$ ((تـذكـرنـــي)) من شـعـر خالد العتيبي وإنشاد سمير البشيري$

السلام عليكم ورحمـــة الله وبركاتــــه

أســعـــــد الله جميــــع أوقاتكم بكل خير

الشاعـــر خالد بن محمد العتيبي
شاعر جزل وقـــوي ....بشعره ..وبإلقائــــه الفريــــد

لـــــه هذه القصيــــدة اللتي تتكلم عــن أعــظـــم من وطي الثرى
عــن خير من عرفته البشريه والإنسانيه على مــدى الـقـرون

قــصــيـــدة فـــي الــرســـول الكريم عليه أفضل الصلوات وأتم التسليم

دعت سمرالجدايل وانتخت بالقذلـة الهلـة=تبي مني عروس للقصيد ازريت لاغويهـا
ويوم اني لقيت لها الخلود وجيت ابوصل له=تنحرك الكـلام اللـي فهقهـا دون مغليهـا
خضع لك راس مسبوق القصايد وانحنى كله=وانا بك شاعرالدنيـا ومشغلهـا وماليهـا
يذكرني رحيلك مجلـس بـاق علـى حلـه=مداهيل الرجال اللـي تنومسنـا مواطيهـا
هنا سليت سيف يوفي الثارين مـن سلـه=هنا علقت رمح يطعـن الجـوزا ويطفيهـا
هنا بينـت مصحفـك الكريـم ودلنـا دلـه= معك نبدا مواعيـد الكـلام وننتهـي فيهـا
هنا ساقيت غصن من غلا كنا تحـت ظلـه=نسولف بالغنا يـا بايـع الدنيـا وشاريهـا
هنا كان الرجال جبال ما تقبل خنـا الزلـة=عمايمها سحـاب وابلـه باقـي مواظيهـا
رجال لو تشوف الماء غدر ما شربتـه لله=نبت عشب الرضا يا سيدي بأول مغازيهـا
هل التوحيد وكنوز العلوم ونصـرة الملـة=رجـال يضحـك التاريـخ لولهـا وتاليهـا
هنا ماضيك ورياض الخليل اللي رعى خلـه=شربنا عذبها مـدري لعبنـا فـي مغانيهـا
هنا تخنقني العبرة وانا اكتب يا رسـول الله= على قبرك نسيت الناس حاقدهـا وحانيهـا
وابو قبر يتيه من الفخـر بالبيـد وتجلـه=على حسد تبين مـن سمايمهـا وصاليهـا
ويهناك الوفا قبر يضمـك فـي ثـرا تلـه= ما دامه بين فردوس الجنان وبين منشيهـا
وانا لامن ذكرت فراقك اللي في يدي غلـه=نسيت ان الليالي شيبتنـي مـن بلاويهـا
على بعد الزمان اللي يعقد الحبـل ويحلـه= ليامني ذكرتك طاحـت الدمعـة وراعيهـا
سلام الله ما هز الصبـا نسرينـه و فلـه=على الطفل اليتيم اللي عطى الدنيا معانيهـا

للإستــمـــاع للقصيــــدة بــصـــوت المنشد سمير البشيري

http://www.albashiri.net/works/audio/ydakrny.ram

تــقـــبــلـــوا أصـــــدق الـود
أخوكــــم سيف العرب

الله ..

قصيدة جميلة جداً .. في معناها .. ولها أثرها في النفس ..

شكراً لاختيار هذهِ العذبة لنا يا أخي / سيف ..

وبانتظار جديدك دائماً ..

أرق التحاياااا لك

العناااا

تشرفــت بمرورك الكريـم أختي

يعطيك العافيــــه ولا عدمنـاك

تقبلي أصدق الـود