بيض الله وجه من هو حافظ حق الأخوّه

بيض الله وجه من هو حافظ حق الأخوّه ..

في زمان ماحفظ به راعي الذمه وديعه..

مايخون الخوه إلا واحد مابه مروّه ..

ما تقيده السلوم ولا تقيده الشريعه..

ذا رفيق مايسرك لو سقاك دلال ضوه..

كل يوم له رفيق يشتري فيه ويبيعه..

أبتعد عنه وخله لاتخيل بروق نوه ..

لو زمى سيله وزبّد ماتبارك به ربيعه..

ياهني من هو يصد ولادرى بكثره وشوه ..

يدعس الدنيا برجله من رفيعه في رفيعه..

دام به حيلٍ يشله زاد رفعته وسموه..

لين يلقى له مكانٍ فوق خلق الله جميعه..

مستقر فيه يمشي شايخٍ بارضه وجوه ..

لو رفع بيده عصاته جاته الدنيا مطيعه..

إن عطى يعطي مروه وإن خذا ياخذ بقوه..

وإن عوى ذيبان يربض كل ذيب وسط ريعه..

واثق في كل خطوه مالتفت خلفه وتوه ..

لو بغا مليون سكه ماتضيق به الوسيعه..

ول ياوقت تغير وانقلب حدره علوه ..

قلب قلوب الأوادم والحق الطيب هزيعه..

كم خويٍ شفت خيره كم خويٍ شفت سوه..

كم مكانٍ شفت فيه هنا وصل وهنا قطيعه..

كم رفيق لو نشدته عن مواجيب الاخوه ..

ماعرف هي من سلومه او قوانين الطبيعه..

للشآعر/ فهد المري

ممآ رآق لي

كم رفيق لو نشدته عن مواجيب الاخوه ..
ماعرف هي من سلومه او قوانين الطبيعه..

غلا ..

يسلمو على روعة الإختيار .. وفعًلا قصيدة معتبرة .. لشاعر معتبر ..
لا حرمنا جميلك الجديد

ودمتي بنقاء

الله يسلمكـ

مشكوور على مرورك

بيض الله وجهك
على الموضوع الجميل
لك التحيه

رائعه
وهادفه

ويعطيك الف الف عافيه

اخووك

الله يعافيكم وبيض الله وجيهكم

رائعة فعلاً والشاعر مميّز بصياغته وتعبيره الجميل للمعنى المقصود ..
تقديري ..

كم رفيق لو نشدته عن مواجيب الاخوه ..

ماعرف هي من سلومه او قوانين الطبيعه..

غلا روحي

بيض الله وجهك على نقل القصيدة ..

بكل شوق ننتظر القادم ...

تــــــقــــديـــــري

صح لسان شاعرها
وتسلم ايادي ناقلها

لاعدمناك

ابو ريان - جبرني الوقت - ريان العمري

يعطيكم العافيه

شااكره لكم

:: غلا روحي ::

الله يعطيك العافية
ع النقل المتميز جدا


تحياتيـ ..

بيض الله وجهك بارك الله فيك