الإهداءات |
|
|
|||||||
| التسجيل | التعليمـــات | التقويم | مشاركات اليوم | البحث |
 |
|
|
أدوات الموضوع | انواع عرض الموضوع |
|
الإهداءات |
|
|
|||||||
| التسجيل | التعليمـــات | التقويم | مشاركات اليوم | البحث |
|
|
|
أدوات الموضوع | انواع عرض الموضوع |
|
#1
04-03-2005, 08:49 AM
|
|||||||||
|
|||||||||
التفرقة بين الأولاد و البنات في دول الخليج
التفرقة بين الأولاد و البنات في دول الخليج
إذا تعرفتي على ولد فأنتي صايعة و مو محترمة إذا هو تعرف على بنت فهذا طيش شباب ------------------------------------------ إذا البنت حبت قالو عليها قليلة ادب إذا الولد حب الناس يقولون يا حليله الولد كبر و صار يحب ----------------------------------------- إذا البنت تأخرت شوي بره تاخذ لها كلمتين من الأهل إذا الولد تأخر " مسكين صارله ساعة يدرس عند صديقه " --------------------------------------- إذا البنت تلعب بلاي ستيشن او اكس بوكس قالو عليها هبله إذا الولد لعب قالو عادي شاب و يبي يتسلى : ( حرااااااام مسكين................يعني خلصت التسالي اللي بالعالم) -------------------------------------- إذا البنت لبست و تكشخت فهي صايعة و رايحة تستعرض إذا الولد لبس و تكشح فهو إنسان يحب الموضة --------------------------------------- إذا البنت سوت شي غلط عطوها محاضرة في الأخلاق و الشرف و الدين .. إذا الولد غلط يضحكون و يقولون طيش شباب بكره يعقل ----------------------------------- إذا البنت تكلمت في التليفون يقولون اكيد كلام ماله داعي إذا الولد تكلم في التليفون فالرجال يتكلم في الشغل ----------------------------------- إذا البنت بجت قالو اكيد شي تافه إذا الولد بجى قالو مسكيييييييين اكيد شي قوي صارله ------------------------ إذا البنت شاطرة في شي قالو ان الشي هذا تافه و سهل << صحيح إذا الولد شاطر في نفس الشي قالو هذا صعب كيف سوا الملعون الذكي .................................................. ............ بالنهايه واخر شئ باجر الولد يتزوج ويسمع كلام مرته وينسى انه عنده خوات وام يسال عنهم ((( وهذا اللي نشوفه بعيونا )))) ××تحياتي لكم ×× . 
سأعيش بزورق الشعر مجدافه
وسأحيا به من المهد الى اللحد سأكتبه وأقرأه تبعا لأسلافه وأبحر به وصولا إلى المجد 
|
|
04-03-2005, 09:52 AM
|
#2 | |
 
|
مشاركة: التفرقة بين الأولاد و البنات في دول الخليج
أسيرة الحزن
يكفيني عندما أقرأ لك هذا الكلام أن أستشف أشياء أردت مرارا أن أعرفها عن أسيرة الحزن انها قلب .. وصدق وشفافية لن أخوض في الموضوع كثيرا ولن أنتقد أو أؤيد ما ذهبت اليه الرائعة الحزينة أقرأوا هذا المقطع بالنهايه واخر شئ باجر الولد يتزوج ويسمع كلام مرته وينسى انه عنده خوات وام يسال عنهم ((( وهذا اللي نشوفه بعيونا )))) والتمسوا العذر لأسيرة الحزن فهي حالة خاصة * * * أشكرك غاليتي على هذا الموضوع وطيب التواجد.. |
|
|
التعديل الأخير تم بواسطة الجــرح ; 04-17-2005 الساعة 12:42 AM
|
|
04-03-2005, 11:55 AM
|
#3 | |
|
مشاركة: التفرقة بين الأولاد و البنات في دول الخليج
طيب يحاجه
الله يسمحك وحنا عملنا ايه ذي فلسفة الحياة وطبيعتها وبكوني من الأولاد فانا اشجب واستنكر هجومك الشرس علينا وتقبلي تحياااااااااااااااتي |
|
|
|
04-03-2005, 12:35 PM
|
#4 | |
 
|
مشاركة: التفرقة بين الأولاد و البنات في دول الخليج
سعيد
صدقني هذا لا هو هجوم عليكم ولا شئ بس هذا اللي اشوفه بعيوني وحبيت اقول لك شئ اسمه رجل هي ميزته بالهوية اما عقله كله مبرمج على عقل مرته تقول له روح يمين يروح |
|
|
سأعيش بزورق الشعر مجدافه
وسأحيا به من المهد الى اللحد سأكتبه وأقرأه تبعا لأسلافه وأبحر به وصولا إلى المجد
|
|
04-04-2005, 02:23 AM
|
#5 | |
|
مشاركة: التفرقة بين الأولاد و البنات في دول الخليج
السلام عليكم ...
