الله يخليكم ادخلوا بسرعه

السلام عليكم ورحمةالله وبركاته
كيفكم ان شاء الله بخير......(كلكم )
مدري من الفرحة وش أكتب ....أبش شششركم
أتصلوا عليه مكتب الاشراف بالرياض وقالوا تتعاقدي معنا كبديلة لمعلمة فرحت بغيت أطير من الفرحة ...
بس مدري أعطتني محاضرة قبل كل شئ تقول فيها
1-انتي شمال الرياض والمدرسة جنوب الرياض(عندك سواق)
2-التأخير او الغياب ممنوع
3-لازم تتحملينا شوي.......ووووووووونسيت بكرة تكمل لي؟؟؟؟
الفرحة طارت موأنا ...بس مدري بكرة اروح والا مااروح

ايش رايكم بموضوع معلمة بديلة زين موزين بصراحة قرات كل معلمة تشتكي
وتقول استغلال وكرف وقهر .وووو....اللي عنده خلفية عن موضوعي بالله يرد
اومجربه المهم اللي له علاقة بالموووووضوع لا يبخل
تكفووووووووووون

وعليكم السلام ورحمة الله وبركاته

اسأل الله لكِ التوفيق أختي الفاضلة
ارجو الإطلاع على الرسائل الخاصة ..

الله يوفقك

من رأي لاترفضين

وحده من صديقاتي العام بديلة في شرورة وهذه السنه جاء تعينها

اتصلت عليها وقلت لها اللي قلتيه قالت ولا كرف ولا شيء مثلها مثل أي معلمة

هذا الزمن مو سهل أنه الإنسان يحصل مصدر رزقه

عموما الله يوفقك وسهل أمرك

افضل نصيحه مني
صلاة الاستخاره

[TABLE1="width:95%;"]

اتمنى لك التوفيق وبدايات الخير - ان شاء الله -

في الرياض بعد ياسلام صلي على الفرض عشره ..

واما سالفه انها كرف فما أعتقد مواد المعلمه االي قبل بالضبط ..

وحالك حال زي اي معلمه ..

الشي الثاني يحسب لك هذا التكليف كخبره ..

فأقول لكِ الله يوفقك دنيا وآخره ..

دمتِ بود ,,,

حسب خبرتي المتواضعه ...
حيث كان لي قريبه متعاقدة ....

مافيها ضغط ولاشي....

لكن كانت اخلاقه حلوة وشغلها حلو وتقوم بنشاطات ...

ولاهي مجبورة على ذا ...

والنتيجه ان المديرة قدمت طلب لها وابشرك تعينت رسمي في نفس المدرسه ...

توكلي على الله وحاولي تتقربين لهم ...

كل الود ....

معلمه بديله
تحلين محل معلمه اخرى بمعنى اخذت إجازه طويله او عندها إجازة إمومه
المعامله لاتختلف زيك زي اي مُعلمه بالمدرسه الاختلاف في المده قد يحتاجونك لفترة ستة أشهر وفيما بعد يلجؤون لك كلما أحتاجو هذا في حال إثبات وجودك وتواجدك وكذلك تكونين في قائمة المُفضلات في التعيين

كل ذلك على حد علمي واتمنى لك التوفيق

توكلي على الله وروحي المدرسة،،،،، الكرف المضبوط في المدارس الأهلية تقدمين جهد أكثر من راتبك بكثير حتى أحيانا كلمة شكرا لاتجدينها من الإدارة ورواتبهم متدنية و الحصص الله المستعان طبعا أكثر من المتعاقدة أو المتوظفة من زمان ..

أما التعاقد حصص أقل رواتب ممتازة بالإضافة إلى النقاط التي تساعدك على الأولوية في التعيين ..

أتمنى لكِ دوام دراسي ممتع ومفيد ..أسأل الله لكِ التوفيق والسداد ..

الله يسعدكم جميع وانا توكلت على الله وباشرت يوم الاربعاء ووووووقلبي يقرقع لان نسيت كل شئ بس الله يستر..................واشكركم على تعاونكم وشكرخااااااااااااااااااااص لسحابة خير

لا ترفضيييييييييييييييييييين نهائياً