مابين حق النفس والدنيا وحق الوالدين ..

مابين حق النفس والدنيا وحق الوالدين
ومابين تجريح العباد وهرجها وسكاتها

ومابين رغبات اليسار ورغبه أصحاب اليمين
انا ضحيه عالم(ن) تمشي وراء مشهاتها

طيب واحب الطيب وامشي في سلوم الطيبين
لكن قلــــــــــــــوب الناس تصدمك نياتها

الطيب فاقدله عرب والحق فاقدلـــــه عوين
والحســـــــد اكبر ظاهره تشر علي راياتها

والحب نغمه مـــــابها غير التوجد والحنين
كم سربتن عاشت وماتت مالقت غاياتها

العفن يلقى حاجته والخبل صار هو الذهين
والناس فزة للعــفون ودوره مرضاتها

البارحه فكري يقلبني وراء ذاك البطين
وتطري علي سلمى وتطري علي جلساتها

الله مزينها وجاعلها متاع الناظرين
بنت الرجال اللي تهيب منخاتها

حنا تربينا على الهيبه مع العقل الرزين
مانحني الهامه مثل اللي حنت هاماتها

رجالنا لوهو ضعيف مايجنبك السمين
يومنها بعض العرب تبلشك في لجاتها

احد(ن) ذبحلك مصلحه ويضحك لك الحاجبين
وماتدري انه عقرب(ن) ماتنومن من غشاتها

واحد(ن) يذكيها ولايدري تراهـ انت منين
يمناهـ في درب المراجل تعجبك مداتها

وترا الحيا ساس المراجل ينفعك دنيا ودين
والمرجله لابد مانك تعرف اوقاتها

والفخفخه والطخطخه والكبر للقلب اللعين
والعقل هو سوق الرجال اللي علت قيماتها

وانا ليا قربت ثم طالعتني عين(ن) بعين
عرفت وشلون الاسود تهابها بسكاتها

والحب نغمه مـــــابها غير التوجد والحنين
كم سربتن عاشت وماتت مالقت غاياتها

العفن يلقى حاجته والخبل صار هو الذهين
والناس فزة للعــفون ودوره مرضاتها

صح لسان قائلها ابيات راقت لي ومعبره وفيها من الوواقع المتعايش تسلم يمينك على الطررح

مودتي

يعطيك العافية

اختيار راااائع لقصيدة اروع

تسلم الايادي

ولك تحيتي

أبيات رائعه
صح لسان شاعرها
سلمت على الإختيار المميز

حنين القلب ,,
آبو زيآد ,,
سد آلوآدي ,,
عذبة آلروح ,,

نورتوآ بحضوركم وبردودكم بآركـ آلله فيكم ..

يعطيك العافية
وترا الحيا ساس المراجل ينفعك دنيا ودين
والمرجله لابد مانك تعرف اوقاتها

والفخفخه والطخطخه والكبر للقلب اللعين
والعقل هو سوق الرجال اللي علت قيماتها

وانا ليا قربت ثم طالعتني عين(ن) بعين
عرفت وشلون الاسود تهابها بسكاتها

بن ظآفر ,,
آلله يعآفيكـ طآل عمركـ وشآكر لكـ مروركـ ..