العــيد فرحـه /غرمان بن عزيز

للعيد فرحة
http://www.al-jazirah.com/827191/tr9d.htm
/للشاعر العزيز غرمان بن محمد بن عزيز
نشرت بجريده الجزيره بتاريخ اليوم
له ولكم مع اجمل الود

للعيد فرحة في عيون أكثر الناس =وأكيد بعض الناس ما يعرف العيد
معروف يوم العيد تتعارف أجناس =لكن أنا عايش مع همومي وحيد
هذا شعور داخل القلب وإحساس =ما هو كلام ينثره زيد وعبيد
والعيد مر وصاحبي زوّد البأس =والمشكله ما قال لي عيدك سعيد
أنا بعد فرقاه في حال هوجاس =يزيد هوجاسي وأنا جرحي يزيد
ولا تجمّل دز لي منه قرطاس =رسالةٍ حلوه على قلبي تفيد
ولاّ رفع لي هاتفه وأقعد الرأس =اللي كلامه يذهب الهم ويبيد
في بعده أصبح ضايع الفكر منحاس =وإذا حضر تسمع لطيري تغاريد
وهذي حياتي بعدما صابني اليأس =أنا بعيد ومن عشق قلبي بعيد
وأنا أطلب المولى يرده على أساس =أعيش أنا وإياه واعيد ويعيد

محاوله الرد على فرحة العيد

نعدها لأيام من شان نحتاس!=يومٍ يجي بالعيد يمضي بلاعيد
الفرحه إللي مايجيها تلباس =مثل الفرح لامن لبس حزن ويزيد!
يومٍ ليا جت فرحتي قلت نوماس=ولا الفرح بعيون لأفراح توليد
عِز الشعور إن جتك ردته ترباس=ولا المشاعر جعلها حد وحديد
مابين راح العيد وأفراحه أمراس =بين الفرح والعيد جينا مراعيد
يوم الوله والسعد وابوابه إحباس! =نسعد غلا ولا المخاليق تفريد
إن كان لك يالعمر ترجع ترواس =في رجعتك يمكن للاحباب تشيّيد
ليت الليالي غير عيدٍ على ساس=لاقالو إن العيد باكر لناعيد
بين الهَوس والهُوس لاغبت هواس=ولا الهجوس امضيقتني بتجويد
إمـا حياةٍ للشقاء كلها امواس =ولا حياةٍ للفرح كلها إتفيد

صح لسانه الشاعر الكبير غرمان

وهو بلا شك من كبار الشعراء في المنتدى

وتسلم أخوي بقايا إنسان

ومشكوور على الرد الرائع


تحياتي لكم جميعا

الله يسلمك يا بقايا إنسان . ويبيض وجهك ويعطيك العافيه على هذا النقل وهذا الرد الجميل وكل عام وأنت بخير وعافيه 0

بقايا^إنسان

الله يعطيك العافيه

وصح الله لساانك ولسان غرمان

ننتظر جديــــــــــــدكـ

تقبل أطيب التحايـــــــــــاااا

ألف شكر بقايا إنسان 0
ألف شكر أمير الغلا 0
ألف شكر سيف العرب 0