إهداء لكل الأحبة في منتديات بني عمرو .

إلى الأحبة في منتديات بني عمرو
أقدم لكم هذه القصيدة المختاره
وأعتذر لكم مسبقاً على الإطاله
ولاكن القصيدة تستحق القرآءة
والتمعن في كلماتها

أيامنا والليالي كم نعاتبها=شبنا وشابت وعفنا بعض الأحوالي
تاعد مواعيد والجاهل مكذبها=واللي عرف حدها من همها سالي
إن أقبلت يوم ما تصفى مشاربها=تقفي وتقبل وما دامت على حالي
في كل يوم تورينا عجايبها=واليوم الأول تراه احسن من التالي
أيام في غلبها وايام نغلبها=وايام فيها سوا والدهر ميالي
جربت الأيام مثلي من يجربها=تجريب عاقل وذاق المر والحالي
نضحك مع الناس والدنيا نلاعبها=نمشي مع الفي طوع حيث ما مالي
كم من علومٍ وكم آداب نكسبها=والشعر مازون مثقالٍ بمثقالي
اعرف حروف الهجاء بالرمز واكتبها=عاقل ومجنون حاوى كل الأشكالي
لكن حظي ردي والروح متعبها=ما فادني حسن تاديبي مع أمثالي
إن جيت ابي حاجةٍ عزت مطالبها=العفو ما واحدٍ في الناس يا والي
قومٍ الى جيتهم رفت شواربها=بالضحك واقلوبها فيها الردا كالي
وقومٍ الى جيتها صكت حواجبها=وابد ت لي البغض في مقفاي واقبالي
ما كني إلا حال مغضبها=والكل في عشرته ماكر ودجالي
يا حيف تخفي أموراً كنت حاسبها=واللي على بالهم كله على بالي
الجار جافي وكم قومٍ محاربها=والأهل وأصحابنا والدون والعالي
والروح ويش عذرها في ترك واجبها=راح الحسب والنسب في جمع الأموالي
نفسي تبى العز والحاجات تغصبها=ترمي بها بين أجاويد وانذالي
المال يحي رجالاً لا حياة ابها=كالسيل يحي الهشيم الدمدم البالي
عفت المنازل وروحي يوم اجنبها=منها غنيمه وعنها البعد أولا لي
لا خير في ديرةٍ يشقى العزيز ابها=يمشي مع الناس في همٍ وإذلالي
دارٍ بها الخوف دومٍ ما يغايبها=والجوع فيها ومعها بعض الاحوالي
جوعى سراحينها شبعى ثعالبها=الكلب والهر يقدم كل ريبالي
عز الفتى راس ماله من مكاسبها=يا مرتضي الهون لا عزٍّ ولا مالي
دللت بالروح لين ارخصت جانبها=وانا عتيبي عريب الجد والخالي
قومٍ تدوس الافاعي مع عقاربها=ولها عزايم تهد الشامخ العالي
خل المنازل وقل للبين يندبها=يبكي عليها بدمع العين هطالي
لا تعمر الدار والقالات تخربها=بيع الردي بالخساره واشتر الغالي
ما ضاقت الأرض وانسدت مذاهبها=فيها السعه والمراجل والتفتالِ
دارٍ بدار وجيرانٍ نقاربها=وارضٍ بأرض وأطلالٍ بأطلالي
والناس اجانيب لين إنك تصاحبها=تكون منهم كما قالوا بالأمثالي
الارض لله نمشي في مناكبها=والله قدر لنا أرزاق وآجالي
حث المطايا وشرِّقها وغرِّبها=واقطع بها كل فجٍّ دارسٍ خالي
واطعن انحور الفيافي في ترايبها=وابعد عن الهم تمسي خالي البالي
من كل عمليةٍ تقطع براكبها=فدافد البيد درهامٍ وزرفالي
تبعدك عن دار قومٍ ودار تقربها=واختر لنفسك للمنزال منزالي
لو متّ في ديرةٍ قفراً جوانبها=فيها لوطى السباع الغبس مدهالي
اخير من ديرةٍ يجفاك صاحبها=كم ذا الجفا والتجافي والتعلالي
دوس المخاطر ولا تخشى عواقبها=الموت واحد وبعد العز يجلالي
ان المنايا إذا مدت مخالبها= تدركك لو كنت في جو السما العالي
ما قرت الاسد في عالي مراقبها=تسعى على الرزق ما حنت للاشبالي
والشمس في برجها والغيم يحجبها=تقفي وتقبل لها في العرش مجدالى
رب السماوات يا محصي كواكبها=يا مجري السفن في لجات الأهوالي
ضاقت بنا الأرض واشتبت شبايبها=والغيث محبوس يا معبود يا والي
يا الله من مزنةٍ هبت هبايبها=رعادها بات له في البحر زلزالي
ريح العوالي من المنشا تجاذبها=جذب الدلى من جباء مطوية الجالي
ديمومةٍ سبلت وأرخت ذوايبها=وانهل منها غزير الوبل همالي
تسقي دياراً شديد الوقت حاربها=ما عاد فيها لبعض الناس منزالي
يا جاهل اسمع تماثيلاً مرتبها=فيها معاني جميع القيل والقالي
مثل المحابيب زادت في قوالبها=في صرفها زايده عن قرش واريالي
يا ربي توبه وروحي لا تعذبها=يوم القيامه إذا ما ضاقت اعمالي
وازكى صلاةٍ على المختار نوهبها=شفيعنا يوم حشرٍ فيه الأهوالي

