{}(){}( توقف وتغيير ){}(){}

الرابح اللي ما تجيه الفواتـــــــير = ولا وقع في سوق الأسهم ضحيه
ولا تزوج مدمنات الكوافـــــــير = ولاّ تورط في فتاة غبـــــــــــــيه
وأكثر عباد الله مثل المواطــــير = تشفط فلوسك ما تبقي بقــــــــــيه
ويا من تزوج بنت شيخ الهوامير = أعلم تــراها في حياتـــــــك أذيه
هذاك معروفٍ بكثر المسايـــــير = يقلب مواقيتك صباح وعشـــــيه
يأخذ ولا يعطي وقربه مخاســير = وإذا حصل وأعطاك منّ العطيه
هذي حقيقة مشتويين العصافــير = اللي بهم قسوة ونـــيــــــــه رديه
وأكيد به ناسٍ تزفّ التباشـــــــير = وجيههم بيضٍ وبه طيب نـــــــيه
رجالهم يسوى ثلاثة طوابـــــــير = وإن جات صيحه تعتليه الحمــيه
وبنيّهم ذكرن بحسن التدابـــــــير = في كل حاله ما تدور وصـــــــيه
الدين فيها والبنيه بها بخـــــــــير = لامن غدت من حامدات الهـــديه
من زوجها ماهيب من نافخ الكير = اللي يسبب للعذارا أســــــــــــيه
ولا تسمّع للطرب والمزامــــــير = ولا تقول لزوجها لـيــــــــش ذيه
وأنا بدوري ما حسبت المعايـــير = إلاّ بعد ما ضاق وقتي علــــــــيه
ضاقت بي الدنيا وكني وسط بـير = في ليل مظلم وأفلتتني يــــــــديه
والسالفه ماهي توقف وتغيــــــير = الســـالفه في العمر ما به بقــــيه
نطرد ولكن عاندتنا المقــــــادير = وأصحابنا قالوا تصبّر شــــــويه
وأنا صبرت وبآن بالعمر تقصير = من قسوة الماضي وقرب المنـيه
والحمد لله لو وصل حالتي ضير = ألقى الفرج من عند رب البـــريه

صح لسانك
الله يعطيك العافيه
يشرفني ان اول مرور على قصيدتك الرائعه كان لي

ابدآآآآآآآآآآآآآع يا شاعرنا
ومدري مذابك فالقصيدة تيه
هههههههههههه
الله يوفقك ولا يهينك
دمت بخير ولا عدمناك

هههههههههههههههههههههه الله يعطيك العافيه وهذا ومقدشفت شي من العلوم الثانيه مر عليه عندي راحه

ضاقت بي الدنيا وكني وسط ؛؛؛؛ بيرفي ليل مظلـم وأفلتتنـي يديـه
والسالفه ماهي توقـف وتغييـر؛؛؛ السالفه في العمر ما بـه بقيـه
نطرد ولكـن عاندتنـا المقاديـر؛؛؛ وأصحابنا قالوا تصبّـر شويـه
وأنا صبرت وبآن بالعمرتقصير؛؛ من قسوة الماضي وقرب المنيه
والحمد لله لو وصل حالتي ضير؛؛ ألقى الفرج من عند رب البريـه

فارس الدارين + عود الليل + بن ظافر 0

أشكركم إخواني الكرام على مروركم الطيب وعساكم تسلمون 0

راائع ياغرمان
والشكوى على الله ياخوك
سلمت وسلم راسك ولاهنت

احترامي وتقديري
اخووك

غرمان بن عزيز
صح لسانك ..كلنا يطرد ورا الدنيا ولكن الله لا يشغلنا الا بطاعته ..
ابداع متميز اخي الكريم .. تقبل مودتي ومروري ..

المسكت + يوسف العمري 0

ألف شكر على المرور الكريم وعساكم تسلمون 0