مواقف محرجه للاطفال مع اهاليهم ..

مواقف محرجة من الأطفال تقول وحده من الأمهات . ... كنت معزومة على حفل عشاء فأخذت ابنتي الصغيرة معي ، فلما جلسنا حول البوفيه ظنت انه مطعم وقالت بصوت عال : هذا الأكل بفلوس و إلا ببلاش ؟؟ فضحكوا عليها الحاضرات ------------------ والثانية ... جانا ضيوف وجابوا معهم هديه للمولود الجديد فكان ابني يريد فتحها فقلت له ( اصبر حتى يذهبوا ) .. صار يدخل ويطلع ولما مل الولد من الانتظار دخل وقال بصوت مرتفع ..... ( خلاص أبفتحها شكلهم بينامون عندنا ) ------------------ وقالت وحده .. ذهبنا في زيارة لعمات زوجي ، وحده منهم كبيرة في السن قلت لولدي حب رأسها فرفض وقال ريحة رأسها شينه - يقصد الحناء- شوفوا الإحراج اللي صار لي ..!!! غير كذا جات عندي وحده من صديقاتي وكانت ملامحها تشبه دول شرق أسيا فجلست بنتي تطالعها بقوه ، و لما قلت لها عيب ردت وقالت شكلها شغالة ------------------ هذه من جد يبغالها بالشنطة على رأسها...أخذت من أختي شنطة ورحنا لحفله ومعنا بنت أختي ولما وصلنا وخلعت عبايتي حتى شافت بنت أختي الشنطه وقامت تسحبها بقوة وهي تقول ( حقت ماما هاتيها ) !!! وأنا أحاول أسكتها ------------------ و وحده تقول .. زوجي كان عنده ضيوف على العشاء وحطيت العشاء كله لهم وكان ولدي يبي يتعشى قلت له: إذا خلصوا الرجال بنتعشى.. رحت أصلح لهم الشاهي ..... راح ولدي دخل على الضيوف وقال لهم ( لا تخلصون العشاء لأني بنتعشى أنا وأمي بعدكم ) !!! شوفوا وجه أبوه وقتها .....!!! ههههههه ------------------ وحده تقول ...بنتها دايم تحرجها بنقل الكلام قدام الناس - هذا عيب اللي يحش بالناس - تقول : مره كنت أكلم صديقتي بالهاتف وكنت أقولها عن وحده من جاراتي وإني ما أطيقها دمها ثقيل وإذا جت تجلس عندي بالساعات في بيتي وتحب الكلام الكثير ومره دق الباب وطلعت جارتي قلت لها : تفضلي وجتها بنتي الصغيرة وقالت بصوت عالي : يمه هذي جارتنا اللي دمها ثقيل واللي إنتي ما تحبينها !!! طيب ليش تدخلين ها البيت ...!!! تقول الأم : صار وجهي مية لون ...!!!! ويوم سمعت جارتي هذا الكلام زعلت وطلعت من البيت ....!!! ------------------ تقول أخرى ....هذا موقف حصل لي ومع أقاربي : كنا بنصلي المغرب جماعه في إحدى الاستراحات وكان أمامنا طفلين , الأول يقول للثاني : أنا اسم أمي فاطمة , ايش اسم أمك انتا ؟؟؟؟ يرد عليه الولد الثاني وهو اصغر منه بكثير : اسم أمي ماما !!! وهاتك ضحك وحنا نصلي استغـفـر الله ما قدرنا نمسك الضحكة ..!!! ------------------ في المدرسة ...كانت المعلمة تشرح لطالبات الصف الثالث الابتدائي عن وسائل الاتصال الحديثة مثل الهاتف والتلكس والبريد الجوي والفاكس فرفعت إحدى الطالبات الصغيرات يدها وقالت: أبله حنا عندنا فاكس في البيت عند جدتي وتستعمله كل يوم....!! فشجعتها المدرسة على إكمال حديثها وقالت: وكيف تستخدمونه؟؟؟ فقالت الطفلة: تدهن به ...- البنت بالطبع كانت تقصد دهون الفكس- ...!!!!! ------------------ إحدى الأمهات اعتادت أنها ترى ابنها الصغير يطارد الدجاجات ويدخلها إلى محلها ويحرص على إبقاء الديك في الخارج وعندما سألته عن السبب قال: ذولا حريم ما يطـلعـن من البيت ويشوفن الرجال....!! ------------------ أيضاً في المدرسة ....طفلة في الروضة كانت تعبث بأنفها أثناء الحصة ... فانتقدتها المعلمة وقالت لها استعملي المنديل عيب اتسوين كذا فأجابت الطفلة لا مو عيب !! بابا يسوي كذا !!!! ------------------ جاء بيكحلها عماها ...دعيت العائلة للعشاء عند أحد أقارب الزوج وأثناء تناول الطعام كانت صاحبة المنزل تضـيّـف الأم وتصر عليها أن تأكل صحناً آخر بينما كانت تتمنع فرد الطفل بلهفة لإنقاذ أمه م ن المأزق .... ( لا تحطين لها صحن ثاني ترى بابا يقولها لا تكثرين أكل انتفختي ) -------------- ---- و أختم بهذي النكته : والد و ابنه راكبين الباص , و صورة الرئيس فلان معلقه في المقدم ة -الولد وهو يأشر على الصورة : بابا بابا مو هذا اللي قلت عنه حمار !!!!! - قال الأب: لمين هالولد يا إخوان ؟؟؟ <B> </B>