هلا والله اسيرة الحزن ... صراحه أنا مثل سعيد ...أستنكر هذا الهجوم ... ولكن خليني أعلق عليها وحده وحده as) ... ]إذا تعرفتي على ولد فأنتي صايعة و مو محترمة إذا هو تعرف على بنت فهذا طيش شباب وانا اقول ان هذا الولد صايع ومو محترم ]إذا البنت حبت قالو عليها قليلة ادب إذا الولد حب الناس يقولون يا حليله الولد كبر و صار يحب والله شوفي انا ما اشوف ان الحب قلة أدب في نظري ... لكن كل شي وله حد ... والشريعة الإسلامية موضحة لنا كل شي ... إذا كانت تحب واحد ...الواحد هذا يجي يخطبها ... لكن اذا كان ((قرقر بس )) فهي قليلة أدب خخخ as) والولد نفس الشيء ينطبق عليه الكلام ... يحب وحده .. يروح يخطبها ويتزوجها على سنة الله ورسوله ..غير كذا قلة أدب as) إذا البنت تأخرت شوي بره تاخذ لها كلمتين من الأهل إذا الولد تأخر " مسكين صارله ساعة يدرس عند صديقه " زين إذا ما أخذت كفين ...ايه تاخذ لها كلمتين وليه لا ... البنت الخليجية المسلمه شي غالي ... ولازم ينخاف عليه ... وزي ما قلت ... زين إذا ما أخذت كفين من أهلها لكن الولد إذا تأخر فهو رجل ويقدر يتحمل المسؤوليه ويقدر تصرف في أمور كثيره ... ]إذا البنت تلعب بلاي ستيشن او اكس بوكس قالو عليها هبله إذا الولد لعب قالو عادي شاب و يبي يتسلى : ( حرااااااام مسكين................يعني خلصت التسالي اللي بالعالم) مافيه شي اللعب مو حرام ...ان شاء الله تلعب حرامي السيارات مافيها مشاكل أعتقد فيه مبالغه في النقطه هذي بالذات ... إذا البنت لبست و تكشخت فهي صايعة و رايحة تستعرض إذا الولد لبس و تكشح فهو إنسان يحب الموضة ما فهمت وش تقصدين بالكشخه ... عندنا في مجتمعنا معروف ان المرأه ما تطلع إلا بالعبايه والحجاب الشرعي ...وما تتعطر بعطر ريحته تخش المخ ... إلا في بعض المناسبات يعني ... وإن طلعت من البيت فهي مع أخوها أو أهلها أو مع أمها ... وبيكشخون وين يروحون يتقهوون عند الجيران ولا يحظرون فرح ... المهم أشوف ان النقطه هذي مالها شغل في حياتنا العامه والولد .. وش يكشخ ويلبس .. ثوب وشماغ ... إذا خربها زاد البشت خخخخخ واذا خربها مره مره مره ... لبس جزمه سوداء ولمعها خخخخخ .... وحط من ذا العوده ولا العنبر as) ومن حقه يعني ... إذا البنت سوت شي غلط عطوها محاضرة في الأخلاق و الشرف و الدين .. إذا الولد غلط يضحكون و يقولون طيش شباب بكره يعقل غلط !!! ليتك تحددين نوع الغلط ... يعني مثلاً كسرت صحن في المطبخ ولا تهاوشت مع الأبله حقتها ...