1- مسابقة بني عمرو للشعر مطروحة للتصويت

الاخوة والاخوات الاعزاء اعضاء بني عمرو المميزين
السلام عليكم ورحمة الله وبركاته
ناسف على التاخير في المسابقة ولكن الاجاويد عذاره
عموما تم تقسيم المسابقة الى قسمين
القسم الاول قسم القصيده والاخر قسم الخاطره
نرجو منكم التصويت حسب رقم القصيده او الخاطره في الملحق الخاص بالتصويت ويحق لكل شخص التصويت مرة واحده فقط للقصيده ومرة واحده للخاطرة التي سوف تكون في موضوع مستقل
سيحتسب التصويت في نهاية انتهاء فترة التصويت ثم تضاف اليه درجات اللجنة التي شكلت من قبل الاداره والتي تمتلك عشر نقاط توزعها على المجموع او تضيفها لمشاركة واحده حسب ما تراه اللجنه 0
سيكون الاعلان عنها في نهاية هذا الشهر بعد اكتمال التصويت وستعلن القصيده والخاطرة الفائزة وسيتم ارسال الجوائز على الخاص0
امل منكم التفاعل والتصويت حسب جودة القصيدة والخاطرة بعيدا عن الحزبية والشللية التي لا نحب ان تكون في منتدانا 0
لكم مني خالص الموده
اخوكم
دباس الجارح

(((((((((((((القصيدة الاولى)))))))))))

صــدك وله ومعاندك روح وأحساس= والجرح منك ترا شي ثاني
جرحن له سنين ماطاب با الراس = واليا طريتك فزني من مكاني
يوم الجفا سيّر على كل هوجاس = رد الجفا فيني بعد ماخذاني
تدري وش أفرق عن باقي الناس =أني فرحت بشوفتك لو ثواني
اني عطيتك حب من غير مقياس = وأني بدون الحب إنسان ثاني
خذني مشاعر نبضها أوراق كراس = وأكتب همومي داخلي ما أعاني
واكتب حروفك لو تبي بين الأخماس= واكتب بعد عني وضيم الزماني
وأني أحبك حييييييل ياكل نسناس = رتب حروفك واكتب بسطر ثانـــي
فيصل يحبك يابعد كـــــــــــــل ها النااس = دقي ترا محتاجلك يا اماني

%%%%%%%%%%%%%%%%%


((((((((((( القصيدة الثانية))))))))))))

من فوق موجة تسونامي وصل دوبه

ورد لنا البحر فرخٍٍ أزرق مخدي =من فوق موجة تسونامي وصل دوبه
توه عليمي وجانا اليوم متحدي =في الشعر عمره ثلاثة أيام محسوبه
حذرته أبعد تراني واصلة حدي =اطيق هرج الطفيلي وأكره أسلوبه
أبعد بشرك وخل الليلة تعدي =وأحذرك دربنا لا تقترب صوبه
أرضك كولمبو ولا لك درب من عندي =والدرب قبلك بنار الموت مشبوبه
ألزم حدودك تأدب منته بقدي =ترى الجبل ما تهده فلقة الطوبه
و اللي يتمنى يتعدى شبر في حدي =الله يعينه يصالي نار سحوبه
والله لا خليه يخضع لي ويستجدي =وعلمه كيف يسلم ويعلن التويه

%%%%%%%%%%%%%%

((((((((((((((القصيدة الثالثة))))))))))))))))))

انثري دمعك على قاع الوريد =واكتبي جرحـي بكفك وامســـــحيه
وعلميني ضحكة الطـفل الوليد =وافضحي سري لــسرك واكـــتميه
لا تحطي لحــــــــــبنا حد بعيد =ابلغي حد المـــــحبة واكــــــــسريه
واسـرقي ليل يخليـــــني وحيد =إن حضرتي وحــدتي قومــي خذيه
لاتخلي اللــــيل في مشيه عنيد =ولاتخلي الصــــبح في قبضـة يديه
علمي الأيـــــــام والوقت البليد=والزمــان اللــي تبــــقى علـــــميه
إن لي قـلب من الغصن الوريد=يـــوم عز الـــموت عـــــيا لايجيه
لين حــــــــطه درة في كل جيد =واضـــــــح بين الملامح والوجيه
علمــــــــــيهم وانثري علم أكيد =ليش حطــــيتك بقــــــلب تملـــكيه

%%%%%%%%%%%%%%

((((((((((((((((((((((القصيدة الرابعة))))))))))))))))))))))

