رد على قصيدة اختي الشهرية والفخر ليه

اخواني مرتادي منتديات بني عمرو
السلام عليكم ورحمة الله وبركاته وبعد كنا جميعاً في موضوع انت على الهوا مباشرة وكنت عابر سبيل لا على الخاطر ولا البال ووجدت اختي شهرية والفخر لها وليه وسألتها كم سوأل وكان من ضمنن اجابتها على استفساراتي هذه الابيات الجميلة ،، وأتمنى أن تكن هذه القصيدة من بنات فكر اختي الشهرية اصلاً لا تبني

وماكان بوسعي بعد ما قرأتها الا ان جادت قريحتي بقصيدة رداً على قصيدة اختي الشهرية والفخر لها وليه امل ان تقضو مع هذه المعزوفتين الشعرية اجمل الاوقات وأسعدها

قالت اختي شهرية والفخر ليه هذه الابيات

انا بنت الرجال اللي يعزون الخـوي والضيـف=
انا بنت الرجال اللي تنومس مـن حكـا فيهـا=
انا بنت الكريم اللي يزبن من من وطاه الحيـف=
انا مـن لابتـن ماهـو موفـق مـن يعاديهـا=
اعرف ان الرجال رجال ماتمشي دروب الزيـف=
واعرف ان الضعيف ضعيف نفسه دوم مذيهـا=
وبما اني عزيزة نفس ماني حاسبـه لضعيـف=
لعلـه يفهـم التلمـيـح دام انــي بعديـهـا=
وبكتبها هنا جملـه صريحـه مابهـا تزييـف=
ترى اسلوبي مع ردودي تفسر عكس مابغيهـا=
وانا ردي يجي عادي وطبعي ماعـرف تكليـف=
ولكنـه ضعيـف النفـس بأفكـاره يسريـهـا=
ولأني أدري ان الناس ما تاتي على ادنى كيـف=
انا بصبر علـى هـاذي وحـذر قبـل اداويهـا=
ترى بعض البشر تمشي بكلمة والبعض بالسيف=
وكثير أشخاص رمشة عين تقربهـا وتوديهـا=

وقد قلت هذه الابيات رداً على قصيدتها

هلا بك ياهلابك مرحبا بك ياسحابة صيف=
هلا بك يا سحابة رعادها وبروقها فيها=
حديتيني على لشعار غصب اقعد لها واقيف=
ومن يطرق بيوت الشعر يبدع في قوافيها=
ونا صايم وبيت الشعر بغى واحدٍ كييف=
يصوغ ابيات شعره بين شاهيها وكافيها=
ولا يابنت شهرية سلمتي ما يجيك الحيف=
وربعك شهر بن نصرا تبينها ذواريها=
ونا قيفي بني عمر الهول ياحي هذا القيف=
قبيلة ماتهاب الموت يخسأ من يعاديها=
ولوشح الزمان نقول حيا ياهلا بالضيف=
ضيوف الدار لاحلت نحييها ونقريها=
وللعقال عقال ولهل الفتنة إملاقيف=
ولهل الشور دور تفتل الحكمة وتبديها=
ونا بحرٍ بلا برٍ محيطه ما يعرف السيف=
تضيع به السفن مهما تعلت في مبانيها=