وينك يا الشيبااااااااني

البدع
البوازل يالشيباني على الماء وردي
مير لابدٍ نحفي الغوارب بالحمول
ومن يبحث ع الخوافي دريت انه جنا
وراعي المعروف بالطيب لابدٍ نحوفة
ياعقد روس المنافيش والاّ حلها

مرحبا واهلين يا دنيتي به ورّدي=
واي قبيلي ما ني ابداري من أية حمول=
مالحذايف طالبينك ياربّي نجّنا=
والدوى موجود في درّتي حتى النحوفه=
والمسايل لازم انّا نعلّم حلّها=

ما عليش....توني والله اشوف الموضوع...
لكن ما عندك مشكله حدد لنا يوم وساعه معينه نبدا فيها ..
ويا ويلك ويا سواد ليلك...؟

عزيزي الرادار .............تحية طيبة
ويسعدني مشاركتك.........الين يفضى المبدع الشيباني

الرد

يالله تكفينا المنافق وتكفينا الردي
وأكفنـا شر الغبي لاتشبه بالحمول
يارادار الشعر شبهت شعرك بالجنا
من تذوق شعرك الجزل ماجته النحوفة
وإن رقا في قمة الشعر برضه حلها

وسلامتك ..........تحياتي

عاد ما نعرف سهيل اليماني من جدي
لكن الله عالمٍ مانحب ومانقول
ياهل الطالات ياقيفنا ياروسنا
عدنا طول السنة ماتعرض لنشوفة
والمزون الى ارتكت بيّنت من هلها

لي عودة قريبا ....................تحياتي للرادار

اخي وعزيزي الرادار .................كل عام وانت بخير والحقيقه ماشفت طلبك بالرد على هذي القصيدة الا الان ..............فالمعذرة .............وهذه فقط محاولات

الرد
كل من صاح الحقوني وهل من منجدي
ليه يمشي قبل سيل وقبل المانقول
نبدع القبفان من حبكنا من روسنا
وانا كملي عن سهيل اليماني مانشوفه
وانت ياطيارهل القنابل هلها

محبك اخوك .........................دكتور المنتدى

البدع

الله البادي ولا فيه غير الله بدي

ياهل الشور العلى والجمايل والوصول

الثمر يقطف من الغصن لا منّه دنا

قلتها واللي على الطيب ماينكر قطوفة

يقطفه بالمعرفة والدروب يدلها

الرد

الشعر معنى ومبنى و لا هو با هبدي
أفهم المقصد إلى من للذروة وصول
ما يصل من كان في داخله كبر ودنا
والذي يزعل فراسه عسى و يطق طوفه
جعله افدا للطلاقه وهو عيد لها