{{{{ يا إبن الأجواد }}}}

يا ماخذ الدنيا على ما يجود بـه المجـال =
ترى بيوت الشعر ماهيب طوب فوق طوب =
ولاّ كلام مـا يفيـدك ولا غيـرك يفيـد =
وإن كنت رجّالٍ تقول القصائد في دمـار=
فاليوم دربك يا إبن الأجواد ما هو دربنـا =

صح لسانك يابو عزيز

واستلم

يابن عزيز أرفق بروحك وخل الهم جال=
العلم بين والقصايد من الراس القطوب=
اللي قبل ما هو يوفي على لسانه يفي إيد=
إن كنت أميرٍ صدق لا ترسل إلا في إيد أمار=
والبازل الاول يهادر ولا هودر بنا=

ياقايد الطابور جنب يمين وفي المجال

هذا زمانٍ مختلف ما نقطب له قطوب
خل الإفادة يازميلي وغيرك هو يفيد
بيدك سيوف الهند واشوفها أنا في دمار...(يد مار)
والمح بعير البدو من هدرته هودربنا




مع احترامي لك يا أبو عابد فردك وافي وكافي.... ولكن من باب المشاركة فقط أردت أن أرد هذا الرد المتواضع.

أبو عابد أنت أمير الأمراء وشاعر الشعراء وحكيم الحكماء فشكرا لك وعساك تسلم ولك مني أرقى التحايا على هذا الرد الجميل فعلاً 0

أبو محمد سلمت ودمت وأنت تمون على القصائد كلها وأشكرك على الرد الذي يدل على طيبة قلبك ودماثه أخلاقك وفالك الطيب 0

غرمان صح لسانكـ الجزالة واضحه .. والله يقاكـ .

ولا يهون ابوعابد والحمراني .. ردودهم وافيه .

أبو سعيد الله يحييك والله يسلمك وصح بدنك وشكرا لك على المرور الغالي ياغالي :-

غبني على بيت الشعر والبداوه والحلال=
في ديرة خضراء وتزها سماها بالنصوب=
لكن مالي غير دعوات أكررها وأعيد=
يالله تزيّن بختنا يوم هذا البخت صار=
وأطلبك يالله لا تحطّ الهماج بشربنا=

غرمان بن عزيز :: صح لسانك يا لبتار الله يعطيك العافيه

مرعي الحمراني :أبو عابد:: الله يعطيكم الصحه والعافيه نعم الشعراء

الشاعر الكبير غرمان بن عزيز
أنت تجبر المشاهد ان يعود لموضوعك ألف مرة وشكلك بترجعني للمحاورات وانا قد تبت منها


استلم


اميز المعنى واميز حرامه والحلال
ملزوم انا اديره واحلل صحيحه والنصوب
يا ويل من طاوع بليسه ويبشر بالوعيد
هات القضية يازميلي وعجّل باختصار
وانا معاكم يابطل واقف وابشر بنا

ابو عابد مع احترامي الشديد لشخصكم الكريم
اسمح لي اتفاهم مع الثنائي المرح
الاخ غرمان والاخ مرعي هذي لكما كليكما وترى اغلب الرمي فشاش
القاكما بخير

زلزالنا يثنين هز المنازل والحلال=
والمرت لا صابت هدفها ولاعادت تصوب=
اعيادنا عيدين واليوم هذا يوم عيد=
عيد الضحيه والفطر لي وعيد الانتصار=
وعلى السواني شربكم مايعادل شربنا=

الله يعطيكم العافيه كلكم وأستلم البدع يالقادري والله يقدرنا على رد الجميل 0



يقول حاتم يا أهل الجود ما بحيت مال
ويقول راعي المزرعه ما بعد صفى حبوب
وأنا حلفت يمين ما أشيل ضغنات وكيد
أشيّخ اللي يقبل العذر ما شيّخت بار
ما قلت يا قائد سفينة سلام أبحر بنا

صدق فيك مرعي الحمراني ماشأ الله عليك يابو محمد نفسك طويل وتجيد الغوص

وش نسوي نحاول نجاريك والله المعين

اركي لحمل الجور واشيل انا بيّ احتمال=
الحمد لله لابخيلٍ و لا صفاح بوب=
امشي خطى الواثق مليكٍ ولي علمٍ وكيد=
على سلوم البر شبيت ون شيخت بار=
نقوى على حرب الشبانه وتقوىحربنا=

ماشاء الله مبدعين وممتعين
ووالله شهادتي في الشاعر الكبير غرمان بن عزيزمجروحة
فهو أستاذ لنا ومنه استفدنا الشيء الكثير من خلق وتواضع وأدب وشعر
فأتمنى له ولك يا أديبنا وكاتبنا الكبيرالقادري وللجميع دوام السعادةوالتوفيق.

القادري + مرعي الحمراني 0
ألف شكر لكما على التفاعل وأشكركما على ما تكتبونه عن قصائدي المتواضعه ولكما مني أرق وأحلى التحايا وهذه القصيده مجرد شكر لكما والقادم أحلى :-

عساك تسلم وأنت رجّال من أعز الرجـال=
وأكيد مرعي له مكانه وهو شخص محبوب =
أثنينكم شعّـار وأسلوبكـم فـنّ القصيـد=
وأنا بعدكم ما أتعدى على النـاس الكبـار=
وأنتم ملوك الشعر وإن قالوا الشاعر بنـا =

هذا من طيبك يابو عزيز ولا يقضى الجميل الا بجميل

ومع هذا الرد المتواضع

من عز نفسه يبن عمي يعز من الرجـال =
بينه وبين الشر غلق صروف والحى بوب =
يربى على لمداح وخذ المراجل له رصيد =
البر يجزى بر والخصم عود فيـك بـار =
والعين بين الرمش محبوس والحاجب بنا =

صحت السنتكم
وبيض الله وجيهكم