يغني الفقر

قصيدة كتبتها وهي قديمة بعض الشيء ولأني من هواة القديم أحببت نقلها لكم.


خسارة راح وقت البيجر اللي كان كالجـوال


حسافة يازمان ٍ مادرينا كيف نهنا به



شريته يوم يشرونه بغالي المـال والأقـوال


خمس اسنين في راحـة وعقبـه مافرحنابـه


وحن في عصرنا الحالي مع موبايلي وزجوال


تخابر مرة (سدني) ومـرة صـوب عنابـه


ونا واثق مع بكرة يجينـا موضـة واهـوال


تكرّهنـا فـي الجـوال يـوم انّابلشنـابـه


تطور عالمي مهلك وياكـم يهلـك الأمـوال


وياكم من نفوس معدمة ينصب لها أطنابه


حليل المعدم اللي منقهر في جملـة الأحـوال


يغني الفقر يـوم الفقـر فـي بيتـه تغنابـه

أبو الجوري ..
تناغم رائع وجدته بالقصيدة وأنت للروائع متواجد أكيد ..
صح لسانك وفالك البيرق ..
خالص تقديري ..

خشعني عنكم


بيض الله وجهك ورفع مقدارك
قصيدة جميله ذات معاني رائعه
لا عدمناك يا الغالي وتقبل خالص تحياتي.

ابو جوري

انت دائم تتحفنا بقصائد في قمة الروعه

صح لسانك و لا عدمنا هذا الابداع اخووي

صح لسانك ويعطيك العافيه

بيض الله وجهك ما قصرت يا خشع العدو هههههه

دائما مبدع وتقدم الجديد بروعة فائفة والقديم

بشموخك المعتاد وقصيدك الإبداعي

اشكرك من الاعماق أيها الراقي ..

تقبل فائق الاحترام ...