ولا فركت من المدرسه ولا طلعت مع غريب (( صديقها مثلاً )) أو غير ذلك ... وبعدين ليه ما قلتي ان البنت إذا غلطت يقولون طيش بنات وبكره بتعقل !!! أكيد عارفه الجواب ... لأن ديننا الحنيف يتطلب الإهتمام بالبنت أكثر من الولد ... لأن البنت جوهره غاليه ... ويجب المحافظه عليها والاهتمام بها أكثر من الولد ... وزي ما قالوا المدرسين المصاريه ... بنضربكم عشان بنحبكم as) وأكيد ما بيعطونها أهلها درس في الشرف والدين إلا من محبه وخوف على شرفها ... الله يحفظ بناتنا بحفظه ويستر عليهن بستره ... إذا البنت تكلمت في التليفون يقولون اكيد كلام ماله داعي إذا الولد تكلم في التليفون فالرجال يتكلم في الشغل وكمان هذه النقطه فيها مبالغه شويه إذا البنت بجت قالو اكيد شي تافه إذا الولد بجى قالو مسكيييييييين اكيد شي قوي صارله وهذي حتى فيها مبالغه كثير ... إذا البنت شاطرة في شي قالو ان الشي هذا تافه و سهل << صحيح إذا الولد شاطر في نفس الشي قالو هذا صعب كيف سوا الملعون الذكي وهذي حتى مباااااااااااااااااااااااااااااااااااااااااالغة قوية بالعكس ... أنا أشوف الولد إذا سوا شي فيه شطاره .. قالوا بسيط ... والبنت اذا سوت نفس الشيء .. قالوا ماشاء الله تبارك الله يزيدك من عنده وش ذا الذكاء طالعه لنيوتن as) بالنهايه واخر شئ باجر الولد يتزوج ويسمع كلام مرته وينسى انه عنده خوات وام يسال عنهم ((( وهذا اللي نشوفه بعيونا )))). أصاااابعك مو زي بعض ... والأغلبيه عكس ما ذكرتي في كلامك الأخير هذا as) وهذا اللي أشوفه أنا ويشوفونه الكثير من الناس ... أشكرك على طرحك الجميل ... وتقبلي مني خالص التحيه .. والسلام عليكم .. |
|
|
|
|
04-09-2005, 04:00 PM
|
#6 | |
|
مشاركة: التفرقة بين الأولاد و البنات في دول الخليج
اسيره الموضوع حلو
و بصراحه انا الاحظ التفرقه بين الجنسين مو طبعيه ما ادري ليش ؟؟؟؟؟ اقولج ليش ؟؟؟؟؟؟ كل هذا بسبب العادات والتقاليد ياناس يا هوه ترى بعض العادات ما تصلح للعصر اللي احنا عايشينه اللحين لانها راحت مع الماضى و انا رجل واقولها لج ان البنت الخليجيه مظلوه حيل لابعد مدى بالنسبه لك يا اخ سعيد بي عبدالله السالفه مو هجوم ولا شئ بس البنت معاها حق باللي تقوله انت سافر بره الدوال العربيه و شوف بعينك اللي انا شفته شوف البنت الخليجية شنو لابسه بمعني اصح انها نزعت الحيه لانها محبوسه بدولتها و تفرغ الشحنات اللي فيها بالدول الغير عربيه انت سافر وشوف بعينك و مشكوره اسيره كويتي |
|
|
[img][img][IMG]
 [/IMG][/img][/img][img][img]  [/img][/img]
|
|
04-09-2005, 05:31 PM
|
#7 | |||
|
مشاركة: التفرقة بين الأولاد و البنات في دول الخليج
كويتي ..
