رد الشاعر مبارك العمري (الرادار) على الشاعر عائض حمود الضمود الحارثي

وهذه قصيدة الرد من الشاعر مبارك فاهد (الرادار)

بسم ربي نبتدي بالحكم والله كريم=واحمد الله ماعلي بخصةِ يابن الحلال
بعد ماشفت الشرايد على الميراد حيم=قلت بورد بكاري على العد الزلال
خلها تشرب وتروى وتصدر ياغريم=مانعرضها الدروب الصعيبة والطوال
وانت تدري اني على جملة المعنى حكيم=ما تراوغ نظرتي لاجنوب ولا شمال
ماشيٍ بالصدق والدرب توي مستقيم=والله العالم ويعلم لإجابة والسوال
حطني ربي سبب واكشف اوراق الغشيم=لين بانت سمعته للعرب في كل جال
مير خله جعل مثله وشكله في جحيم=لأن مثله لاوقع في مهمة ما يشال
جاهل في منهج الدين والحكمة عقيم=يزرع الفتنة وياقف على جرفٍ هيال
وانا يابن حمود باقي على النهج القديم=شاعر ماحب كثر الحكايا والجدال
يوم شفت النار علت سناها من هشيم=قلت هذي النار ماهي لها صفر الدلال

[/QUOTE]

وهذه قصيده البدع للشاعر عائض حمودالحارثي موجهه الى الشاعر مبارك فاهد العمري (الرادار) وله فيها عدة معاني وعلى ماقيل المعنى في بطن الشاعر

جل من يجري بقدرته نسناس النسيم= قدرتــه تثبت وقـدرات غيره للزوال
شاقني برقن وضع صورته من فوق غيم = ما أحلى غيمن تمركزعلى عقلي وسال
كان ببينه فالشعر في الصوره يهيم = غير المفهموم من حال واحـكمها بحال
كل شعرن لو طلع مــن مسامات الصميم= حرك الاسماع وتصير من تحته جلال
الحجيج يطوف ما بين زمزم والحطيم = طالب الغفران والعفو والرزق الحلال
والمساعي دونها النفس وابليس الرجيم = والهواء والغى ترمي على العاقل ظلال
كلمة المعروف مفتاح للنهج القويم= لــــو تصادفها السماحه تعلت فوق عال
يـا مبــــارك كل نيه بها ربي عليم= والنوايا البيض مدهال لسلوم الرجال
السجين يون والون مـــــن فم الحشيم = ورد العًًٍقال يـــــاخوك في قيلن وقال
فكرتي عذراء وبالعذر تقدر لك تقيم = مملكه تملك بــــها مــــــــا تمًلك بالريال

[/QUOTE][/QUOTE][/QUOTE]

الف شكر على هــذا النقل المميز الله يعطيك العافية

بيض الله وجهك ياسهم المنايا على النقل

رائعتان من رائعان

فالكم السفر والطيب والبيضاء

مع الشُكر لكـ أخي
- سـ ـهـ ـم المـ ـنايـا -