الشهري يتغنى بروضة خريم من أمريكا

"الشهري" تغنى بأبيات شعرية جميلة يشتاق فيها لوجوده بهذا المكان
مناظر "الروضة" بـ"سبق" تحرك القريحة الشعرية لمبتعث بأمريكا

يشار إلى أن "سبق" نشرت قبل يومين، موضوعاً بالصور
عـن " روضة خريم " وهي تكتسي بثوبها الربيعي.

سبق - الرياض:-
حرك موضوع نشر بالصور على "سبق"، لروضة خريم، وارتوائها بالأمطار واكتسائها بالخضرة، القريحة الشعرية لأحد الطلاب السعوديين لدراسة الدكتوراه إلى أمريكا، ليتغنى بأبيات شعرية جميلة، يشتاق فيها لوجوده في هذا المكان، حيث تغنى الطالب مبارك بن مشيط الشهري بالمناظر الجميلة فقال:-

ياللي كشتوا روضة الخفس وخريم
روفوا بقلب(ن) مغترب عن مرابيه

روفوا بقلب(ن) يشتكي البعد والضيم
وزادت صور سبق الصحيفة بلاويه

البر زان وجوكم جو تخييم
واحنا بجو(ن) مشقي اللي مصاليه

برد(ن) يحطم قاسي العظم تحطيم
وأنتوا بجو(ن) كل ما فيه نرجيه

شفت الفياض وشفت ذود المجاهيم
ترتع بعشب(ن) جل من هو مسويه

ريح النفل لا فاح مع ديمة الغيم
يبري عمس قلب(ن) شكى فقد غاليه

وضو(ن) سناها فوق رؤوس المعازيم
نفسي لها تشتاق وتقول لبيه

لبيه يا دار بها أموت وأهيم
دار الوفا والطيب ما نيب ناسيه

وجدي عليها وجد من تاه ويهيم
في قفرة (ن) والمزودة ما تكفيه

وشاف السراب وكب ما حاز ليديم
ويوم(ن) لفاه يوم ما عاد يغنيه

تهناكم الكشتات والروض والديم
وعسى نجيها والمراويح تسقيه
----------------------------

وجدي عليها وجد من تاه ويهيم
في قفرة (ن) والمزودة ما تكفيه

/
\
الله قصيده جميله جداً
وهذا حال الغربه وماتسوي
إلا مايشتاق الواحد لأرض الحرمين
لو كان في أجمل أرض ..

شكراً على النقل الجميل

أبو مانع

لاشكر على واجب :: والله يرد كل غائب لأحبابه :: بارك الله فيك

الف شكر الله يعطيك العافية

شفت الفياض وشفت ذود المجاهيم
ترتع بعشب(ن) جل من هو مسويه

ريح النفل لا فاح مع ديمة الغيم
يبري عمس قلب(ن) شكى فقد غاليه

وضو(ن) سناها فوق رؤوس المعازيم
نفسي لها تشتاق وتقول لبيه

لبيه يا دار بها أموت وأهيم
دار الوفا والطيب ما نيب ناسيه

وجدي عليها وجد من تاه ويهيم
في قفرة (ن) والمزودة ما تكفيه

وشاف السراب وكب ما حاز ليديم
ويوم(ن) لفاه يوم ما عاد يغنيه

تهناكم الكشتات والروض والديم
وعسى نجيها والمراويح تسقيه

بن ظافر

لاشكر على واجب :: والله يعافيك