خـواطـر الـشـاعـر / مـحـمـد الـعـمـري " ديوان "

السلام عليكم

بالخير جميع

ماجورين والعون يا صبيان عمرين


احببت ان اضع ديوان للشاعر محمد العمري من بني عمرو رجال الحجر
والحقيقه اني لا اعرف هذا الشاعر ولم التقيه ولكن قرأت ديوانه الشعري ورأيت قصايد جميله جداً لايكتبها إلا شاعر فحل ومتمكن

فاسمحوا لي ان اضع ديوان او بعض من قصايد الشاعر محمد العمري الذي اجزم ان اغلبكم أول مره يعرفه ولم يقرأ له اي قصيده من قبل
وهذا شئ غريب فأين الشاعر عن القبيله واين القبيله عن الشاعر

ملاحظه : الديوان مأخوذ من احد المواقع المختصه بالقصيد .


:: ديوان الشاعر / محمد العمري ::


القصيدة الأولى (( وقــت الـرخـاء ))

وقت الرخاء كل يعزك ويغليك ... ون حل وقت الضيق كل تناساك
اللي يقول أنامعك واعتزي فيك ... ون كان حصل غيرك أقفا وخلاك
هذي هي الدنيا بلنذال ترميك ... ياكم ظروف الدهر لعبت بشرواك
واليوم خل الناس لاعاد تغريك ... مادام ذا أعطاك المواعيد جافاك
انس المآسي يا فتى كلها ذيك ... واجهل طريق اللي تنكر وعاداك
لو هو صحيح مثل ما قال يغليك ... كانه إذا طولت ما جيت له جاك
لكنه أعوج فكر مغزاه يرميك ... قله تمهل يا غبي طاش مرماك
وإياك لا تأمن خواطر لياليك ... تيارها لو يخطفك زاد بلواك
اصبر على حالك وربك يعافيك ... واحذر تطيع اللي يبي هدم مبناك
إن كان ما يمشي معك في مماشيك ... والاأتركه واحذر طريق به اشواك


-----------------------------------------


القصيدة الثانيه : (( الـنـاس أجـنـاس ))

ياخوك بعض الناس ما عنده احساس ... الله يعين أرض عليها تشيله
أنشهد إن الناس يا خالد أجناس ... فيهم سنافيّ وفيهم هبيلة
فيهم شجاع سمعته ترفع الرأس ... وقت الشدايد ذاك يسوى قبيلة
كنه حفيد الزير سالم وجساس ... سيفه على كتفه ذراعه طويلة
كريم سبلا يذبح الرأس لرأس ... ماهو عن الضيفان نفسه بخيلة
نفسه رفيعة ما وضعها للدناس ... ولا رماها في دروب الرذيلة
ممشاك ياخي صف هذاك نوماس ... درعك سنادك طير شلوا زميله
واما الردي ماله الناس مجلاس ... نفسه في المجلس تراها ثقيلة
هذاك ما قربه إلا تراء بأس ... حتى ولو كانت هروجه جميلة
ما توزن أنواع المعادن مع الماس ... لماس مافي السوق ياخي مثيله
الماس له جودة وقيمة ومقياس ... وأنا عليه عهد ما أرضى بديله
للمر كأس وللحلا يافتى كأس ... والعقل عندك عده أكبر دليله
فكر وميّز بين طيب وبلاس ... واحذر ضعيف النفس لا تنتمي له
صاحب عريب الأصل وابحث عن الساس ... تراء الأصالة مثلما هي أصيلة
بحث عن الطيب تراء العرق دساس ... وابعد عن الفاشل عسى الله يزيله
لا يخدعك من له جنود وحراس ... ترى الخدم والمال ياخي وسيلة


-----------------------------------------


القصيدة الثالثه : (( مـن هـيـوض الـمـآسي ))