هلا فيك أخي الحبيب بين اخوانك واخواتك ... ونورت المنتدى يالطيب ... والغريب انه اول مشاركه لك في هذا الموضوع ... لكن ان شاء الله انك تكون متواصل معنا على طول ... اقتباس:
يعني خلاص المفروض الحين البنات يمشون في الشارع ببناطيل وتي شيرتات !!!!!!! هذا اللي تبغى تقوله ياكويتي !!!!! ما اقول الا الله يخلف as) يا حبيبي ياكويتي الله يسعدك ... العادات والتقاليد اللي تتكلم عنها هذي ..هي ما يحثنا عليه ديننا الحنيف ... احنا عاداتنا وتقاليدنا على الشريعه الاسلاميه ..ما جبنا شي من راسنا ... وش اللي كبت ووش اللي البنت مظلومه ... حاجه غريبه منك والله كرجل مؤمن وتخاف على عرض اخواتك المسلمات ان كنت تخاف فعلاً !!! اقتباس:
انا شفت بنات سعوديات وخليجيات في مصر والاردن وسوريا ولبنان وتركيا ودول خارجيه وغير عربيه... ولله الحمد ...متحجبات ومحافظات على حجابهم الشرعي ... لكن اللي تتكلم عنهم هم قلة ... وبالأصح مالهم أصل وتحصل اصولهم من باكستان والهند ... وانا كانوا بنات اصل من الخليج ...فما اقول إلا الله يخلف على التربية !!! واذا انت شفت حتى انا شفت يا حبيب قلبي as) والبنات مو مظلومات ولاهم يحزنون ...هذا ديننا الاسلامي يحثنا على كذا ... والحمدلله على نعمة العقل ونعمة الإسلام as) والله يخلف على هذه الأفكار ...أجل بلاش من العادات والتقاليد هذي هههههههههههههههههههههههههههههههههههههههههههههههههه هه ضحكتني وانا ما ودي اضحك ... اخوي كويتي ...اتمنى نشوفك متواصل معنا على طول ... تحياتي لك ... والسلام عليكم .. |
|||
|
|
|
04-10-2005, 01:39 AM
|
#8 | |
|
مشاركة: التفرقة بين الأولاد و البنات في دول الخليج
قلب نقاش حاد
طيب اللي يرضاها تسوي ما يسويه الشباب فالدرب قبلها مفتوح ونشوف وش بيصير يا كويتي اهلا بك وحنا شفناهم هنا فما بالك لو بتكون برى |
|
|
|
|
04-11-2005, 03:24 PM
|
#9 | |
|
مشاركة: التفرقة بين الأولاد و البنات في دول الخليج
اخوي محمد العمري انت فاهمني غلط انا لما قلت ان عاداتنا و تقاليدنا مو راكبه على العصر هذا ماتكلم على اصلنا اللي هو الدين
لان احنا كخليجين بينا تقاليد و عادات تربطنا ببعض مــــــــــــــــــــــــــــــو جذي و بالنسبه للبنات اللي تقول عنهن انا شفت بنات سعوديات وخليجيات ولله الحمد ...متحجبات ومحافظات على حجابهم الشرعي ... اي كلام اي بطيخ تقول عنه هذا انا شوف عيني اقولك اني شفت بلاوي من بنات السعوديه الله !!!!!!!! س خله على الله كله نتيجه الحبس و الحكره و سوريا ولبنان ومصر والارن تشهد !!!! روح بالصيف الجاي للدول هذي وشوف بعينك ليش منخلي بناتنا على نفس عهد الرسول صلى الله عليه وسلم ساعدن بنشر الدعوه وجاهدن لو وحده تطلع وتسوي جذي قالو عنها مجنونه صح ولا الا ؟؟؟؟؟؟؟؟؟؟؟؟؟ كويتي |
|
|
[img][img][IMG]
[/IMG][/img][/img][img][img] [/img][/img]
|
|
04-11-2005, 04:48 PM
|
#10 | |
|
مشاركة: التفرقة بين الأولاد و البنات في دول الخليج
السلام عليكم ...
