{{ أقرب شآآعر }}

السلام عليكم ورحمـة الله وبركآتة ..


< مسكـة على المحآورة ~





قامت الملعبه واللعب في المنتدى
................. نادو الشاعر الي يفتل بيوتها



بعد ماجيت اقول العلم في المبتدى
................. الرجال الشجيعه تشهر سيوفها

حياك ياخالد وحيا نباك ويامرحبا ويامسهلا واتمنى تجد مايسرك
وحقيقه انا مالي في المحاورة لكن عاد انا اقرب شاعر فاسمحلي هذه مجرد تجربة

مرحبا عند من تكسر خشوم العدى=
عند عمرين لابة ترهق اخصومها=
****************************=
اهل البغي واهل الزيغ واهل الردى=
ندعس اشنابها ونترب اوجوهها=

هلا بالخطآآآف ..
فيك بركـة ..


البقى يالمرحب ياطويل المدى
................. في الديار الذي ما ينزًل حولها


ماحضرنا ندور لردى لا بدى
................. نشري الغالية ونسوم في سوقها

باين اعليك يالنشمي من اهل الهدى=
وانت من ديرةٍ نعرف وش اسلومها=
***************************=
ما اتهمتك لكن مسموح سجل فدى =
مابناخذ حبايبنا بمنطوقها=

يعطيكم العافية جميعاً .. بس اثبتوا على قافية واحدة عشان أقدر أطمر معكم ..



بيوتها

سيوفها


اخـــصـــومـــهـــا

بــــمــــنـــــطـــــوقـــــهـــــا


فالكم البيضاء

حياك الله اخي جاسر شرفتنا بحضورك
بالنسبة لمحاورات القلطة حسب معلوماتي البسيطة أنها لاتلتزم بالشقر ولكنها تلتزم بالفتل والنقض والمعنى كذلك لابد ان تكون ثنائيه او رباعية اما ثلاثة شعراء ماتجي وعاد خالد ابوها وهو اعرف واللي يقول يصير ...
اما بالنسبة لك ياجسر فأنت شاعر بارع واحد شعراء المنتدى المحسوبين وانا واحد من تلاميذك ودام لك رغبة تشارك في المحاورة فالواجب علي أن أفسح لك المجال ومثل مايقولون أعط القوس باريها

هلا جآسر
أهو طآروق طرآآلي البآآرح وقلت أشآرك هالقسم مـع أي شآعر وكآن الخطآف أقرب المتوآجدين لبى روحـة ..


الخطآف يعطيك العآفية حبيبي ..
بودي لو أنوة تكوون هنآك محآورآت مبآشرة موب معي وبس مع كآفة الشعراء ..
اي بمعنى يخصص لكل شاعرين موعد وتنسييق وأيضا لو هناك أعضاء يحبون يتابعون تكون الصورة لهم أحلى ومتعة أكثر
ومايجلسون ينتظرون كل ساعتين رد ..

وأشكرك على هالمنآورة الخفيفة ..

هلا بك خالد البقمي

بالنسبة لتنسيق المحاورات فعاد الدعوة مزاجية ما نقدر نجبر شاعر على المحاورة لكن ان أشوف الأفضل إذا كان فيه شاعر له رغبة يفتح محاورة يسوي نفس طريقتك يفتح قاف ويطلب اقرب شاعر

اما بالنسبة للاستعجال في الرد فإذا كان أنت ياخالد متخصص في القلطة وجاي مستعد وانت اللي فتحت القاف وأخذت وقت بين ردك الأول والثاني اكثر من نص ساعة فكيف تطالب بمحاورات مباشرة !! وانا من وجهة نظري لا يعاب على الشاعر الوقت ولكن يعاب عليه ركاكة الكلمات وضعف البيت

على العموم اذا تبغى تستمر على القاف او تفتح قاف جديد او تقفله وانا افتح قاف او تبغى شعر الشقر وحتى لومزمار ماعندنا مشكلة انت تأمر أمر اهم شئ مانخسر شاعر بجودتك

تحياتي

تسلم لبى رووحك ..

حبيبي بعطيك فكرة وحدة ثانية < موب كأني نشبة
لو مثلا يكون هناك متصفح خآص يسجل أسماء الي يبون المحاورات وتسجيل أسم
يعني مثلا الباارح كنت متحمس ( جاي من أقصاي) وطرحت وجلستبها لدرجة انووة قلت مالي ومال الخطوط المعلقة ~
وذهبت لموقع آخر < يمديك على اللغة
وطقيت طآآروق أكلتها فية مفلفلة وعرفت أن الله حق ~
ثمن لمن رجعت لقيتك رآد لبى رووحك فقلت في نفسي وآفديت هالخطآف
ورجعت رديت عليك ~
واخالفك الراي بأن الاطآلة أحد العيوب ولانقدر نتجاهلها ..



الخطآف كلمـة حق من قبل أشوف المعرف تبعك ولا حاولت ولو للحظة من الحظات بالاحتكاك معك
ومن الاآن لن أترك كبيرة ولاصغيرة تؤدي أليك الى وأدخل فيها ..
أحترآآمي لك حبيبي وأشكرك على رقيك في التعآمل ...

أفأ عليك أبو خلود ولانشبه ولاشي أنت تدلل بس

وعلى فكرة إحنا منضمين طلعه بريه لشعراء المنتدى تقريبا بعد شهر

وبما انك من الشعراء اللي يحبون المحاورات و أصبحت الآن احد شعراءنا المهمين

انا سوف ارسلك على الخاص وانسق معك عشان تحضر معنا هذي الطلعه وعاد انت وقتها حدد الشاعر اللي تبي تتحاور معه

وخلينا نتقابل ويصير الاحتكاك على أصوله

بارك الله فيكم وبيّض الله وجيهكم .. وللأسف فأنا لست بأكفأ منكم ؛ خاصة في مجال ( محاورة القلطة ) .. ولكن قلت بأجرب ، وإذا سار فيه محاورة أُخرى فسيكون لنا منها نصيب بإذن الله ..

تحيتي لكما أيها الشهمان ..