قسوة محبين

قــــــــســوة محــبــيـن

[ عن صمت بعض احلامنا ما بقى كود = حفنة وعود سلبها من عطاها
تهيم بوجيه المعاذير وتسود = ويحوفها وجه الصخب وايحماها
تضيق ضحكات ومواعيد وحدود = وتشح يمنى جودنا من شقاها
ناس تعيش احلامها يسر وسهود = وناس تجود بدمعها من عناها
والضيقه اللي وجدها حلم محدود = يردها عن غيبها مبتغاها
واللي على قسوة محبينه يجود = لا تاخذه دنيا الغرور ومداها
اقولها وانا لي سنين محسود = في ضحكة يبكي لها من قراها
سنين وانا اجاهد الوقت ازود = من حرقة ايامي ولوعة هواها
والجادل اللي فجت الصدر بركود = وتربعت وسط الخفوق وحماها
حطت لها وسطه بساتين وورود = وسالت من اطراف الوريد بشذاها
ترتع بصدري مثل ما يرتع الذود = في ديرة يشفق لها من مشاها
لعيونها غنيت والوصل محمود = لين كبرت بعيونهم من رضاها
ولو شح يدين الرضا عن هل الجود = ما شحت يدين الكريم بعطاها
ولو طارت احلام وغدا للشقا فود = لانذر لها شمس الوصال وفضاها
وارجع واقول احلامنا مابها زود = عن ضيقة سنين الغياب وجفاها
ومن صمت بعض احلامنا ما بقى كود = حفنة وعود سلبها من عطاها

الأخ الشاعر / سهيل الغامدي . الله يعطيك العافيه على هذه الأبيات الجميله بجمال صاحبها وتقبل مني تحياتي وسجل إعجابي ولك الشكر 0

الأخ غرمان بن عزيز
شرفني حضورك ومرورك الكريم تسلم تسلم لا خلا ولا عدم يامشرفنا العزيز

تقبل خالص مودتي

سهيل
ليس للابداع حدود

جميل ان نجد مثل تلك رغم مافيها إلا أنها تُنعش
لاخلا ولا عدم يالغالي ودمت بكل سعاااده

رعاااك الله ولك الاحترام

اخووك

صح لسانك اخوى سهيل رائع كما تعودنا منك

الله يعطيك العافيه