^^ ^^
رووووعه روووعه ومواقف محرجه ومضحكه بنفس الوقت
هههه خصوص اللي يقول شنطة ماما ليش أخذتيها^^
والمعلمه اللي تتكلم عن التلكس والبريد واعتبر طول الشرح انه دهاان الفكس ^^
موووضوع حلووو وروقاان يعطيك العاافيه نواااااره..
كل الوود..

يسعد قلبك رحروحتي ..

اكثر شي ضحكني انا يوم تقول بنتها ان الحرمه كنها شغاله ..

^^

منوره .

وحده تقول ...بنتها دايم تحرجها بنقل الكلام قدام الناس - هذا عيب اللي يحش بالناس - تقول : مره كنت أكلم صديقتي بالهاتف وكنت أقولها عن وحده من جاراتي وإني ما أطيقها دمها ثقيل وإذا جت تجلس عندي بالساعات في بيتي وتحب الكلام الكثير ومره دق الباب وطلعت جارتي قلت لها : تفضلي وجتها بنتي الصغيرة وقالت بصوت عالي : يمه هذي جارتنا اللي دمها ثقيل واللي إنتي ما تحبينها !!! طيب ليش تدخلين ها البيت ...!!! تقول الأم : صار وجهي مية لون ...!!!! ويوم سمعت جارتي هذا الكلام زعلت وطلعت من البيت ....!!!


اللهم لاااااااااااااااااااااااااااااااااااحسد

المفروض هذى الام تنقل من الحاره

الاطفال ببراءتهم لايعرفون الكذب ولا الهمز واللمز

تشكرين يالغاليه موضوع فكاهى بدروس رائعه

نواااااارة المنتدى انتى رائعه

هلا و غلا يا فجر الله لا يحرمني وجودك يالغاليه ..

وقالت وحده .. ذهبنا في زيارة لعمات زوجي ، وحده منهم كبيرة في السن قلت لولدي حب رأسها فرفض وقال ريحة رأسها شينه - يقصد الحناء- شوفوا الإحراج اللي صار لي ..!!!
.................................................. ...................................
ههههه والله ماألوومه اكره ريحة الحناء
اكتم انفاسي لما اسلم على الكهيل الله يطول بعمره ويخليهم.......

نوااااره يسعد قلبك على هالمواقف
الحلوووه والمحرجه كمان ...
تقبلي مروري واحترامي وتقديري...

هلا و غلا اختي حلا الجنوب ..

ههههههههههههههههههه
حللللللوه لحالها صراحه اللي تقول موب عيب بابا يسوي كذا
تسلمين نواره الله يسعد قلبك مثل ماضحكتيني

دوم الضحكه يالغاليه ..

طفل مصري يغرم ابوه

سافر احد المصريين الى بلاده وطبعا لا بد من تهريب بعض الاشياء للتهرب من دفع الرسوم الحمركيه

فوضع جهاز كمبيوتر في شنطة زوجته ولما وصل الى مطار القاهره سأله رجل الجمارك ويش اللي

في شنطة المدام فقال هو وزوجته اغراض نسائيه خاصة .. قال رجل الجمارك خلاص تفضلو وما فتش شنطة المدام..
ولما همو بالدخول من البوابه .. قال الابن الصغير بأعلى صوت وعلى مسمع من رجل الجمارك الحمدلله ان الراجل الغبي ده ما عرف ان في شنطة ماما جهاز كمبيوتر ..
فانكشف الاب ودفع الرسوم الجمركية وعليها غرامه عقاب للأب ...هذه القصة حقيقيه وحدثت لأحد الاصدقاء

اهلا و سهلا اخي نوّرت و لا هنت على الاضافه الجميله ..