++ صـــور من المجتـمع ++

صباح الورد لعيونكم

جبت معاي شي عجبني وحبيت انقله لكم وشوفوا شلون

هذه كلمات مسروقه من دفتر طفل كتبها بعامية اللغه .. ودهشة السؤال ؟ !

^
^
^

::السبت::

فتحت عيوني .. أدور عن نور .. أمروني :
غمض وغمضت بعدها ما شفت
لا ابيض ولا اسود !

::الأحد::

كنت أسمعهم يقولون يا حمار يا حيوان يا ثور يا بقرة يا لوح يا جدار
فتوقعت اني في حديقة حيوانات ..
فتحت عيوني ابغى اشوف هالحيوانات قالوا لي" ما يصلح تشوف قلة أدب "..
سألتهم : طيب ..في عصفور؟؟
صرخوا في وجهي ..
.. انطم وغمض .. !!

::الاثنين::

سمحوا لي اشوف التلفزيون ...
كنت لحالي منسجم مع أفلام كرتون .. دخلت امي ..
وكان ابو عائلة ادمز (يبوس) أمهم ..
ركضت امي .. غيرت القناة ..
وصرخت بأعلى صوتها .. عيب عليك..قاعد تشوف قلة أدب .. !!
ناظرتها بكل براءه وانا متعجب من اللي صار طيب وش صار؟؟
أبوهم يبوس أمهم!! قالت لي وهي معصبه واااااااااااايد
(التبويس..قلة حياء!!) بعدها بأسبوع ..
شفت امي تسلم على ام الجيران و ( تبوووووسها ) ..
قلت لها وانا كلي أسى ..
" يا ماما .. التبويس قلة حياء .. !! "

::الثلاثاء::

كانوا بنات خالتي الصغار عندنا ..
وكنت الولد الوحيد اللي يلعب معهم ..
وأبوي بس يبحلق عيونه فيني وين ما رحت ووين ما جيت ..
بعد ما راحوا ..
ناداني أبوي وقال : عيب الواحد يجلس مع بنات .. قلة أدب .. !
بعدها بكم يوم ..
كان أبوي جالس مع عماتي ..
ناظرته بطرف عين ( وتبون الصدق حقدت عليه ) ..
وقلت له : اللي يجلس مع بنات ..
.. قليل أدب !! ..

::الأربعاء::

كنت اسمعهم يقولون (صدام قوي) .. وأعجبني .. بعد الأزمه..
قالوا (حرامي ومجرم) .. سألتهم كيف ؟؟
قالوا:"حرامي ومجرم وبس واسكت .. !
وكنت أسمعهم بعد يقولون (جيم كاري فاسد) ..
فكرهته على طول ..
وكانوا يشوفون أفلامه .. ويضحكووووووون
كنت أسألهم ليه تضحكون؟! ..
ما تقولون انه فاسد ..
قالوا ورا
ما تنطم بس !!!

::الخميس::

أبوي يقول التدخين حرام ..
واللي يدخن يدخل النار ..
وفي يوم شفت ابوي جالس مع صديقه أبو حمد ..
وأبو حمد ماسك السيجاره بيده ..
وقفت وسألت ابوي طيب اللي يجلس مع اللي يدخنون ..
يدخلون النار بعد !!!!

::الجمعة::

أسمعهم يقولون .. ان اللي يطول في مكالمته يغازل ..
واللي يروح للسوق يغازل ..
واللي يعرف انترنت يغازل ..
وامي تطول على التلفون وتروح للسوق وتطقطق على الكمبيوتر ..
رحت لأبوي وانا مصدوووووووووم
أبووووووووي الحق.......................
أمي تغازل..!!!..!!!..!!!


هذي صوره بسيطه من مجتمعنا للاسف الشديد




هل من الصواب ان لانعطي اطفالنا جزء من وقتنا لنجيبه عن تسأؤلاته ؟

ام ندع الطفل يكتشف بنفسه ؟

ام نتعامل مع فضوله باستهتار ؟

فأتمنى ان اسمع رأيكم

دمتم بود

منقول

اختك رموووله العسسسوله

يوووووووووووووووووووووووه

جاي طبلوني ..ادور على الصور ..<<< يحب الفضايح

ما لقيت بس برضوه كملت ...
ولقيت صور ...بس صور غير

صور عارية

لقيت الصور عرت المجتمع ..
وكشفت المستور ...واعطتنا صوره واضحه ..عن حال التربيه لدينا
وهذا حال كل ام ..واب ..في مجتمعنا ...فلا نستغرب ..عن ينمو الطفل ..
ويشب ..وهو يعاني من الاضطرابات الشخصية ..ومصاب بازدواجية الشخصية
شخصية مثاليه في المنزل ..وشخصية اخرى خارجه ...
شخصية مثالية عندما يتحدث ..
شخصية اخرى عندما تشاهد تصرفاته ...

من الخطا ان تتعامل مع الطفل بنظره قاصرة ...
او تعتقد انه لا يفهم ما يدور حوله ...

شخصية الطفل ..وبناء على الدراسات الحديثة تتشكل ما بين الثانية والسادسة من العمر
وبعد ذلك ...يبدأ تركيب الصور ..فقط ...انما القالب اصبح مكتمل تماما بعد السادسه
مرحلة السؤال ..هي مرحلة التطبيق الفعلي ..وتركيب الصور ..
فنخطي كثيرا عند تجاهل السوال ...او اعطاء اجابات مغلوطه..


يجب ان تتعامل مع الطفل كما تتعامل مع شخص راشد ..لانه في الواقع يستطيع فهمك
ويريد ان يحصل على الخبرة التي حصلت انت عليها ...
حتى اللغة ..يكتسبها منك ..
فيقع البعض في الخطأ عندما يستخدم لغة خاصة للأطفال الصغار ..لغة مكسره لا تمت للواقع بصلة
فيعتقد الطفل ان هذه هي اللغة ..ولا يفصح ويتكلم بشكل صحيح الا بعد ان يختلط مع غير اسرته
لانه يكتسب اللغة الحقيقية ...بدل اللغة التى عوده والديه عليها عندما يحدثونه ..وكلكم تلاحظون هذا
ونغصب كثيرا ...عندما لا يجيد طفلنا الحديث
انت لم تعلمه شي ...فلما تغصب ...هذا نتيجه تربيتك ..وعملك ..


اتمنى من كل شخص يفكر في انجاب طفل ...ان يقرأ على الاقل كتاب واحد ...
ليعرف كيف يتعامل مع طفله ...فهذا الكتب ...خلاصة تجارب ودراسات ..
ليس عيب ان يقرأ الشخص ..ولا يقلل ذلك ...منه ...
بل يمنحه فرصة افضل ...ويعطي نتائج لم يكن يتوقعها اصلا ..

شكرا لك ..رمووووله
على هذا النقل المتميز ..والموضوع الهادف .

اختي رملة مشكوووووووووووووووووووووووره على هذا الابداع
لكن هذي حقيقه والحل...........................
لا تعليق
الله يرحم والدي والديك ويعطيك الف عافيه