اخي الحبيب كويتي ...اول شي ....ليتك تختار كلمات مناسبه للرد ... وش اللي بطيخ وطماطم ...في حلقه حنا ولا في منتدى as) وزي ما قلت لك في البدايه يا حبيبي يا كويتي البنات اللي تتكلم عنهم هذولا قله ...ولا يمثلون بنات السعودية وأنا أتكلم عن السعودية فقط ... ما بتدخل في بنات الكويت لأني أعرفهم زين as) والبنات اللي شفتهم هذولا مالهم أصل ...واصولهم من باكستان ...والهند ... بالأصح طرش بحر !!! طقة طرطشلي !!! عرفتهم ياحبيبي ... وبعدين انا عشان يكون في علمك أغلب حياتي خارج المملكه في بريطانيا وامريكا وفرنسا ...هذا غير الدول العربيه .. ومنها اللي ذكرتها انت مصر والأردن ولبنان وسوريا ...بحكم عمل الوالد والدراسه ... وشفت اكثر منك واكثر من اي واحد في هذا المنتدى ...لا تقولي صيف ولا تقولي شتاء ... واللي تتكلم عنهم هذولا هم من الطرش اللي مالهم اصل ...أو أصولهم شرق اسيويه .. وان كانوا من أصول العرب زي ما ذكرت ...وأنا أستغرب الشيء هذا !!! فهم قلال أدب !!! وأهلهم ما عرفوا يربونهم التربيه على اصولها ... ولا وش يطلعها مصر والاردن ولبنان والدول العربيه وغير العربيه مفصخه !!! قلة التربيه لها دور يا حبيبي !!! بعدين يالطيب ... في عهد الرسول ... ايش كان فيه ياحبيبي .... طيب الرسول عليه الصلاة والسلام ...حرم خروج المرأه من بيتها بدون الحجاب الشرعي ... وهذا اللي حاصل عندنا في السعودية .... وانت على حسب كلامك ان المرأه تخرج بدون عبايه صح ولا لا as) ... والرسول عليه الصلاة والسلام حرم سفرهااااا بدون محرم .... وهذا اللي حاصل عندنا في السعوديه ...وما اتكلم عن الطرششششششششششش ... يعني علمني بالله وش تبغى البنت السعودية تسوي ... جيب لي بنت سعودية من هذا المنتدى أو خارجه ... تقول انها مظلومه as) وان كان قريت في المنتديات عن بنات مظلومات وما ادري كيف ...فثق تمام الثقه انهم علمانيين أو علمانيات ...وطرش بحر ... ما نروح بعيد ... عندك المنتدى ما شاء الله فيه بنات الخير واجد ...شوف لي بنت تقول انها مظلومه ... وان كانت مظلومه ... ليتها تقولنا ...وش مظلومه فيه ... ووش الحقوق اللي تبغاها ... وبعدين وش كان في عهد الرسول ووش اللي تغير ... ولا ليكون في عهد الرسول عادات وتقاليد وانا ما ادري !!!! وهل تعلم .. ان الأمريكيات والأوربيات يحسدون المرأة السعودية على العز اللي هي فيه ...؟؟؟؟؟؟؟؟؟؟ ربي أعز المرأه السعودية بصفه خاصه والمسلمه بصفه عامه بهذا الدين .... وعززها وكرمها ورفع من شأنها ...عن غيرها من النساء في هذا العالم ... والمرأه كما ذكرت في السابق كالجوهره ... غالية ... مو أي أحد يحصل عليها ...ومو أي أحد يشوفها ... وما فيه أحد يحصل عليها إلا بالزواااااج على سنة الله ورسوله ... مو زي بعض النسوان !!!!! كل من هب ودب يطالع في الخشه ... وليتها الخشه وبس ...علوم ثانية ...الله يستر على بناتنا ..آآآآمين ... على كل حال ... أتمنى تعطيني الزبده as) .... علمني وش تبغى البنات يسوون ... يسوقون سياره ... بنات السعودية ملكاااااات ...ما يسوقون ... يركبون ورا مع الأب أو الأخ ويروحون للمكان اللي يبغون ...معززين مكرمين ... وحمايه على كيف كيفك بودي قاردات ...من كل جهه ... وابن امه يغلط أو يقول كلمه يمين ولا يسار ... لكن لو البنت ساقت ... وجاها بزر وقاله (( بو )) كان تلقاها تبكي في نص الطريق ...ومسببه أزمة مرورية ... ولا لو بنشر عليها الكفر ...قسماًَ بالله ما تدري وش صار في السياره اصلاُ ...