عذب وصلك

هجرك خطأ والشوق يكوي داخل أعماقي كوي=ويحرك احساس المشاعر والفؤاد يحركه
طال الجفاء والصد يطوي صاحبك بعدك طوي=يا حيلة الله في حياة الشوق وش هالشربكة
احساس مرهف مالقى له غير قلبك يحتوي=ذاق الشقا ذاق العناء وشلون شفه يدركه
متى على الله داخلي من عذب وصلك يرتوي=يا غالي حبه بقلبي باني له مملكة
أنا أحسب اني عند صكات الزمن قلبي قوي=لين اكتشفت القلب من فرقاك صابه فكفكة
وأنا أحسب ان العقل يا ريم الفلا باقي سوي=لين اختبط من قوو هجرك ما قدرت افبركه
غيرك حشا لله ما فكرت أدور لي خوي=بالله لا تقسى على قلب بحبك تملكه
ترضالي أعيش الأسى والبعد يشويني شوي=وشلون من يرقب وصالك في عذابه تتركه
أنا أدري إن الوقت ما هو للحبايب مستوي=مهما صفا لا بد ما جسر الظروف يجمركه
لازم نساير وقتنا مهما نشوفه ملتوي=ونعيش بظروفه ولو طال احتدام المعركة

أنا أحسب اني عند صكات الزمن قلبي قـوي

لين اكتشفت القلب من فرقاك صابـه فكفكـة

صح لسانك يابو علي كلام جميل يعطيك العافية .

تسلم بارك الله فيك صح لسانك يا الغالي

غـيـرك حـشــا لله مـــا فـكــرت أدور لـــي خـــوي
بالله لا تـقـســى عــلــى قــلــب بـحــبــك تـمـلـكــه
ترضالي أعيـش الأسـى والبعـد يشوينـي شـوي
وشلـون مـن يرقـب وصالـك فـي عذابـه تتـركـه
أنـا أدري إن الوقـت مـا هـو للحبايـب مسـتـوي
مهمـا صفـا لا بـد مـا جسـر الظـروف يجمركـه
لازم نـسـايــر وقـتـنــا مـهـمــا نـشـوفــه مـلــتــوي
ونعـيـش بظـروفـه ولــو طــال احـتـدام المعـركـة

الله الله ياأبو علي
قصيده رائعه
اطربتني بهذه القافية الجميلة والسرد الرائع
شاعر متمكن
صح لسانك مليون

الله الله
ابيات فاتنه بإحساسك العذب
أمتعتنا كالعاده .. وأبدعت ياابو علي
صح لسانك ملايين ..

حس شجي ونبظ وفي ونتعاشة محبه صادقه .. مررت وتوقفت وامعنت ووجدت من صفوت الحب اعذبه.. حروف تنساب بشفافية تتسرب الى الاعماق وتسترسل بين حنايا الروح .. كلماتك رائعه وحروفك ساحرة وتعابيرك جميلة ولمشاعرك حضور بين سطورك ابدعت في رسم الكلمات امتعنا بالمزيد لكي نبلغ مدارات الحيآة ... فاهلا دائما برونق حرفك راق لي بوحك يستحق الفآيف ستآرز والتقيم وبنتظآرجديدك بكل شوق أحتــرآآمي