انا العزوبـي واتسكـع تسكـاع .....تكفون بالله يالعرب زوجوني

انا العزوبي واتقطع تقطاع

................................على زواج البنت تدمع عيوني

انا العزوبي وين مارحت ملتاع

...................................زين العذارء يالعرب جننوني

اشوفهم في كل روحه ومرجاع

...............................من حيث ماوليت هم عذبوني

فالبيت فالتلفاز والصوت مذياع

................................ حتى العمل ياناس مافارقوني

وليا نويت السوق ناوي تبضاع

............................. اروح وارجع منخطف حيل لوني

ارجع وقلبي حايسٍ بين الاضلاع

....................................من زود دقاته تخلع امتوني

اللـي تغنـج فالمشـي بالـتـدلاع

............................ واللي تناظرني بطرف(ن) فتوني

وام العيون السود والرمـش قطـاع

...............................وام الجدايل والكحل بالجفونـي

وام النقاب اللـي تمصـع تمصـاع

.............................. قدام عيني والبشـر يشهدونـي

كنهـا تمتـع فـي عذابـي تمتـاع

............................ وانا العزوبي كان ربي ف عوني

واهل الجنوز الضيقه واهل الاوساع

............................. مدري وش اللي حدهم يلبسوني

منهـم تجرعـت المـراره تجـراع

..............................في كل يوم يزيد همي وحزوني

لو نطلع المريخ في لحظـه وسـاع

.............................. نلقى العوايـل قبلنـا يطلعونـي

من بعد طرح وجمع وهمـوم وصـراع

....................... قررت انا اخطب بنت وانهي ظنوني

ابوهـا قـال اليـوم مانـي iiبطـمـاع

...................... عندي شروط(ن) للمهر واعذرونـي

يقوم يوحـي لـي ويشـر بالاصبـاع

.......................... يبغي المهـر ميتيـن او يكثرونـي

يقول يبغى العرس في قصور واقـلاع

.........................ونبغى ذهب لام العروس المزونـي

ونبغى الحلا والكيك من كـل الانـواع

........................... تـبـون والا ياعـسـا ماتبـونـي

ناس ٍ تحسب البنت شروه ومبياع

............................ تبي المكاسب لو زادت ديوني

ماهمهم لو زاد همي والاوجـاع

............................ ماهمهم ياكود ملي البطونـي

يامؤمنـن بالله ساجـد وركــاع

............................ بنتك امانه حاذر انك تخونـي

لا تعنس ابنيتك في سّبت اشبـاع

.........................نفسك وجمع افلوس ماينفعوني

بكره ليا جتك المنيـه والاوجـاع

.......................... تندم ولا ينفعك دمع العيونـي

الخيمه اللي بدون عمدان وشراع

..........................يمكن تطيرها الهبايب بهوني

انا العزوبـي واتسكـع تسكـاع

.........................تكفون بالله يالعرب زوجوني


*******************

وينك .. يا شايب الله يطول عمرك ... تدعي لي ،،

وادعولي كلكم .. باللي في بالي ..



:o :o ;) :o :o

ههههههههههههه

حلوه مره ساهر الليل

هذي القصيده الظريفه

تحياتي لك

تحياتي ساهر الليل
والله يوفقك باللى ببالك
رائعه وانت الاروع
يعطيك الف عافيه والله
اخوك المسكت

جميل المحيا ،،،

الأجمل مرورك ،،،

وتعليقك ،،

تقبل تحياتي .

المسكت /

الله يجبر بخاطرك ،،

ويبقي لي فيك !!

ما دعى لي الا انت !!

وكيف إني ما وصيت !!



شكرا لك على المشاركة ،،

وتقبل تحياتي .

الاخ ساهر الليل

ما اجمل ما تطرحه استاذي الكريم

بصراحه تنال اعجاب الكل بما تطرحه لنا

أشكر من الاعماق استاذي والى الامام

المليحي

مشاركة روعه وتعقيديه في نفس الوقت الله يعينك

الله يوفقك انشاء الله

ويجعل الي في بالك من نصيب يالله ياكريم

وتقبل مني خالص تحياتي وتقديري اختك

دلع

انا العزوبي واتقطع تقطاع

................................على زواج البنت تدمع عيوني

انا العزوبي وين مارحت ملتاع

...................................زين العذارء يالعرب جننوني

اشوفهم في كل روحه ومرجاع

...............................من حيث ماوليت هم عذبوني

فالبيت فالتلفاز والصوت مذياع

................................ حتى العمل ياناس مافارقوني

وليا نويت السوق ناوي تبضاع

............................. اروح وارجع منخطف حيل لوني

والله حلو يا ساهر جدا جدا جدا وبيعن روحك عاد ودك بالعرس كان قلتلي

يابصري كان رحت خطبت لك بنت من بنات المنزل والله يا بنت معا ذاك مدري مذا

اسمه انها تقول للقمر ابعد واسقعد بدلك اديبه وفيه منظر ياخذ العقل

يوابه يا عثرك بالعثر يوف اخذني موتك هيا هيا واروح اخطبها لك

الذيب ما يشتكي ياذيب لا جاع...
................................. يضوي على جوعه بدمع نوني...

لو شكى هيبته قلت وهو ضاع...
...................................يقبض على حر المرض بالسنوني..
اصبر وربك يعدل كل الاوضاع...
...................................قبلك حمقة واليوم والله جننوني...
تريث مـا تلقى بنت حلوة اطباع...
....................................وانا جدك راح زمان الحب الحنوني...
وان ودك فلا عوده ولا مرجاع...
....................................قبل النشاماء وهم عليك يشهدوني...
انا دليلك ولا تقول الساق مجزاع..
....................................توكل على الله ولا تخيب ضنوني...
ابشر بسعدك واذيعهابينكم بمذياع...
.......................................ولا تقول مزحه وتبكي عيوني...

الله يزوجك وانا جدك بزوجه صالحه وحلوه ودينه والحركه فيها بركه

حاولت ارد على ابياتك وابشر بسعدك امنا اروح معك لو تريد اخطب لك في

الصين بس انت اشر...

هذا يوم االسعاده والافراح..

المليحي /

الف شكر على حضورك ،،،

وتعليقك ،،

وصدقني ...

نحن أمام جمال حضورك ...وتواصلك لا شئ .


تقبل تحياتي .......

دلع/

والله عارف أنها معقدة ،،

ومتعقدة ،،

وتعقيدية ...

بس ايش نسوي ،،


هذاهو الحال .. حالي كيف ما شفته !!

شكرا على حضورك ... وتعليقك ،،



الف شكر وتحية .

شايب الجنوب /

انتو يالشيبان دايما .. تبسطون الشغلة ،،

مرة ... تسوون من الحبة قبة !!

ومرة .. من القبة ( الكبيررررة ) حبة !!

لو أظن أن كلامك بالبساطة .. اللي تقول ...

ما أمسي الليلة .. إلا عندك !!

لكن يكفينا ..دعوتك الطيبة !!

طيب الله أوقاتك!!

شكرا على المداخلة .. والأبيات القوية (( حط تحت قوية خطين ))

وصدقني ....

انه ينشرح خاطري .. إذا قرأت لك ..

أو شفت مشاركاتك !!

تحياتي .

ساهر الليل الهين يخسى في لحيته والله يحييك وابشر بسعدك

والله ما احطك الا في بيت شيوخ بس على شرط لا تدوخ...

والابيات مجرد محاوله على الطاير ياخي لا تدقق...

والقويه حطيت تحتها اربعه خطوط..

وانا كذالك والله انبسط اذا رايت كتاباتك ومشاركاتك

جدك وتحياته لك..