ولاجيتي على الميعاد

قعد ينطرك من صدقه ولا جيتي على الميعاد =وضيعتيه بين الوعد والأشعــار وأوراقه
اهو والليل مع نفسه على وعدك شقا و عناد =يموت بلوعة الساعه مية مره من أشواقه
اهو كنه سجين وكن وعدك والزمــــان قياد =سجين(ن) في ظلام الياس ينطر وانتي إشراقه
دقايق بعدها فرحة عمر ولا حزن و حــداد =* *بعد صار الجرس والباب والطاقه هم إرفاقه
اهو مع عقرب الساعه وخطوات الزمان جهاد =تعب وجهاد للمسكين بين الباب والطاقه
وبين الباب والطاقه و وعدك بندق(ن) و زناد =خطير يموت في درب التعب حبه في أعماقه
وبين العين والدمعه سيوف ومعركه وجهاد =عيونه ترفض الدمعه وتقتلها في أحـــداقه
وخلف استارة اللحظة بديوي ينظم الأنشاد =بديوي و الجرس والباب هي غيثه وبرّاقه

%%%%%%%%%%%

((((((((((((((((((((((القصيدة الخامسة))))))))))))))))

السكوت ابلغ

احبك والسكوت ابلغ مدام إن الحكي قصر=مدامه ما بقى بالحب كلمة لين قلناها
ولا كفت ولا وفت وأحس إن الغلا يكبر=تعدى هالغلا كل الحروف اللي نطقناها
يبيلي أبجديه من جديد إلها حروف أكثر=عساي ألقى بها كلمة غرام ما حكيناها
أبي كلمة لها إحساس رومنسية وتسحر=تخلينا نذوب فبعضنا لا من سمعناها
أبي كلمة على بال البشر مرة ولا تخطر=أبيها سهلة في نطقها صعبه بمعناها
أبيها أغلى من الجوهرأبيها أحلى من السكر=أبيهاأزكى من أنفاس الزهوراللي شممناها
احبك صايره كلمة قديمة لونها أصفر=ابي كلمة تكون الوانها ما يوم شفناها
أبيها لك ولا غيرك بياصلها ولا يقدر=إذا انقالت لغيرك يا بعد عمري ظلمناها
تعالي ندور الكلمة نحاول قد ما نقدر=أحس إن السكوت ابلغ إذا احنا ما لقيناها

%%%%%%%%%%%%%%%

(((((((((((((((((((((القصيدة السادسة))))))))))))))))))))

(( توصي شيء ))

توصي شيء ياقلبي أنا ماشي وأبي أرتاح =تعبت أسهر تعبت أشكي هموم(ن) شالها صدري
تعبت أكذب على نفسي وقول أصل الهوى ذباح =وقول إصبر عسى باكر يجيك العلم ماتدري
يجي باكر وقول إصبريجي بعده تزيد إجراح =وقلبي مانوى رجعة ولكن زاد في هجري
بكيته لين مل الدمع بكيت الوقت والأفراح =بكيت إحساس مامثله حنون وشاعري وسحري
تغير فيك إحساسك وصار المجرم السفاح =تبدل عصره الساحر بعصر إمن القسى حجري
طيور الحب ياقلبي خلفها في الظلام أشبااح=بعد ماهانت العشرة وبثيت الجفا حصري
وش اللي يجبر العاشق يموت بدنيته ياصاح =وش اللي يمنعه يفرح وخلا حالته حدري
غريبة حالته ولله يقول الهم عنٌي زاح =مع إنه ماينام الليل يناظر طلعة الفجري
تعلم يكتم أشواقه ونسى إن الهوى فضاح=تعلم يحبس إدموعه لقاها غصب هي تجري
سبحت إفبحر لاقيته عميق يغرٌق السباح =يهيج إبساعة أركودة وشطة في الرخاء صخري
تحملت العناااا لجلك وأثاري هالعناااا مفتاح =لهم(ن) يسكن أبقلبي وتيه يعتلي فكري
تقول النفس وشهوله ضياع العمر هاللي راح =وصٌبر نفسي بالأقداار وقول إن القدر عذري
خلاص اليوم ياقلبي أناماشي و أبي أرتاح =عسى ترجع لي البسمة ويجبر فيني الكسري

%%%%%%%%%%%%%

((((((((((((((((((القصيدة السابعة))))))))))))))))))))

ذابحني

من يوم أنا صغير و الحب ذابحني= وكل يوم أكبر أحس الحب مالكني
أصبحت أنا عبد والحب أسرني= إلى متى يا ناس ببقي على حالي
إلى متى والحب دائم يعذبني = إلى متى يا حبيبي وأنت ظلمني
إلى متى وأنت عجزت تفهمني = إلى متى ببقي مطولاً بالي
كل ما أنديك وأقول سامعني = يرد الصدى وأنت شايفني
زعلان منى أجوك حاكمني=عند القضاة و خاطرك سالي
أشوف الأمل يوما ً تناظرني= أعيش السعادة يوماً تناديني
أحبك حيل وأنت اللي مجنني = وفرح بشوفك ومنزلك عالي

%%%%%%%%%%%%%

اتمنى للجميع التوفيق