ولو دريت ما بتعرف وش تسوي ... وبيلتمون عليها أدشر خلق الله ... هذا لو قلنا السواقه ... طيب لو قلنا الشغل ...ولو قلنا زي ما قلت يجاهدن وينشرن الدعوه ... الحمدلله ...عندنا في السعوديه ...هيئة الأمر بالمعروف ...فيها قسم للسيدات ..ينشرن الدعوه ...ونشر الدعوه يعتبر جهاد ... وفيه ايضاً .....مدرسات ...محاظرات في الجامعات ...طبيبات ...ممرضات ...وفيه قسم للسيدات لتوعية الجاليات <<== وهذي تعتبر نشر للدعوه والعلم وجهاد ... والوظائف كثير ...غير ما ذكرت ...ولكن ذكرت لك اللي فيها نشر الدعوه ..والعلم ...والجهاااااد ... وفي النهايه ...المرأه ...تقدر تجلس في البيت ...آكله شاربه نايمه ...تخدم زوجها وأولادها ... ولا كرف في الوظيفة ولا هم يحزنون ...معززه مكرمه ... على كل حال ... نرجع لمحور موضوعنا ...موضوعك أنت مو موضوع أسيرة الحب as) ((( لا مؤخزه يا أسيرة ))) يعني لا تأخذيني ... يا حبيبي كويتي ...تقولي أجل شفت بنات سعوديات في الخارج ...ما شفت غير السعوديات !!!! وش عرفك انها سعودية ..... أهاااااااااااااااااااااا .. جينا للزبده ... كلمتها ..تعرفت عليها ...شفت جوازها ...أخضر ولا أزرق as) على فكره اللهجه ماهي بعيده بين السعوديه والكويت ...أو ممكن كان على عيونك غبش ... وما شفت زين ... هات الزبده يالحبيب ...وعطنا وش تبغى البنت تسوي ... والسلاااام عليكم ... |
|
|
التعديل الأخير تم بواسطة محمد العمري ; 04-11-2005 الساعة 04:53 PM
|
|
04-12-2005, 03:58 PM
|
#11 | |
|
مشاركة: التفرقة بين الأولاد و البنات في دول الخليج
يأخي ترى الحديث على المنتدي ما ينفع
لازم يكون وجها لوجه تدري ليش ؟؟؟؟؟؟ انا اقولك لاننا لو نتكلم بالموضوع هذا ما راح نخلص للسنه الجاية بالنسبه لكلمك جيب لي بنت سعودية من هذا المنتدى أو خارجه ... تقول انها مظلومه شكثر و الطامه الكبره انهن يسون بلاوي بالسعوديه بالمدراس و بالمجمعات مو بس البنات حتي الشباب روح للبحرين رأس السنه شوف اللي يصير و الله يشهد على كويتي |
|
|
[img][img][IMG]
[/IMG][/img][/img][img][img] [/img][/img]
|
|
04-12-2005, 06:07 PM
|
#12 | ||
|
مشاركة: التفرقة بين الأولاد و البنات في دول الخليج
السلام عليكم ...
أخي الحبيب كويتي ... وجها لوجه ليه ...اجتماع القمه العربيه وانا ما ادري as) ما أعرف ليه ما جاوبت على ردي عليك ...خايف ترد وتخش في المواضيع الصح ... كلامك الأخير هذا للأسف يبين لي أنك ما تعرف شي ... وأنت كويتي ..وأنا سعودي ...وأنا أعرف ببنات ديرتي أكثر منك يا حبيب قلبي ... وأعرف ببنااااااات ديرتك أكثر منك ياحبيب ألبي ... واللي بيته من زجاج لا يرمي الناس بالحجار وأكيد انك تعرف المثل هذا ...وفااااهم قصدي زين ... وابغى أعقب عن نقطه في ردك الأخير هذا ... اقتباس:
أبغى أعرف كيف جبتها يا كونان ... ليكون شغال عامل نظافه في المدارس والمجمعات وانا ما ادري ...وبعدين شفتهم بحكم عملك هذا ...صح as) أو انك شغال سكيوريتي وانا ما ادري .... بس غريبه انت كويتي ...وش يجيبك تشتغل سكيوريتي في السعودية وانت تقدر تشتغل عندك في الكويت ... وبعدين تقولي ...شكثر ...كأنك عادهم ...أنا قلت لك ما نطلع ونروح نجيب من بعيد ... جيب لي بنت في هذا المنتدى تقول انها مظلومه ... ومظلومه يا حبيبي مو يعني طايشه ... أنا أسألك أقولك جيب لي بنت سعوديه تقول انها مظلومه ... وتقول شوف البلاوي عندكم في المدارس والمجمعات ...