بديوي الوقداني رحمه الله

هلا وغلا
ابو فارس

يعطيك العافيه
كم قعدت تنضم في هالقصيده


عموما انا قريت النصف والباقي باكمله بكره

الله لايحرمنا منك ( راعي طويله)

المسكت

حياك الله اخي ابو فارس

اختيار جميل

يعطيك الف عافيه اخي العزيز ولا عدمناك

تقبل تحياتي

المليحي

السلام عليكم والرحمة

تسلم يمينك اخوى ابو فارس

على القصيدة الرائع

تحياتي لك

المسكت حياك الله

أنت وعدت ووعد الحر دين عليه

لقيت لك وعد سابق وحبيتك توفي بوعدك ههههههه

أحد إهداءات الأخ أبو فارس...
يعطيك العافيه ..
ولك مني خالص الود والتقدير.,.
أخوك أبومانع ..

مشكور ابو مانع على رفع الموضوع المميز واتمنى تنسيقه من قبلك ليكون افضل من هذا لانه قديم ويحتاج تنسيق للقصيده0
والله يذكر أبو فارس بالخير
واشكره على هذا الاهداء المميز
تقبل خالص الموده
ابو عبدالله

بيض الله وجهك يا بو فارس على هذه المعلقة

وبيض الله وجهك يا بوريان على رفع هذا الموضوع المميز

بالنسبة لإعادة تنسيق القصيده فبشربي يا بو عبد الله

اتمنى ان تثبت إذا ما عندكم ما نع لما تحتويه من حكم تسطر بماء الذهب

اخوكم / أبو احمد

كيف حالك ياصالح ال سلمان ... ياخي شهر مبارك والى الاخوان وصديقي ابومانع اكيد صار مليونير من المكيرش


الاخ صالح انا اقترح ان لايتم احتساب الردود او التعليق . من المشاركات حتى نحد من كثرة المشاركات الغير مفيده الا من المشرفين او المراقبين كلا في ((((اختصاصه ))))) هل ذلك ممكن .

هلا وغلا
.............

ابو فارس

يعطيك العافيه

على القصيدة الرائعه

بس ماشفتو القصيدة الي في الاسهم

تراني عتبان عليكم لو ماشفتوها ....

أخوك: أبو فايز

أبوفارس ودنا بطلتكـ على القصيدهـ ..
بو عبدالله ..تسلم والله ..والقصيده من حسن الحظ إني قرأتها
وحبيت أطلعكم عليها ..

حسن بن عويش ..التثبيت ..العلم عند مشرفين الشعر ..

ولد صالح كل عام وأنتـ بخير.. وليت الله من المكيرش

ما وراه إلا وجع الرأس ..

الشهر مبارك عليكم جميعاً ...