نعوضكم بدل المحاورة اللي اختفت الغامدي والرادار

اقروا المحاورة قبل تختفي تراها المره الثالثة تختفي محاوراتي
المتقاعد
انافي الميمنه والعبدلي ميسره
وخيال للشرق والحارق في الغاربه
يوم المعرب يقود الجيش ويوجهه
ماينفع للربع غير القوه الضاربه
وناخذ من كل واحد نجمة لامعه
واذا انتصرنا فنا القايد وانا امديركم
لا تغدروبي وتنفوني كما نفيهم
لن المراتب كما الدوار بتدربنا

الرادار
لو صعب علمي عليكم علمكم ميسره
والسيل لاتامنه فتطيح في الغاربه
ولا تناطح صليب الراس وتواجهه
الحق واضح ولا يبغي له امضاربه
والكفو يا صاحبي لاتمشي الاّ معه
نصيحتي لاتديور عارف امديركم
ترى الادارة همومٍ مثل مـ النفي هم
لكن خلك على الهقوات في دربنا

المتقاعد
لو مايردوا عليه مثلكم معذره
ياشيخ رادار ردك والله اسر به
الرجل معروف من فعله ومن معدنه
لن الوفي خير للصاحب من اقاربه
ونارنا ما بتطفى نارنا والا عه
واعمارنا فانيه وحياتنا ذي بكم
بعض العرب لا تكلم مثل رميه وسهم
ويدور اصغر خطاء حتى يقف ضدنا

الرادار
ياكم تجمع حبوب البر لي مع ذره
والعلم خافي ولا بكشفه واسربه
الصاحب اللي يشوفك مايقوم اعدنه
لعاد في البحر مد الموج من قاربه
والنازله بالنظر تفرق عن الطالعه
لاتحسب انك فصيح والعرب ذي بكم
الربح في وقتنا مابين حظ وسهم
لاتقول وقع الرصاصة مثل قض الدنا

المتقاعد
اشوف رادار جاي وشاد لي ميزره
وسرّنا للخلايق تم الاعلان به
وانا بديوي قريوي معرف الميدنه
ويقولوا اني عريبي من عرب عاربه
والاّ القمر ما نطوله والسماء السابعه
وشبك تجنى عليه وانا باحبكم
والي يحبوننا مقدر على عدهم
واقول حبوا مبارك نص ماعندنا

الرادار
شيباننا ينطقون المجزرة ميزره
وانته نبيه (ن) ومن فـ الريع لأعلى نبه
لكن لاتقترب مـ الداب في الميدنه
واللي تحبه تعن ولا عرب عاربه
والى تغير عليك وصار ينسى بعه
الحمد لله زرعنا ما نبا حبكم
واسمع كلامي ومن ينوي الخطا عدهم
واحذر تعاند فلا حي قوى عندنا

المتقاعد
اخبر خويك بعلمك يالخوي اخبره
والعلم ذا يكدر الخاطر هته بد به
وانته من الي عزاز وشعركم محسنه
وكنت انا اقول صاحبنا ونعتز به
واثرك كما الي يشيل العين باصابعه
وتبغى اتهجاني وهجي القوم ماسدكم
لكن من هم يودونك فصل ودهم
وانته من اخيار قوم اعزاز وانسابنا

الرادار
لاشفت وجه الصفا قاسي لزوم اخبره
واللي يخالف طريق المعرفة بدبه
لو كان مثل الجمل يهدر ويرمح سنه
الساس راسي نباهي به ونعتزبه
ما اسمع من اللي يقول ان بار لقصا بعه
ابني سدودي وماها وصل ماء سدكم
واعرف زعوم الخيول الغاليه والدّهم
واحزن على قطع راعي العرف وان سابنا

محاورة من النوع الثقيل
!!!
شاعر انت وصاحبكـ مبدعين بلـ متألقين
روعة في الفرش وجزالـــــــــــــــــه في المعنى
وشقر مبهر ووصول الى المعنى بطريقة
أروع
!!!
نتمنى ان يكون لكما
محـــــــــــــــــــاورة
مباشرة في المنتدى
وعلى يد ابوفارس
ان شاء الله
!!!
حكيم المنتدى

مـــاشـــاء الله تبـــارك الله

محاوره ولا اروع
معنى شقر فرش ....الخ

كل واحد أثبت وجوده وبقوه

الإبداع ما يتخبا أبد ..
كلاكما أبدع بصورة مميّزة جداً ..
أتفق مع الحكيم بكونها محاورة من النوع الثقيل ..
صح لسانك ولسان المتقاعد وبيض الله وجيهكم ..
تقديري ..

الرادار , المتقاعد
الحقيقه مبدعييين
وحت السنتكم