::اكتب اي شيء عن الوطن بمناسبة اليوم الوطني::

.

.

في هذه المساحة يحق لك تطرح اي شيء

للوطن بمناسبة اليوم الوطني..


اي شيء يخطر على بالك


شعر


نثر


صور


...........................الخ



وسلامتكم

بكل صراحة نفخر بك يا وطن ونفخر أن كُنا سعوديين ..
أدامك الله يا وطن الخير وأدام لنا أهلك وحماك الله من كل شر ..
تقديري ..

احب اقول لكل اللي يفكرون باليوم الوطني بتفكير همجي :

ترى حب الوطن ماهو تطلعون ترقصون في الشوارع و تزعجون خلق الله ..

الوطن عندكم يعني رقص و تقفلون الشوارع !! عجبت لامركم ..

اللي يحب الوطن يسوي شي ينفعه مو يرقص و يأذي العالم .. اف كرهنا اليوم الوطني من هالحركات ..

يا وطن الله فينا يوم قنبعت حرب الحوثيين ما احتمى دونك الا عطران الشوارب

يا وطن رابطت و الى الحين و انا مرابط و كل فلوسك ترسلها صوب المغرب و اليمن

يا وطن يوم احتلوا جبل دخان الحوثيين و انا مرابط و تصرف فلوسك على اللاعبين

يا وطن ركز و شف من الي احتمى دونك و من الي كلا فلوسك

يا وطن افضالي عليك اكثر من الي قدمت لي
يا وطن يموت الواحد دون ارضك و يقطعون راتبه على عياله
يا وطن وش اقول و وش اخلي غير الله يكتب للامة الي فيه خير

أحبك يا وطن




دام عزك ياوطن

دام عزك يا وطن
ونسأل الله ان يحفظ بلادنا وولاة امرنا
ونساله ان يهدي شبابنا ولا يتكرر ما حدث الاعوام الماضية

الله يديم امنه وامانه وستره هو وحده المتفضل علينا

وينصر اخواننا المستضعفين في كل مكان المشردين بلا وطن

الله يعطيك العافيه
سلمت يداك

يا وطنا دام عزك شامخ والدين سيرة
مارضينا غير أرضك نسكن ونعشق ثراها


أنتمي لك والفخر لي شخص وارضه جزيرة
من يلوم اللي يحبك ام وتغلي ضناها


يالسعودي بس اسمك لا لمع في كل ديرة
والله انه تاج اكبر من على هامة سناها


شعب ودستور وأمه ترتوي من فيض خيره
لا عدمنا من حكمنا ولا نسينا من بناها


من شمالك لي جنوبك كل شبر فيه غيره
حاسدك ربي يعينه مادرى انه ما نساها


يحتمي بك رغم غيضه اه ياشين البصيره
وين ماترحل عيونه يرجع ويذكر سماها


كل حرف لا كتبته غير اسمك استشيره
وين يا كلي تمهل ارفق ولملم حلاها


ايه احبك يا بلادي دون شك ودون حيره
كل عرق لا نشدته قال ينبض من غلاها


يا فديتك بالمشاعر والا روحي لك ذخيره
ما تردينا من اول كيف لاجت في سواها


يحفظك رب كريم من صودايف عسيره
يا منار الحق للي ضاعت حقوقه لقاها


دام ابو متعب يقودك سيري دروبك يسيره
والمواطن في يمينه خط ما نبغى سواها


ايه احبك يا بلادي دون شك ودون حيره
كل عرق لا نشدته قال ينبض من غلاها


يا فديتك بالمشاعر والا روحي لك ذخيره
ما تردينا من اول كيف لاجت في سواها".