الفرح في يوم عيد

الفرح في يوم عيد

عند بن عمي بديت المعاني والقصيد=والجمايل وقفتي توكم من شانها
بعدها يامرحبا بالقريّب والبعيد=عد ماهلت مزون السحب ودانها
مرحبا ترحيبة مالها وصف ونديد=ينعرف مقدارها من قرا عنوانها
في لزوم يبتهج بالفرح في يوم عيد=بالمشايخ والقبايل وروس اعيانها
بأسمي وباسم المضيف ومن يقدم سديد=والعرب نعرف مواجيبها وايمانها
مالنا عذرٍ وحبل الرجا باقي شديد=والعلوم الغانمة بينة بيبانها
والمواقف ما تغير ونطمح للمزيد=والمثايل نقطف اجزالها واسمانها
من قريحة خاطرٍ مانقص منه الرصيد=كل يوم من غلاها تزيد اثمانها
والحقيقة من بدا بالجمايل يستفيد=والجمايل تحتسي في رجا رعيانها
ما بدا راعي المعاريف علمه من جديد=والخلايق تحكم بسمعها واعيانها
ياالله يامن كلنا من تحته حكمة عبيد=تنصر الأمة وتخذل عدوٍ خانها
يامجيب لدعوة العبد يا العالي المجيد=يامبين كلمة الحق في ميزانها
دلنا درب المطاليق والحظ السعيد=واكفنا من شر ناس تحد اسنانها
والختام العذر لاصار شي في النشيد=واللسان المحصنة يفتخر من صانها

صح الله لسانك مليووووون ...

وافي وابيض وجه يا مبارك ...

لا عدمت هذا الابداع الشعري ولا هالحضور الرائع ...

اشكرك وبكل شوق ننتظر القادم ...

كل الود

صح لسانك وعساك على القوه
قصيده في غاية الجمال والروعه
لاعدمناك ياغالي

الرادار
شاعر مبدع ومتألق في هذا القسم
قصيدة جميلة ومعناها وافي
ولا شك انها قيلت فيمن يستحقها
كنت اتمنى عليك التالي
ان تشكل بعض الحروف التي يمكن ان تقرأ بأكثر من طريقة
مثل البيت
ينعرف مقدارها مـن قـِرأ عنوانهـا
لأنها لوقرئيت( قَرأ ) ينكسر المعنى لأن ينعرف بتصبح يعرف حتى يستقيم المعنى
ايضا عجز البيت الاخير كذلك
واللسان المحصنة يفتخر من صانهـا
خطأ املائي المحصنة هي ( أم حصنه ) .

وتبقى دائما في الطليعة اخي مبارك اتمنى لك التوفيق واستمر في نشر هذه المقطوعات الموسيقية فنحن معك دائما على موعد
وننتظر جديدك
اخوك
حكيم المنتدى

اعز الناس فارقني -- جبرني الوقت -- ابو صاهود العمري -- اشكركم على المرور وهذا يشرفني ويزيدني فخر


حكيم المنتدى --توضيحك يدل على حرصك وملاحظاتك تخدمني واقول بيض الله وجهك ولا استغني عن ملاحظاتك في اي موضوع