((( قالوا إنك عشقت الخيل .. والخيل خود )))

الولع شين .. ياراع الولع لاتكود
روحك اللّي تقود المجد 000ويقودها

ماتخيّرت .. حب الخيل .. ورث الجدود
حيّ ورثٍ يرد النفس000 لجدودهـا
ماتقل قلبك العليا عليها ورود
وماتقل عقبك البيضى على حدودها

قالوا إنك عشقت الخيل والخيل خود
عشقها يستبيح الروح 000ويكودهـا


مهرتك في تعجرفها تحدى الحسود
لوله ألفين عين ٍ ماحوى000 زودهـا

لو يفرّق حـــلاها للغواني 000 يزود
يرهي الما .. على كل الدلي جودهـا

فلوة الشمس ترفه .. وين عنها الصدود
حي ماها ومجناها .. ومولودهــا

سرجها الريح ويديها سراديب نود
ونار قرم معارفها من000 وقودهـا

وخصرها للغواني مثل خصر العنود
وجيدها جيد جادل .. ليّن عودهـا

سيندريلا العوادي .. مالها بالوجود
كفو .. إلا أنت سيدها ومحسودهـا

كنها من غلاها بالمحاني ترود
تصطفق ضلوعٍ .. تبرق رعودهـا

كن عينك لها سِيدَه .. ورموشك حشود
لا انثنت شفت قلبك زمّ 000بعضودهـا

منوة اللّي يبي طرد السهل والنفود
فارس ٍ تحتميه الناس ويذودهـــا

ركضها .. واذكر الله .. ركض ((( ريم ٍ ))) شرود
مخطر ٍ من حوافرها .. على خدودهــا

كنها تدري إنك في هواها ورود
فلوةٍ تقل طفله .. حلو جحودهــا

اذكر الله عليها عن عيون الحسود
من حدود البياض .. لمنتهى سودهـا

مما راق لي وأرجو ان تنال استحسانكم

حروفك عندما تصافـح شرفـات البـوح ...
تتـسـاقـط ابــداعـا وشــهــدا..
وتتغنى السطور كشدو عصافير ..
دمت بحب وسعاده ..



لكـ خالص احترامي

عمري ولا احد قدي

تشرفت بمرورك الغالي الله يعطيك العافية

عــذبــة الـــروح... تشرفت بمرورك الغالي الله يعطيك العافية