كلما قلت بَسْلا واتناسا القضية ... ذكرتني بها ياخوك سود الليالي
أشهدإني بذا الدنيا لقيت الأذية ... والأسف حيلتي وأضرب يميني شمالي
والسبائب مواضيع بقلبي خفية ... واكثر الناس ما يدرون عن ما جرالي
هيه ياقلبي اللي كن فيه ألف كية ... وكل الله ولا تجزع لو الغبن طالي
ياعلي مربي الدكتور والصيدلية ... خلهم يكشفون الضغط الضغط لايكون عالي
هيه ماعاد في الزاد يابوك نية ... عفت حلو ا لمنام وعفت شرب الزلالي
اتوجد وجد إللي غدر به خويه ... عقب ماكان تقديره على الراس عالي
لاحرقتني سموم الشمس دورت فيه ... انطوي بحالي لاطرأ ما مضى لي
قالوا أنت السبيب قلت وش في يديه ... لاتزيدون مابي ياعيال الحلالي
اتركوني على حالي همومي عليا ... اتحمل ولو كانت مثيل الجبالي
علتي داخليه خلها داخليه ... لا تزود عذابي يالهبوب الشمالي
ليتني عايش ياناس بأرض خليه ... بين صم الجبال وبين حدب الرمالي
بعد هذا تهيض لي هيوض قويه ... أشغلتني وأنا من قبلها كنت سالي
هزهزت خافقي وإهتزت المعنويه ... أصبحت صرختي ياعزوتي رأس مالي
ما قدرت أتمالك ياالظروف الشقية ... أصبح الشعر يهلي كيلتي واحتيالي
ودي أشكي عى أهل الطائله والحميه ... بس خائف يقولون انت صابك هبالي
كان لي صاحب ماريت فالناس زيه ... له صفات تفوق عن جميع الرجالي
كان شهم سنافي ونفسه زكية ... صورته دائم مرسومة في خالي
ثم حال المقدر قابلته المنية ... وانقضى امره وخلاني جريح لحالي
يالله إنك تجاوز عنه عن كل سية ... واسكنه في نعيم الخلد يا ذا الجلالي


-----------------------------------------


القصيدة الرابعه : (( الـبـخـت للـبـيـع ))

عفت زادي والشراب وعفت نومي ... والحقيقة ذا مثيلي ما يلامي
صار يومي ليل وأراء الليل يومي ... من ظروفي كني أمشي في ظلامي
أعرف إن العسر ياخي ما يدومي ... وأعرف إن اليسر ما يبقى دوامي
هكذا الدنيا صوا رفها تحومي ... مثل طير في قرى لجواد حامي
البخت للبيع والشاري يسو مي ... طال ما فاد اجتهادي واهتمامي
ما بقي لي فيك يا لدنيا لزومي ... كودي أميّز حلالي من حرامي
بعد نجم سهيل غيبي يا نجومي ... ما افتقدتك لو تغيبين ألف عامي
يا جبال ما تفارقها الغيومي ... والمطر فيها يشابه للغمامي
ول يا غصن مع النسناس يومي ... لا رمته الريح شرق مال شامي
ويش أسوي فيه يا ربعي وقومي ... لا غدت ليا م ترمي بالسهامي
ها ك ياالفدغوش شاركني علومي ... فانت باخي عزوتي وقت ا لزحامي
قل لذا قلبه سلم شر ا لهمومي ... وشبلا عينه تجافاها ا لمنا مي
اقض عمرك بين تسبيح وصومي ... ثم عطه الخط وابلغه السلامي


-----------------------------------------

القصيدة الخامسه : (( تـاج الـغـلا ))