تنااااقض عجيب ...الظاهر انك تعاني من مشكله نفسيه ...أعرف دكتور نفساني في الكويت جيّد لو تبغاني ادلك عليه مافيه مشاكل ... as) أخي الحبيب ...انا في باديء الأمر ...عطيتك وجه زياده عن اللزوم... وتكلمت عن السعودية فقط ..وتكلمت عن بنات السعودية ... لأني أعرفهم زين ... وما أرضى واحد مدري من وين جاااااي .... يطلق مثل هذه الاتهامات بالظلم والكبت وغيرها من الاتهااااماات العلمانيه القذره ... لكن الآن لو تكلمت عن الكويت ...تدري انك انت الخسران as) تدري انك بتكون جبتها لنفسك ...وهي بعيد ... يا كويتي ... ولو بتكلم ما بتكلم عن البنات فقط ...لا بتكلم عن الشباب أيضاً ... لكن أخلاقي ما تسمح ...وما راح اتكلم كثير .... وردك هذا الأخير ذكرني بقصه ....as) يوم كنت طفل صغير في السن ...عندما كان عمري لا يتعدى الـ5 سنين .... كانت تحدث دائما نقاشات حاده بيني وبين أخي الذي يكبرني سناً ... فعندما أحس بأنني اتعرض للهزيمه ألجأ للصراخ ورفع الصوت عالياً ...... تعرف ليه يا كويتي ... عشاني احسست بالهزيمه وعشان اعطيه احساس اني هزمته ...وعشان ما ما أسمع كلامه ... واصيح بأعلى الصوت إلى أن اخرج من الغرفه التي كنا نتناقش فيها ... عشان اخرج منها سلام سلام .... وهذه القصه التي حصلت لي في الصغر ...تنطبق عليك وعلى ردك البايخ هذا... وردك هذا يوحي بالخساره ...لأسباب عده ... منها ...أنك تكرر ردك هذا كل شويه ...ما عندك غيره ... منها ...تقول ابغى المقابله وجه لوجه ....وهذا احنا هنا ايش ..ظهر لظهر !!! منها ...أنك لم تجيب على تساؤلاتي في الرد الذي يسبق ردك هذا ...وكشفت لي انك خائف ... ومنها ... أنك لا تريد التناقش أمام الجميع في المنتدى هنا ...وتريد النقاش على المسنجر as) ليه ياخي ما تتكلم هنا ...خلك أسد لا يهزك ريح ...ولا تخاف ان كنت صادق ...ان كنت صادق ..واكررها ان كنت صادق as) وبعدين تتكلم معي وانت واثق ....وكأن ما عندكم أي خلل ... حبيبي لا تقول سعوديات وما سعوديات في المجمعات وما ادري كيف ... شوف الخلل اللي عندكم أول بعدين تكلم as) وشوف الخلل اللي عندكم كان نتيجة ...اطلاق سراح البنت والحريه الزايده عن اللزوم والتفكير العلماني .... وتركها تمشي زي ما تبغى ...بدون حجاب ولا محرم ولا هم يحزنون ... على كل حال ما أخش كثير في النقطه هذي ...لأني لو دخلت فيها راح تخسر أنت ... على كل حال أخي الحبيب ... لا أزال في انتظار اجااااابتك على ردي الذي يعلو ردك هذا ... وأتمنى عدم التهرب في المرات المقبله ... وأتمنى ان تستمر في النقاش هنااااا امام الجميع لأني ما أحب المسنجر على كل حال as) وإذا ما تقدر ...فـ اعلن خسارتك امام الجميع ...وقول أنا خسران ... هذا علمنا وعفاكم as) ... والسلام عليكم ... |
||
|
|
|
04-13-2005, 03:20 PM
|
#13 | |
|
مشاركة: التفرقة بين الأولاد و البنات في دول الخليج
اخوي محمد
من كلامك بيان انك قاعد تستهزئ فيني و انا ما اقدر ارد على اللي يسون فيني جذي لان مستوى ما يسمحلي و لا عزه نفسي تسمحلي و لا تحسب اني اتهرب من اني اجاوب على اسالتك و هذا كل اللي اقدر اقوله لك لاني مو انا كونان و لا قاعدين بقمة عربيه الله عاد على هالقمة الحلوه اللي لاتهش ولاتنش و افهمها |
|
|
[img][img][IMG]
[/IMG][/img][/img][img][img] [/img][/img]
|
|
04-13-2005, 06:13 PM
|
#14 | |
|
مشاركة: التفرقة بين الأولاد و البنات في دول الخليج
هلاااااااا وغلااا حبيب ألبي كويتي ...
