أبشرج مع غيبتج .... غاب الحزن

ماني حزين أبشرج مع غيبتج غاب الحزن = فرقاج عيد و ليت هالفرقا علينا بجرت
من غيبتج غاب الكتام و هلت اغشان المزن = و الغيمه اللي ودعتج بروقها عقبج سرت
أبشرج هاج الحنايا العوج من عقبج عزن = و أبشرج هاج الجروح اللي على خبرج برت
و أبشرج حاج البيوت اللي بلا لون وزن = سلمت من التكسير في غيبتج و قامت وجبرت
و عيوني اللي كل ما مريت لعيوني جزن = من السهر و مراقب النجمات و الله ما سهرت
و عروقي اللي يوم قربج ممحلات و برزن= سحابة عصريتن مرت عليهن و اخضرت
و الخيل و الله من جمعتوها علينا ما غزن= اشوفها من بعد ما رحتم بدربج ادبرت
كنت أحسبج عون على اسنيني معايه لا عجزن= حدب السنين اللي بها سود الليالي كشرت
ياهيه حنا نعجبج مثل الجبال اليا نزن = وإلا مثل ذيج الحرار الصير ميه لأشهرت
لعل يوم شفت وجهج فيه يوم للحزن= شوفتج لا عادت عليه يا عساها ما جرت

كنت أحسبج عون على اسنيني معايه لا عجزن
حدب السنين اللي بها سود الليالـي كشــــرت

ياهيه حنا نعجبج مثـل الجبـال اليـا نــــزن
وإلا مثل ذيج الحرار الصيـر ميـه لأشهـرت


الله الله عليك أخوي كويتي
قصيده في منتهى الروعه
إبداااااااع .. في الصياغه
في الخيال .. في المعنى ..


دمت ودام تواصلك
رعاك لله