ذكريات الماضي

ذكـرتنـــي بــالــماضـــي الــلــــــــي راح=وذكـريــاتٍ مـــضـت مانـي بــناســـيــهــــا
هــيـجـت الــلـي فــالــحــشــا مـــدفـــــون=عـــبـر الـــوســـايـط جـتــــنـي رسـايـلـهــا
وذكـــرتـنـي يـا صــاح صــــحــبة الأقـــران=نسهــرفي الـقـرية ونــتمـشى فـي ضواحيها
وذكـــــرتــني بـالمــدرسـة يــوم كـنـــا صـغـار=نـــجي بالشهادةلــلـشاـيب ويبصم عـــليهــا
ولا نــــسـيـت أولاد الـــــجماعة كـنـنا اخوان=كــــنّــا نــروح للبيــر ونطـّــــهـر فــيـــــهـــــا
وذكــرتـنـي بـــــحــب الــجــلـي والــجــرصـــان=والــحـرمــه اللـــي تعــيـي نـكـثـر الـسب فـيـهـا
ولا نـسـيت الـوقـف في الـمـسجد عشية الصوم=يعطينا المطوع شوي والباقي يرسل الولد فيها
وذكــــرتـنـي بالمجسم اذا صار عزير ونوبه =يعطينا الكراع,واللحمة يفرّح المره فيهــــا
وذكـــرتــنـي بالعــسـل والنحــل والمقرى=ســــدر ومـجْــره والـنــحّـال يــجـليـهـــا
وذكــرتـنـي صـباح يوم العيد والعـيـديـن=نلبس من البفت والمبرم والحذيان كودٍ نلاقيها
ولانسيت تشهيفة البن مع دقة المهراس=وقهوة الفجر اللـي الشايب يـســويــهـــا
وذكــّرتني بالــدلــة وصـوت الفـناجـيـــل=مــع التمرنقدمها للضيف ونكرمه فيها
ولا نـسـيت المجْدم والطبق وخبزة المله =اللي من البر معجونه,وتحت النّار نصليها
وذكــرتـنـي بالـرحا والمحْطبه وشـبّة الكـانـون =وامي تسوي القرص على المسّهاوعيونّا فيها
ولا نـسيت الصّـحْفة اللـي عـودها مدهــون=نســوي العـيـش للضيفان ونحوَّله فـيهـا
وذكـــرتـــنـي بالتـُّورة والـيحـل والـكـودر=فـيه اللـحم يطـبخ ويـا مطرى المرق فيهـا
وذكـرتـنـي بـالـعـنـب والـتيـن والـبرشوم=الى طعمته قلت الله لذيك الأرض يسقيهــا
وذكـرتني يوم كنت أنا وخوي نخطـر السُّوق=نبيع ونشتري أغراض يوصِّي الشايب عليهـا
ولا نـــسيــت يــوم انـــي صــغيــر السّــــن=يـــرسلنـي الـشـايـب لـلشـغـْلة وأسـد فيهــا
وذكــرتــنــي يـــوم كــنـت أنـزل الــبـيــــر=أشـغــّل الماطـور والحبال متسلــق ٍفيــهــا
وذكــــــرتـــــنـــي بالســـرحــة مـع الرعيان=يـــوصِّـيــني الشـايب الغـنم لا تضــــيـعــها
وذكـــرتــنـي بـصـيـد الفـرفــر داخـل الـبيــر=نستعمل الفانوس وبفرشة المسجد نغطيهـا
ومــا نــسيــت الــزمــام والــثـقـل والـغـرْب=الــلـــي الـــمـــا يـجـيـــبـه مــن نـثـايـلـهـــا
وما نسيــت الـبـنـت الـلي على راسها منديل=وشيـلـة القـربـه والمـشية تـزيـــد الحلا فيها
وذكــرتــنــي يــوم كــنـّا عصـبة مــع آل فلان=الثور مع ثورهم والمدمسة نسوي الارض فيها
وذكــرتــنــي بـجـمـعـة أمــي مـــع الــنســوان=جـيــــرانـــهـا وخالـتـــي جـات تــسلـيــهــــا
وذكـــرتــنــي بالــعــرضــــه ودقــــة الزيـــر=أيـضا الـــمزيـف وراعـــي الـبنـدق يباريها
ولا نـسيـت الغـمــيلة وكُبْر الــزغــاديــب=تـوضـع على النـار ثــم تـفـرَك الـيد فيها
وذكـرتـني بالـمـرتـمـه وتـحتـها حبّ للطير=تصيد الحــمـام ونـاخـذ فريستها ونشويها
وذكــرتــنـي يوم كان مــعـنا مريمة ومفقاع=نـحـمي بها الزرع من الطـّيرونخوفه فيها
وذكــرتـنـي بالـمـقـرنـه وكيف نعقد اللومه=يوم أكثـر الناس يـجـهــل كــيف يثنيـهــا
ولا نــسيـت الـفاروع والمسحاة والشرفاء=نصلــح بـها المزرعـة ونقـّـب مـزاويـهـا
ولا نــسيـت الـفـاقـوش والـفـاس والمنشار=تقــطـع الطــلح ونـشـذب للجــمــل فـيهــا
وذكـــرتـنـي يـوم كـــان مــعنــا عــطــيـف=تحـميـنا من الذيــب ونــخــوفــه فــيـــهــا
وذكــرتــنــي يــوم كــان مــعنــا مـــحــشّ=نـــستـعـمـله لـلعشــب والأرض يخلــيـهـا
وذكــرتــنـي بالـمحـــفـرة والــزنــابـيـــــل=يــوم كــنـّا نـاخـذ الخــلا والــضدح فـيهـا
ولا نـسيـت الشبـنه والسحب وغمامة الثور=والمظلـّة على راس المره من الشمس تحميها
ولا نـسـيت المخـْيطة ولـشْـفا ومسلـّة الثــوب=أيضا القتب والقدّوم والــيــازل يــخاويــهـــا
وذكـــرتــنـي بالـدَّويــس بثـور ٍوثـوريـــن=أيضا الحمار يجر الحجر ومشاركٍ فيهــا
وذكـــرتــنـي يـوم كــانـت القرية أمن وامان=يوم كانــت الــضــان تـرعــى معــافيــهـا...
وذكــرتــنــي يــوم كـان مــعنـــا جـمـــل=علـى ظهـره الشقـدف والحجارة يودِّيهـا
وذكـــرتـنـي يـــوم كـــان مــعنــا ثــــور=يــسـوق عـالـبـيـر والـزرع نسقــيـهــا
وذكــرتــنــي يـوم كـــان مــعــنــا بــــس=يـقـضي عـلى الـفيران ويـكفـيـنا بلاويها
وذكـــرتــنـي يــوم كــان مــعـنـا كـلـــب=يــرعى الغــنم مــعنــا ويحـمي تواليها
ومــا نــسيـت الثــعــلب الخـادع المـكـّار=أكــل الـدجـاج والـقـتـرة نـشـب فـيـهــا
وذكـــرتــنــي بغــدِر الـلـيـالـي ولــيـّام=فــلا تــامـن الدنـيـا أحـذر يــا مـداريها
يــا خــوي تــرانــي بـقــايــا انــســـان=وصـفحـة الـماضي أرجــوك تـطـويهــا

