صباح أيّة صباح اللي يبيه الدكتور ابن ( زلفـه)

السلام عليكم ورحمة الله وبركاتــه


اعزائي اقدم إليكم هذه القصيدة الرائعه

صباح أيّة صباح اللي يبيه الدكتور ابن ( زلفـه) =صباح البار والسينمـا صبـاح الخمـر والسكـره
صباح الليل والرخصة صباح الحمـل والخِلفـه =صباح أُسكت ماهو شغلك صباح إبعد أنـا حُـره
صباح النهضة وبرجس وعيـد الحـب والعِفـه =صباح الـذل والمقهـى وفنجـان انكسـر سـره
صباح الدم لا منه نـزف نـزفً علـى نزفـه =صباح العهـر والدجـه وشيطـان اقتـرب شـره
صباح الخـط والسفـره وناخـذ شـارع اللفـه =ونسكافي على الماشـي حـلاه يكـون مـن بـره
صبـاح الإثـم يابنـتً عليهـا فالزمـن خفـه =صباحك بِكر يابذرة مـن النرجـس بـلا زهـره
صباح الزم وأنا اقطع لك.. صباح الواسطة غرفة =صباح الخمر والميسر وسحـرً فـي البحـر ثُـرة
صباح المُنتّج سعودي ونبقى في الغبـاء طرفـه =وسهـم طالـع الشاشـة وسهـمً طايـح العثـره
صباح الكذب والتلفيـق وجمهـورً أيـا سخفـه =يشاهـد لعبـة الأيـام وهـي للأسـف عُـمـره
صباح النفط يا شعـب العـراق وقنبلـة قصفـه =ووجـهً شاحـبً مانفعـه عـقـالاً ولا غـتـرة
صباح الظلم والمنقاش .. صليباً دونـه وخلفـه =ومجلـس امـن لا منـه مسـرّة بحـره وبــره
صباح الثورة في طهران وشيعـي رافـعً كفـه =يبي يملك عصا موسـى وهامانـه معـه جمـره
صباح الليل يمثقّـف صبـاح الطالـب وصفّـه =نيوتـن ضيّـع الـقـوة وانشتـايـن بــلا ذرة
صباح أصحي بليا عذر وباقي ذاك فـي سخفـه =ينادي في سقوط اسمي وليته جـاب لـي عـذره
علي أيه حال .. والاّ حال كتابي عارفـه رفّـه =حفظته داخـل ظلوعـي ولا نـي كاشفـه ستـره
ريالي في يميني واعرف المنقـود وش صنفـه =نطحتـه قبـل ينطحنـي ولا همـي بعـد غـدره
عسفت الشعر في فكري وشوّقنـي بعـد عزفـه =وصرنا نلقط الانفـاس وموجـي يصفـق بحـره
صباح الخير ياشعري صبـاح الشعـر أو نزفـه =ترى من قـرا هـذي غشيـم إن ماخـذا عبـره

لـلـشـاعــرة \\\/// رينــــــــــاد

ايو الله غشيم ان ما اخذ عبره..........

صح لسان الشاعره و صح لسان الناقل.............

سيف العرب لا تحرمنا من مختاراتك الرائعه .. الله يعطيك الف عافية..........

بيت القصيد

والله قصيدة قويه

صح الله لسان قايلتها

وسلمت يمينك يا ابن العم

فالك الطيب

بيت القصيد

الله يعافيك ويسلمك
اسعدني مرورك العذب
تقبل أصدق تحيـة

الغراني
يسلمك ربي يا غالي
اسعدني مرورك الكريم
تقبل اصدق تحيــــــة

مشكور سيف على هذه الرائعه وصح للسان الشاعره ريناد

وصح للسانك وسلمت على هذا الطرح الجميل...

تحياتي لك

الجفن
تشرفت بمرورك الكريم وتعليقك العذب
يعطيــــــك العافيـــــه
تقبلي أطيب تحيـــــــــــــه

صباح الخير يا شعري صباح الشعرأونزفه=ترى من قرا هذي غشيم ان ما خذا عبرة
شكرا لاختيارك الرائع
صح لسانك : الشاعرة ريناد

عايش بغربة
الشكر لك يا عزيزي على هذا المرور العذب
يعطيــــك العافيــــه يا غالـي
تقبل اصدق تــحــيــه