كثيراً ما نسمع بهذا البيت ! ولكن ؟

السلام عليكم ورحمة الله وبركاته

الولد وإن طاب قالوا : من خواله

كثيراً ما نسمع بهذا البيت ويتردد في المجالس على الألسن.
ولكن: من قائل هذه القصيدة ؟ وهل سبق أن قرأت القصيدة كاملة ؟

وجدت هذه القصيدة في احد المنتديات فأحببت نقلها لكم
آمل أن تنال إعجابكم

قالها إبن الذيب من هاجوس بالـه=كلمةٍ يلعـب بهـا والبـال زينـي
قالها يومـه طرالـه مـا طرالـه= من هواجيسٍ تشيب المرضعينـي
غرّني بعض الرجال بكثـر مالـه= مادرى إن الموت في حبل الوتيني
كيف ينفعني وبعض الناس خالـه= ما يدوم البيت كان الساس طينـي
ماش وين اللي عوايـده الشكالـه= مثل إبن ظافر حمد ليتـه يجينـي
الثنا والجـود دايـم فـي خيالـه= علّمـه ظافـر سلـوم الطيّبينـي
جـوّد العليـا ولزّمهـا عيـالـه= وأدركوا من علمته دنيـا ودينـي
واهني من باع حظّـه وإشترالـه= سار في درب النبي وأخزا اللعيني
موقفـه ماكـل رجّـالٍ ينـالـه= ومن بغا ممشـاه يقعـد مرّتينـي
وكم ذبح من حايلٍ من حر مالـه= وعادته لطمـة خشـوم العايلينـي
حالفٍ ماخذ على الطرقي ريالـه= وبالثلاث محرّم إنها مـا تجينـي
لا لقيت اللي على السكّـه لحالـه= يلتفت ويقول : ويـن المستحينـي
أوقف الموتر حيا وأبغا الجمالـه= يوم ولد اللاش وجهه مـا يلينـي
والطمع في كرّوة الرجلي رذالـه= خصّ به وإن جا مجال الغانمينـي
والردي في حالةٍ ماهيـب حالـه= يا عوينـه مـن كـلام الطيّبينـي
الولد وإن طاب قالوا : من خواله= بالخوال يسـال قبـل الوالدينـي
وأركبه لعيون مـن زيـنٍ دلالـه= ما تحاكوا فـي قفـاه الرامسينـي
ما بغى غيري وأنا مابغـا بدالـه=قاعدٍ لـي بالرجـا مـدّة سنينـي
ما قعدنا فالعمـل نبغـا الرزالـه= ناخـذ العليـا طريـق الفايزينـي
وأشرب الفنجال وأكـب البيالـه= تابـعٍ سلمـي سلـوم الأولينـي

للشاعر / راشد بن حسن بن الذيب العجمي

ابو فارس
س1_ولكن: من قائل هذه القصيدة
ج1-:للشاعر / راشد بن حسن بن الذيب العجمي

صح لسان الناقل وسلمت ايادي الشاعر!!
وللجميع الاحترام

عاد اعرف اني خبط هنا ولا لخبط

بس الاعجاب له دوورر
كذلك الاختيار!
إحترام ويعطيك العافيه والله

المسكت

أبو فااارس

أكدت بأختيارك هذه القصيده ..
بأنك من المتذوقين النادرين للشعر ..
وأعلم أنك تملك موهبة الشعر ولكنك تخفيها عنٌُا ؟؟ فهذا السؤال ويبقى الجواب
لك أخي الكريم ..

قصيدة .. أطربتني تحمل من المعاني السامية أجملها ..
دمت في رعاية الله ..

( جوّد الخااااال ويجود الولد )
وأنتم يا أل عطيفة أخوااااالي
والله والنعم فيكم

مشكور أخي الفاضل أبو فارس
وفعلا هذه المشاركة من أفضل
ما قرأت في هذا القسم

تقبل تحياتي

جميل نقلك
ورائع انت على الاختيار
افدتنا بكا نقلك
يافارس الحرف

دمت بود