أحلى يا لاتهش ولا تنش ...وكيف الجو عندكم يهش وينش ...as) شفت انك ما تقدر ترد على ردودي اللي قبل ردك هذا واللي قبله ... على كل حال ...هذي حجة الجاهل ... ((( مستوى ما يسمحلي ولا عزه نفسي ))) <<== ليتك تتعلم الإملاء والكتابة ... تصدق إنك أعطيتني إثبات إنه ما عندك سالفه ... الحين لي ردين فوق عليك .... وللأسف ما رديت عليها لحد الآن ... وهذا يدل على انك ما تعرف آصول الحوار ....والمصيبه كل ردودك لا تودي ولا تجيب ... (( زي قلتها )) ومالها أي أهداااف ... ولا على قولة أهل سوريا .... (( تيتي تيتي ...مثل ما رحتي مثل ما جيتي as) )) وانا لا استهزيء ولا هم يحزنون ...لكن انت تشوف كلامي من منظور سلبي ...وهذا دليل على انك إنسان سلبي للغاية as) وزي ما قلت لك ...فيه دكتور نفسي في الكويت أعرفه ...لو تبغاني أدلك عليه ...مافيه أي مشاكل ..واعتبرها خدمه من أخ لأخوه العزيز ... واحنا حاظرين للطيبين في أي وقت ...as) ايوه صح .... تذكرت حاجه ... لا تنسى تتأكد من لون جوازات البنات اللي شفتهم في الخارج يا حبيب قلبي as) يعني تأكد من اللون .... أخضر .... ولا أزرق ...وأأكد لك أزرق ... بعدين الله لا يهينك ...إذا ماعاد تقدر ترد ...قول انك خسران ... أو بالأصح .... نقااااااااش منت قده وكلام منت قده ....لا تخش فيه .... وشيء ما تفقه عنه شيء ... لا تقعد تتفلسف فيه ... وليتك تتفلسف وتكلم في الخلل اللي عندك اول شيء ... وحاول تصلح الخلل هذا ... بعدين تفلسف في اللي عندنا ...وانا بتفلسف معاك ...هههههههههههههههههه as) وارفع الراية البيضاء ... عشان يشوفونك المظلومات اللي تقول عليهم as) الحمدلله على العافيه بس ... سلملم ... |
|
|
|
|
04-13-2005, 06:54 PM
|
#15 | |
|
مشاركة: التفرقة بين الأولاد و البنات في دول الخليج
كويتي
محمد انا اسفه على طرح الموضوع هذا وشفت انه راح يوصل لمواصيل كثيره على العموم انا رأي من راي كويتي محمد اسأل مجربه .............. |
|
|
سأعيش بزورق الشعر مجدافه
وسأحيا به من المهد الى اللحد سأكتبه وأقرأه تبعا لأسلافه وأبحر به وصولا إلى المجد
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| لماذا يصاب الأولاد بالتوحد أكثر من البنات ؟ | الرهيب معكم | التربية الخاصة | 2 | 06-08-2010 11:13 PM |
| الفرق بين كلام البنات وكلام الأولاد | saudi eagle | المواضيع المكررة | 1 | 12-29-2009 05:58 PM |
| فضائح البنات على قناة نجوم الخليج | الغراني | الإتصالات والفضائيات | 24 | 09-01-2009 02:18 PM |
| التفرقة بين الأبناء تقتل الأخوة | سيّد الكواسر | مواضيع الحوار والنقاش | 0 | 10-18-2006 04:50 AM |
| افضل شىء عند الأولاد وافضل شىء عند البنات | عزوزي | وسع صدرك | 7 | 11-01-2005 09:56 AM |
العرض العادي
