لامعي بيجر ولا جوال

الشاعر (( سعيد بن مقبل الاكلبي ))

الا يالله عـفــوك لا مـعــي بـيـجــر ولا جــــوال

ولا عـنـدي وظـيـفـة والـتـجـارة فـاشــل فـيـهـا

ولا عنـدي شـهـادات(ن)ولا حـرفـة تسد الـحـال

ولا حــظ(ن) كبـيـرلا اخـطـت الـجــرة يقـديـهـا

مخابي الثوب تومي ما دخلهـا مـن زمـان ريـال

بـهـا فـاتــورة الـكـهـرب ولا يـمــدي نقضـيـهـا

على ذيـك العـراوي تتعـب الحـادي مـع الجمـال

ثـلاث شهـور فـي الورشـة وشهـريـنٍ مغطيـهـا

ابيهـا لــو تجـمـل يــوم واجلبـهـا عـلـى الــدلال

يجيـهـا واحــدن حـظـه مـثـل حـظـي ويشريـهـا

نصـيـت العسكـريـة يــوم قـالـوا للنـظـام رجــال

وقدمت الملف وصورت(ن) متشخص(ن) فيهـا

وخـذا لاوراق منـي واحـد مــا عـنـد ابــوه دلال

سلـوم النـاس واهـل المعرفـة والطيـب مخطيهـا

قراها فـي دقيقـة والتفـت عجـل(ن) علـي وقـال

شهادتـك العظيـمـة يـاولـد ويــن انــت مخفيـهـا

اهـز الـراس ماعنـدي تقـول انــي مــن البنـقـال

وقـمـت احــب خشـمـه واطـلـبـه بالله يمشـيـهـا

حذفهـا مـن يـده شيـن الطبيعـة والنـبـا والـفـال

وقــال ازيــن تـعـود صــوب نوقـاتـك تعشـيـهـا

تناوشتـه مـن الكرسـي وعفـت الحـل والترحـال

وضربـتـه بالبيـالـه عـقـب مابـيـحـت شاهـيـهـا

وخذونـي للسـجـن لانـيـب لا ظـالـم ولا محـتـال

مجـرد واحــد(ن) جــا يكـحـل عيـونـه فيعميـهـا

ويوم اني خرجت اقفيت لارض الله وسيع الجال

عـلـى بــر(ن) هــواه يــداوي العـلـة ويبـريـهـا

ادور قصعـة الجربـوع والـضـب الفـتـى يحـتـال

والارنــب يـــا شـفــاة الله مـحـلاهـا وطـاريـهـا

بـلا كـهـرب ولا بيـجـر ولا غــاز(ن) ولا نـقـال

قوانـيـن الحـضـارة لاتـبـي شـوفــي ولا ابـيـهـا

سلمت بارك الله فيك يا الغالي على هذا النقل المميز


ويوم اني خرجت اقفيت لارض الله وسيع الجال
عـلـى بــر(ن) هــواه يــداوي العـلـة ويبـريـهـا

ادور قصعـة الجربـوع والـضـب الفـتـى يحـتـال
والارنــب يـــا شـفــاة الله مـحـلاهـا وطـاريـهـا

بـلا كـهـرب ولا بيـجـر ولا غــاز(ن) ولا نـقـال
قوانـيـن الحـضـارة لاتـبـي شـوفــي ولا ابـيـهـا

بن ظافر
الف شكر لاهنت يالغالي

ابوليلى

الله يعطيك العافيه

وصح الله لسان المبدع دائماً سيعد بن مقبل المنيعي

لااااااااهنت ومشكووور طال عمرك

تقبل تحياتي

ســـ ي ــــف الـــ ع ــــرب

ارحب ياسيف العرب..
لاهنت عالمروور الكريم