قصه حقيقيه 100%في الرياض

قصه حقيقيه 100%في الرياض


--------------------------------------------------------------------------------



بسم الله الرحمن الرحيم
_______________


كانت الامطار تهطل بغزاره .. طوال ايام .. متواصله .. تهطل كسيل عارم .. والعواصف تعبث فى كل شي .. رعد وبرق .. ترعب سكون ( الرياض ) .. كانت الواحده ليلا .. الكل فى بيته .. فالاجواء لاتساعد على الخروج ..
رنين الهاتف .. اخفاه صوت الرعد المدوى .. رنين متواصل .. يتلوه رنين ..
فاذا به يرفع السماعه بتثاقل ..

- نعم !! .. (قالها بتثاقل ) ..
واذا بصوت ناعم .. دافىء .. يشوه نعومتة .. رجفة غريبه .. وعبرة مكتومه ...

- الو .. مساء الخير .. ( قالتها فى خجل )

- هلا .. نعم .. مين معى ؟

- ااااااا .. لو تسمح ممكن اكلم فلان ؟ ( تقصده )

- من فلان هذا ؟ ... ( يريد ان يتأكد )

- فلان الفلانى ..مو هذا تليفونه !!...( و الدهشه واضحة على صوتها الناعم )

- ومن حضرتك ؟

- انا ساره .. امممممم.. ابيه ضرورى .. ضرورى مره ..

- انا فلان .. من ساره بعد ذي ؟ ..كل يوم جاينا اسم شكل ..

- انا ساره .. اللى كنت قبل كم اسبوع مع اريج .. صاحبتك .. لما واعدتها عند ايكيا .. ماتذكرنى ؟

- لا ماتذكر ..( وهو يتذكر جيدا فجمالها لاينسى ولكنه يتظاهر بالتجاهل ) ...

- الا حاول .. ارحوك .. ابيك ضرورى ..

- بصراحه ماتذكر ..المهم ..وش طلباتك ؟ .. اريج فيها شي ؟

- لا ..انا اللى فينى ...

-وش فيك بعد ؟ ( وهو يتأفاف ويبدي الضجر من اتصالها )

- عندى مصيبه كبيره ..وماعندى الا رقمك .. وابيك تساعدني .. الله يخليك .. الله يرحم والديك .. تكفى ..تكفى .. ( وهلت دموع غزيرة من عينيها ..كانت تنتظر الخروج ) ..

-هدى نفسك ..هدى نفسك ..وش اساعدك فيه ؟ .. ( قالها وهو متاكد من انها دموع مسطنعه ) ..

- ارجوك ..تكفى ساعدنى .. الله يخليك لاهلك ..ويخليهم لك .. ( وهى تبكي )

- يابنت الحلال وش فيك .. لاتقعدين تتباكي .. طيب قولى واذا اقدر خلاص بساعدك .. ( يريد تصريفها )

- مانيب عارفه وش اقولك .. ( قالتها وهى متعثرة فى بكاءها )..

- قولى .. خلصينى ( وكان مدرك انها احدى اللاعيب البنات كى تجد مسلك للتحدث معه ) ..

- بيتنا .. بيتنا من اربع ايام ..مافيه كهرباء .. واليوم المطر القوى .. هدم الجدار علينا .. وامى مريضه مره .. والمويه فكل مكان .. مانقدر ننام .. مانقدر نتحرك .. ومافى علاج لامى ..

- وشلون يعنى ؟ مافهمتك ؟ .. ( قالها مقاطعا ..فلم يكن يظن انها ستقول مثل هذا )

- ايه .. بيتنا شعبي .. والامطار من كم يوم وهى تصب علينا جوا البيت .. والكهرب مقطوع .. واليوم جدار الغرفه انهد ..وصارت المويه تدخل عندنا بغزاره .. وضع ماتتخيله ..

- ليش ؟ ماصلحتوه من اول ؟ ( قاطعها وهو فى حالة ذهول مماتقول )

- بصراحه .. ممممم .. ماعندنا فلوس .. حتى اكل ماعندنا .. لنا كم يوم وحنا ..ناكل فرز بايت من اسبوع تقريبا .. الله يخليك ..تكفى .. ساعدنى .. ومستعده للى تبي ارجوك ..ارجوك ..

- قال لا لا وش دعوه .. بس ماادرى شلون اساعدك ؟.. ( قالها وهو يظن انها تريد مبالغ طائله ) ..

- بس نبي اربع ميه والا خمس مية ريال .. بس خمس ميه .. نسدد الكهرب .. ونصلح البيت بالباقى .. ووعدك احاول اردها لك فاقرب وقت .. او اعطيك اللى تبي .. ارجوك ..اى شي تبيه .. ( ......... )

- ابشري .. طيب وشلون .. ( وهنا بدء الشيطان يسول له امرا .. فالفتاه جميله .. والمبلغ بخس ..والفرصه لاتعوض )

- مادرى ..مااقدر اجى انا .. تكفى ارسلها لى .. تكفى .. الله يخليك .. ( ودموعها سيل لا يقف ) ..

- عادى ..عادى .. انا اجيبها لك .. بس اوصفى لى .. ( وهنا ظهرت رجولته وفزعته .. سيخرج فى هذا الجو العاصف .. فالشيطان زين له سوء عمله ) ..

-طيب .. تعرف .. مستشفى الشميسي ؟ .. ( وبدئت تصف له بيتها الكائن فى حى شعبي )..

- خلاص ..عرفت الوصف .. طيب ... شلون اجى .. ماافى احد .. اخوانك .. ابوك ؟!..

