يا أجي أرضك . . وأترك فيها لي بصمة قدَم ،أو أصد وأكتب عليها : ( أرض مافيها صلاح ) !

ما يحس القلب في جرحك وهو كله جراح !
~

في وسط قلبي سفينه وفي سما حُبك سدَم ،
__________ تشتهي بحرك وتجري عكس شهوتها . . الرياح !

كن هذا الصبح بـ العتمه بليّاك ، إنردَم . .
__________ يا صباح الخير من غيرك بلا ( خير ) الصباح !

أثر ثلج فراقنا يلسَع وشوقك ، ما خِدَم ،
توّي أفهم :

شنهو تعني [ لسعة الثلج ] . .
لـ ( فلاح ) !

لا تحارب . . ما أبيك تعض إبهامك [ نِدَم ] ،
جيت لك :
قصدي إنتـ فاهم ،
شوووف . .
ما أحمل سلاح !

الزعل : غلطة حبايب قلب من قلب إنصِدَم . .
__________ والرضى ساكت ، وعزة نفس تتثاقل سماح !

ياحبيب الجرح . . شوف إحساس محبوبك ( عَدَم ) :
__________ ما يحس القلب في جرحك وهو كله جراح !

كان في وجهك بقى لك دمعتين ، وفيه دَم ؟
__________ هذي [ هُدنه ] نتّفق بـ شروط وننساه اللي راح . .

يا أجي أرضك . . وأترك فيها لي بصمة قدَم ،
__________ أو أصد وأكتب عليها : ( أرض مافيها صلاح ) !


يا أعيش بـ وسط قلبك ونبني كل شي إنهِدَم . .
__________ وإلا قدامك أموت وأوقف بـ وجه [ الرماح ] !

إعتبر نفسك معزّب . . و المشاعر لك : خَدَم ،
__________ وإنت كيفك دام قلبي ( أرض منزوعة سلاح ) !


وإنت كيفك دام قلبي ( أرض منزوعة سلاح ) !
وإنت كيفك دام قلبي ( أرض منزوعة سلاح ) !
وإنت كيفك دام قلبي ( أرض منزوعة سلاح ) !

إختيار رااقي
وكما عودتنا مشاعرك على طرح كل جميل
جمل الله حاااالك ولاعدمناااااااك

توليب

ازف ارق التهاني لنفسي اولا ولمنتديات بني عمرو

عامه بأنها تضم قلم مثل قلم المبدعه دائما توليب

ذات المشاعر الجياشه والأحاسيس المرهفه

تلك توليب من استولت ع القلوب برقة

اختيارها وبراءة اسلوبها بحق

انتي مبدعه . تحياتي .

ابيات بطـلة ..

تقبـل مروري(: