان على أيامنا رايق وعدد التلاميذ فيه ما يزيدوش عن 40 تلميذ ، وكنا ساعتها بنعرف نفهم الدرس منيح , مش زي اليوم , وكانت الشوارع ايامها فاضية يعني ماكسموم 50 سيارة فيهم شباب بفتلوا للصبايا(بعاكسوا).. مش زي اليوم الولد الي عمره 3 سنين بفتل بسيارة ابوه لبنات الحضانة...

الحفيدة : يا الله تاتا.. كملي شو كمان..

الجدة : في ايامنا الله يرحمها.. لما البنت كانت تروح بعد الساعة 1:00 بالليل كان ابوها يزعل منها..

الحفيدة : ياي! هذا انتو كنتوا متحفظين..

الجدة : يا بنتي إحنا اتربينا على الأخلاق والفضيلة.. والعادات والتقاليد . يعنى كانوا أهل الفن محتشمين جدا وكانوا دايما يطلعوا بالمايوه والبيكيني ان ازمت معهم.. يعني كثير محتشمين يا ستي.. والمذيعات كانوا يقعدوا جنب الضيف مش على ركبته زي اليوم .. الله يرحم ايام زمان.. ذكرتيني بايام زمان.. استغفر الله العظيم من ايامكم..

(تمسك الجدة تلفون خليوي بحجم علبة كبريت)

الحفيدة : مع مين بدك تحكي تاتا؟

الجدة : انا كونت موصية اللحام على 2 كيلو لحمة.. ودفعتلو عربون 600 دولار وبدي اشوف اذا اللحمة وصلت ولا لا..

الحفيدة: (بتقوم من مكانها) تشاو سي يو تاتا..

الجدة : سي يو حبيبة تيتا...

وبعد مرور عدة ساعات انتابت الجدة خلالها غيبوبة بسبب الشيخوخة وفي المساء دار هذا الحوار بين الجدة والحفيدة
الجدة: وين كنتي يا حبيبتي؟

الحفيدة : روحت انا وسمسم نجيب الولد من الحضانة..

الجدة : ولد !! ولد إيش اللي جبتوه من الحضانة؟

الحفيدة : آه صحيح أنا نسيت أقولك .. أصلي أنا جبت ولد من سمسم حبيب طفولتي..

الجدة: يا بنتي ليش هالعجلة.. مش تستنو لما تتجوزوا ؟

الحفيدة : يا سلام عليكي يا تاتا .. إنتي عليك كلام..غريب..

الجدة : مشكلتي إني ما بعرف أزعل منك انتي يا روح تاتا..عكروتة (شقية) .. طيب بس شو سميتوا المحروس؟

الحفيدة : سميناه "دوت كوم"

الجدة : نعم .. دوت كوم؟ شو يعني كمبيوتر؟ يعني لما تعوزيه بتضغطي انتر ولا شو القصة بالزبط؟

الحفيدة : ها ها ها ها .. شو خفة هالدم هاي يا تاتا .. والله فكرة .. لما أعوز أنده له بأضغط على زر الانتر .. ولما أحب أقوله روح على غرفتك اضغط ( الت واف 4)

الجدة: وأخذتوه من الحضانة طيب بس وين وديتوه ؟

الحفيدة : وديناه على نادي رياضة مضغ العلك (اللبان)..

الجدة : يلا منيح خليه يصير زلمة (راجل) ويتعرف على صحاب جداد ويبني شخصيته..

الحفيدة : تاتا افتحلك التلفزيون ع الاخبار؟

الجدة : يلا ماشي كلامك .. خلينا نشوف اخبار هالعالم...

المذيعة : هاي شلة ! إليكم عناوين الأخبار

- زفاف المطربة صباح على حفيد الفنان الراحل راغب علامة

- خوخا المريخي سيقوم باحياء حفل على الارض

- ابن الفنان الراحل محمد هنيدي يهاجم نجوم الكوميديا الجدد..

المذيعة : تنهي نشرة الاخبار وتقول " كلموني ع موبيالي" باي..

الجدة: لا هيك زادت الامور.. خلص مش قادرة اتحمل...