- عادى .. عادى .. ابوى شايب .. مايدرى عن شي .. وحتى لو درى مايهمنى الحين .. انا بايعتها ..واخوانى ..مو موجودين ..

- طيب ..يمكن يجون ؟.. ( قالها رغبة فى ضمان الوضع )

- لا مافى امل يجون .. المهم تكفى تعال بسرعه ..

-لا لا زم افهم .. وشلون تبينى اجى .. واتوهق ..

- انا عموما ماقدر اطول .. انا اكلمك من كابينة تليفونات ولا معى فلوس تكفى

- بس لازم افهم وضع اخوانك ؟..

-ياخى مو موجودين .. واحد فى فى السجن .. من كم شهر .. والثانى مختفى مايدرى عنا .. ( قالتها وهى تفقد اخر ورقة كبرياء ) .

- خلاص انا جاى .. ( وهم مسرعا ) ..
(( انتهت المكلامه ))


خرج .. تحت غزارة الامطار .. مسرعا .. توقف عنده الة الصراف .. سحب مبلغ الف ريال .. وهنا دوما يظهر كرم الشباب .. وتتجلى رجولتهم .. وتوجه اليها مسرعا .. يمنى العين برؤية ملابس شفافه .. واغراء فاضح ..فهى ستاخذ مقابل فوري .. يحدث نفسه .. بليلة حمراء .. مع جميلة لم تكن فى الحسبان ..

وصل اليها .. توقف .. شارع ضيق .. بيوت شعبيه ..متهالكه .. طرق الباب .. فتحت .. قالت ادخل .. دخل .. ورأى ماله العجب ..

وجهها شاهب .. متجهم .. عيناها الجميلتان شوهتها دموع الاسي .. والمعاناة .. قال : الحين تذكرتك تذكرتك .. وملامح الدهشة تعلو وجهه ..فقد تغيرت كثيرا .. برغم جمال ملامحها .. قالت : انا اسفه ..ولكن ظروفى اجبرتنى على ازعاجك وطلب الفلوس منك ..ارجوك اعذرنى .. شوف البيت كيف ..شوف المويه شلون مغرقتنا ..مانقدر نمشي ولا نقعد ولا ننام .. ( وهى تبكى بحرقه ) .. قال : لا وش دعوه .. للاسف !


و هنا تحرك شيئا فى داخله .. من هول مارأى .. صمت رهيب .. يحركه صوت الرعد المدوى ..وسقوط اشلاء الجدار .. صمت .. نظر اليها .. فهى فاتنه رغم شحوب وجهها مما تعانيه من الم وحسره .. فكر .. ثم فكر ..
اعطاها مامعه .. وقال لها ..اعدك .. ساقوم باللازم .. وكان صادقا هذه المره .. خرج من البيت .. وهو يحمل فى نفسه .. احاسيس جدت عليه .. سار عائدا .. لا يذكر كيف وصل الى البيت .. فقد كان يغط فى تفكير عميق .. مت هول ما رأى ..




تبا ..
ياله من زمان ..غابر ..
باعت نفسها ..مقابل مبلغ بخس ..


انها الظروف ..
انها الظروف ..
انها الظروف ..



كم من فتاة وفتاة .. تعرضت لمثل تلك المواقف .. وباعوا انفسهن .. مرغمين ..

كم فتاة وفتاة .. تساوت عندها عفة نفسه بالتراب ... ليس لانها فعلا ليست عفيفه .. وانما هى الظروف القاسيه

كم من فتاة وفتاة .. ملئت قلوبنا عليهم .. احتقارا .. كراهيه .. تقيئوا .. لانهن باعوا اجسادهم مقابل مبلغ مالي ..


مع اننا لم نفكر ولو لحظه واحده .. فيمن .. عاش وفى فمه ويده وبيته ذهب فى ذهب .. لا لانه ورث ماله او وهبه اياه الله تعالى بالحلال .. بل لانه سرق قوة الفقراء .. واستغل المنصب الذى تشبث على كرسيه .. واتخمت ارصدته بالملايين المسروقه ..


منقولــــــــــــــــــه

واقول لكم اخواني اعضاء منتدى بني عمرو
حقــــا ..
لو كان الفقر رجلا لقتلته



والله لقتلته

انها الظروف ..
انها الظروف ..
انها الظروف ..

ولكن ليس في جميع الأحوال
أن تصل بهم إلى هذه الدرجه لعرض أنفسهم
مقابل الماده .. ولكن لا حول ولا قوة إلا بالله ..

شكراً لك أخي العزيز ..
وقد تكون هناك أيضاً الكثير والكثير
أشباه هذه القصه ..

لك خالص مودتي..
أخوك أبو مانع ..

تحياتي أخوي بوفهد على المشاركة والقصة الرائعة
وماأصدق من قال
لو كان القر رجلا لقتلته

تقبل تحياتي ابوفهــــــــــد
ومشكور على هذه القصه ولكن مهما كانت الظروف لااتوقع ان تصل الى بيع الشرف وبيع نفسها بكل هذه السهوله
وتقبل تحياتي

جزاك الله خير والله يعطيك العافيه بوفهد
ومثل ما قالوا الأخوان مهما كانت الظروف ...لا تصل إلى مثل هذا العمل
تقبل أطيب التحايـــــــــا

جزاك الله كل خير
الله لا يبلانا
الحمدلله على النعم الي اعطانا اياه
والله يااخواني لاتتدرون الحاجة ماتصنع بنا

مع مانحن فيه من قل الوازع الديني

اسأل الله لنا ولكم الهدايه


دانة