الله الله
في قمة الروعة والإبداع
أبدعت وأجدت يارافع الشيخي
فقد عايشتنا الماضي بكل ما فيه من معاني عظيمه
أذهلتني بما طرحته من مشاعر صادقه لتلك الايام
فجمعت ما بين التميز في تنسيق القصيدة وبما استذكرته من كلمات وعبارات
جمعت ما بين سرد قصه وقصيدة في آن واحد
أمتعتني حتى تمنيت بأنها لن تنتهي من جمال محتواها
فلا تحرمنا من مثلها في الايام القادمه
تحياتي وتقديري

قصيدة ممتعة يا رافع الشيخي ..
عيشتنا الحدث بتفاصيله من خلال روعة الوصف بهذه القصيدة ..
صح لسانك وطاب حالك على كل حال ..
تقديري لك ..

قصيدة اقرب ما تكون الى قصة وخاطرة ...

اجدت هنا الشرح والتعبير بدون الاهتمام بالقافية والوزن ...

صح لسانك ووننتظر منك القادم والجميل ...

كل الود

بارك الله فيك الله يعطيك العافية

وذكرتنـي يــوم كــان معـنـا كـلـب

يرعـى الغنـم معنـا ويحـمـي تواليـهـا

ومـا نسيـت الثعلـب الـخـادع المـكّـار

أكـل الدجـاج والقـتـرة نـشـب فيـهـا

وذكرتـنـي بـغـدِر الليـالـي ولـيّــام

فـلا تامـن الدنيـا أحـذر يـا مداريـهـا

يــا خــوي تـرانـي بقـايـا انـسـان

وصفحـة الماضـي أرجــوك تطويـهـا

احسنت اخي .. واشكرك لسكب شعورك ..

ولكن القافيه والوزن يبغالها تشخيص

تحياااتي