(يغمى عليها ثم تموت)

الحفيدة : تاتا تاتا.. شو جاية تموتي جنبي .. وانا فاضية لهشغايل هلأ.. (الووو سمسم) ...

سمسم : ايوا حبيبة سمسم.. شو مالك ؟

الحفيدة : تاتا ماتت شو اعمل ؟

سمسم : ماترميها ..ا ستني بجوز اطعمها للكلب..

الحفيدة : طيب يلا تعال بسرعة.. لاني بدي اروح اصبغ رموشي احمر..

يلا هلأ قولولي رأيكم ياترى ممكن تصير الدنيا بهالشكل؟

والله انا من ناحيتي ضاربة الدنيا بجزمة قديمة ياشيخ الواحد يموت احسن له وأشرف له

واتمنى انكم تكونو فهمتوا اللهجه لأنها بالفلسطيني وعلى العموم في بعض الكلمات الي حسيت انها مش حتكون مفهومة فحطيت معناها بين قوسين

تشاوووووووووووو سي يو

08-18-2005, 08:04 AM

هههههههههههههههههههههههه
ههههههههههههههههههههه

من جد حياتهم حلوه .........
بس ما ادري نلحق عليهم ولا
اعتقد كمان خمس سنوات ..وتصير الدنيا كدا ..

بس الجده دي تحفه من التحف ...خاصة لما تقول ماكسمم
يلااااااااااا خلى الشعب يعيش ....

الوفا طبعي ..باين عليك ..بنت عكرووته <<< يعني شقية

يعطيك العافية ...
موضوع جميل وهادف

08-18-2005, 10:59 AM

من جد حياتهم حلوه .........
بس ما ادري نلحق عليهم

هتان

نروح انا وانت نعيش معاهم العائله ذي
اكيد عائله ريفيه وحياتهم حلوه

هههههههههه

08-18-2005, 09:04 PM

هههههههههههههههههههههه
ههههههههههههههههههه
هههههههههههههه
ههههههههه
هههههه
هههه
هه

انا أتوقع خلاص مارح نطول كلها سنتين او ثلاث وتجي حياتنا زي حياتهم مارح نستنى إلى 2085

بس والله الحياة مره حلوة دحين ولا بعدين انشالله تكون على طول حلوا صح يمر فيها احزان وفراق لكن في أيام ما تنسا كلها حلووووووه

ويارب تطول اعمارنا إلى ذاك الوقت

ونشوووف ولنا تفاهم معاك يا الوفا طبعي لو طلعت حياتهم مو زي ما وصفتيها

الف الف شكر الوفا طبعي على هالموضوع

............تحياتي...........

08-18-2005, 10:14 PM

هههههههههههههههههههههههههههههههههه
ههههههههههههههههههههههههههههههه

عن جد الحياة حلوه ...بس مين يفهمها <<< الله يرحمك يا فريد

بق بق ...ان شاااالله نلحق ...بس انت شد حيلك ....
حياة الارياااف ..ولا احلى ...
خاصة لما تمر من جنبك ...اميرة الغناء الشرقي <<< هشك بشك
هيفاء راكبه في ظهر الدباب <<< هذي الدبابات ولا بلاش ...مو... حقون الطايف ههههههه
ايييييييييييييييييييييييييييه ..
الساعة تمشي تكه تكه ...

08-24-2005, 02:13 AM

قل يا الله وأقول يا الله إن الله يطول أعمارنا في طاعته ويحسن خاتمتنا عند الموت ويدخلنا الفردوس الأعلى من الجنة قل آمين وأنا اخوك-

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كاميرا الحياة ولحظات من الحياة	شيخة بني عمرو	المواضيع العامة والإخبارية	12	12-01-2011 09:54 PM
بعد غياب طويل عدت اليكم و كلي شوق اليكم	آل غيهب	مجلس الأعضاء	28	05-21-2010 01:03 AM
انت من يسيطر على الحياة ام الحياة هي من تسيطر عليك؟؟؟	جروح ماتروح	مواضيع الحوار والنقاش	1	04-17-2009 08:42 PM
الحجاب ليس للمرأة فقط ,, كذلك الرجل, ادخلوا وشوف صور الحجاب للرجل	ابو سعد	رياض الصالحين	2	10-12-2006 04:05 PM

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات