|
#1
08-13-2021, 10:08 PM
|
|||||||||||||
|
|||||||||||||
جرب تغيب
السلام عليكم ورحمة الله وبركاته
اخوتي واخواتي اعضاء المنتدى الكريم تحية طيبه تليق بطيب تواجدكم جرب تغيب وشوف مين هيفضل في غيابك حبيب الكل باعك وخان وعشرة زمان راحت ويا الزمان ولا كان بايديك تفضل من نفسك قريب جرب تغيب عدي حدود اوهامك فوق ومهما كانت عتمة ايامك لابد شروق كل يوم الشمس طالعه للحياه والصبح بيودع قمر الليل البرئ وكل يوم بتُغرُب منا الحياه لما روحنا من روحنا تغيب جرب تغيب لو فارق معاك كنت سألت في اول يوم غياب وكنت وفرت علي نفسك ونفسي العذاب دا لو حقيقي غيابي فارق معاك غبت الخميس. فارق؟ غبت الجمعه. فارق؟؟ غبت السبت. فارق! وغبت الاحد. فارق!! وغبت الاتنين وأظن مش فارق وهتغيب الثلاثاء برضوا مش فارق وييجي الاربعاء وبرضوا مش فارق ويعدي خميس تاني وأكيد مش فارق أنا مفارق ومش فارق غيابي فارق ولا مش فارق وهصرخ مش عايز بلاد نشفت دمي بهجرها ومتقولش حرام وعيب جرب تغيب عمر الغربه ما كانت سفر الغربه اختيار رغم القدر قرار باصم عليه بيدك وإقرار انك تموت لوحدك شجره واختارت تخضر وسط الصحاري ولا حد داري مين رواها ومين جفاها ومين قطف ثمارها ومين من جدرها خلعها ورماها يا كل آهه صارخه من قلب الوجع الغريب مات في بلده علشان جدع الغريب مات علشان بحبك فيه اتخدع اتغرب وكل مناه لو كان رجع يا قاعد في ضله وسط ارضك انا ارضي ضله بس ضاله فردت غيومها فوق سمايا وحلفت مهما تحمى شمس هتكون غطايا ولما الشمس حميت غرقتني وموتتني ما بين دفاكي وبين جفاكي وبين بكايا وفي النهايه فضلت وحدي في روحي اهدي واقول لقلبي بكره تفرح يا ضنايا لما ترجع من كل غربه للتراب اللي انت منه وطول ما انت ماشي فوق ترابك بتقول عليه انه غريب جرب_تغيب 13 اغسطس 2018 ياسر ابراهيم 
حرف إحساسي قصيد فى مجمله
ماهمني" لونه"بحره" و تفاعيله صحيح ان أجمل الاحساس اوله وصحيح الحرف واصف تفاصيله بعض القصيد وحي من دنيا الوله وبعضه حرف ما تلقى للوله دليله وانا قصيدي إحساس طيف وأخيله بعضه غصه وبعضه قصه جميله  وبعض الحروف ما تلقى التكمله وبعض الاحساس من حرفي اشيله اه يالقصيد كل حروفك مشكله وجرحك دوا للقلوب العليله ياسر إبراهيم خليفه**بكاء بلادموع** 
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| لو تغيب .........!? | المذهلة | الصوتيات والمرئيات والفنون الشعبية | 8 | 09-08-2015 05:13 PM |
| حين تغيب شمس...... | ابوخالد.. | المواضيع العامة والإخبارية | 15 | 11-11-2013 12:16 AM |
| لا تعجب ياقلبي | كتكوته الدلوعه | الخواطر | 4 | 02-19-2010 01:09 AM |
| وقفات تعجب | غريق المحبه | مواضيع الحوار والنقاش | 1 | 10-24-2008 12:04 AM |
| لا تغيب | العناااا | عطر الكلمات | 20 | 01-10-2005 12:52 PM |
العرض العادي