تاج الغلاء ما يلبسه كل كذاب ... وانت العزيز اللي في القلب حبه
ود الخبر يا من لنا بالخبر جاب ... واعطه عزيز غالي نفتخر به
قم يا رسولي ود خطي للصحاب ... بشر تبوك إن ألغضي نازلن به
واكتب تعازي نجد من عقب ما غاب ... زين المعاني كالقمر لو تشبه
يون قلبي لا ذكر وقت لحباب ... ونت مريض ما قد ر فيه طبه
ولا كما ونت دخيل مع أجناب ... كل تهزا به وكل يسبه
هذا يقول أنت أجنبي وضرب الباب ... قم ضف وجهك يا مهستر وغبه
وهذا يقول أضرب مناكيب لشعاب ... وأترك وطنا مرة لا تطبه
وأصبح وحيد بين شاتم وعياب ... مستصغر نفسه وهمه لعبه
مثيل لعمى ما معه غير مشعاب ... لو ضاع مشعابه قعد وسط دربه
من موقفه من شاهده قال منصاب ... متعومس يا بو سعد ويش ذنبه
يا الله يا من للذي يسأله جاب ... تنظر لعبدٍ يوم غاله كه
زاد ت همومه واثرت فيه لتعاب ... مسكين ذا حدت شقاه أسرعت به


-----------------------------------------


القصيدة السادسه : (( نـصـيـحـة للـقـلـب ))

يا قلب لا تحزن على شأن دنياك ... واصبر و ربك من خزائنه يعطيك
لاتشتكي حالك على غير مولاك ... مهما تشوف إن النوائب تباريك
أمسك طريق الصبر لو دست لشواك ... واحذر مناني رابعة لا تمنيك
كم واحد قبلك مشى مثل ممشاك ... وأصبح مع ليام لا ذي ولا ذ يك
كم لي وأنا أحذرك يا قلب وانهاك ... وأقول لاتحزن وربك يعافيك
لابد تتحمل ولو طال مسعاك ... مادام ذا يا قلب تدبير واليك
ولا تطاوع ذا حكا لك وناداك ... تراه في وقت الشدايد يخلك
لا يخدعك مهما تجامل وحاكاك ... حذراك من درب السفالة حذا ريك
مهما تساهلت بدروبه وماشاك ... لابد ما تكشف لياليك خا فيك
أبرك طريقة خل هذا وهذاك ... واصبر تراء ليام تمشي دوالك


-----------------------------------------


القصيدة السابعه : (( جـتـنـي رسـالـه ))

تني رسالة من يمين اطيب الناس ... يقول وشبك يوم ما عاد رديت
زعلان والا يا عسى ما حصل بأس ... والا عسى ما انته علينا تغليت
اسبوع والا اكثر ولا اسمع لك احساس ... ولا على حتى التلا فون دقيت
تركتنا نتجرع المر بالكاس ... واضنّك أنت ابما فعلته تهنيت
القلب صابه بعد فرقاك وسواس ... ارفق بحال انسان بعدك كما الميت
الشيب غطا يافلان اكثر الراس ... لونك تراني قلت ياليت ما ريت
اشلون نصبر والحشى بعدك انحاس ... لاناموا العالم تضايق بي البيت
تبغى ندس أما لنا نقطع الياس ... يوم انت عنا يابن لجواد صديت
قلت الحقيقة تختفي عند الادناس ... إما لجاويد اصبحت تشبه اليت
الهم لويظهر براعيه مقياس ... كان اثبتت لك ما بقلبي لك اخفيت
ماعاد لي في نجد يا ناس مجلاس ... وش لي بدار فيه مش قادر ابيت
هذي حياة اهل الشقاء ما لها ساس ... ما تشرح الخاطر ولا ترفع الصيت
هم يغطيها وغمٍ وهوجاس ... ولا مع راع الشقاءغير ياليت


-----------------------------------------


القصيدة الثامنه : (( نـصـائـح ذهـبـيـة ))

أنا أبدا بذكر ك يا عظيم الرجاء والشأن ... إله جميع الخلق ترجيك يا غفار
ولا لي سواء ربي من الأنس والا الجان ... ومن يستعين بغير ربه جزاه النار
و هذي وصايا تشبه اللول والمرجان ... لمن يفهمون القصد في مستوى لطوار
ومن بعد هذا ودي أدعيك يا سلطان ... تشارك معي في مجلس يجلسه لخيار
تشارك معي في مسلك يرضي الرحمن ... ولا تندرج في مسلك الخائن الغدار
تراء من يسير بسيرة إبليس شأنه شأن ... مثيل الذي يمشي على الخلف يم النار
دروب الهواء ياخوك من مسلك الشيطان ... و نا حذّرك منها فلا تكمل المشوار
ولو كنت تسمع عن قصص قيس فيما كان ... مع حب ليلى قلت وش ذا الخبرذ ا صار
فلا يشغلك صوت الموسيقى عن القرآن ... تراء من يخاف الله ما يسمع المزمار
نصيحة شفوق يطلبك ترضي الديّان ... ويخشى عليك من العواقب ومن لخطار
ولا تبعدك عن طاعة الواحد الديّان ... ولا تهمل السنة وما جاء من الأذكار
ودنيا الشقاء شابوا من أهوالها الورعان ... كم إنسان فيها ذاق من هولها لضرار
ودنيا بلا دين تراها فتى عريان ... ولا جّمل الدنيا سوى الدين مهما صار
جمال الفتى دينه ولو كان أبوه إفلان ... ولا الدين يؤخذا بالنسب والحسب يا جار
بلا ل اوصهيب برفقة المصطفى جيران ... وهذا ك أو جهل استقر بسعير النار
فلا تأمن الدنيا تراها شقا و حزان ... بها كم ترا من عارف وانثنا محتار
بها كم ترا من عاصي تحسبه ربحان ... ولو كنت تعلم حالته قلت يا ستار
بها كم ترا من شاهد الزور والبهتان ... فقد خوف ربه واحترف قلبه الدينار
وكم واحد لا من وزن ينقص الميزان ... وهو ما درا انه يغضب الواحد القهار
بها كم ترا من واحد حافي وجعان ... وهو في موازين العمل عالي المقدار
ويا كم ترا من واحد يكره الضيفان ... وهو دائم ضيف على طائلة لشبار
ويا كم ترا من شاعر ينظم القيفان ... ولكن شعره يلحقه من وراه غبار
وكم واحد ما يأمنوا مكره الجيران ... تناسى حديث المصطفى في حقوق الجار
وكم واحد ما خاف ربه عظيم الشأن ... وقع في المعاصي ما تذكر عذاب النار
ونا أوصيك لا تصبح بها مغرم ولهان ... تراها لمن يطرد وراها تزيده عار
ولو تنصحه عن ما وقع فيه من عصيان ... تجاهل كلامك واقتفى منهج الكفار
عليه الله اكبر كيف ما حط في الحسبان ... نهار تراء كن اكثر الناس جاه إسكار
رحيق العسل يا خوك ما يروي العطشان ... وشوف المطايا ما يحقق لنا المسيار
سهام المنايا يا ولد فرقت لخوان ... كم أخذت كم أبقت من قلوب شكت لكدار
وهذي قصيدة قلتها لك من الوجدان ... ولا هي مجرد شعر ينقل مع لأسفار
وأنا منتظر ردك على ساحة الميدان ... و مثلك يجاوب يا شقيقي ولا يحتار
ختام الكلام اللي كتبته كفا ما كان ... كفاية يكفي كلما قلت يا شعار
وصلوا عدد ما رفرف الطير با الجنحان ... على المصطفى من كلفه ربنا واختار


-----------------------------------------


القصيدة التاسعه : (( انـفـعـالـيـة شـاعـر ))

أنا محمد حالف محني الرأس ... ولا اعترف في ناس ما قدروني
ساسي عريب ومعدني يشبه الماس ... لجواد في صفي ولنذال دوني
رغم التحدي والقهر عندي إحساس ... إن العِداء يخسون ما يغلبوني
أمشي وانا شامخ وممشاي نوماس ... مهما بغوا لشراس ما يلحقوني
ما زعزعتني كلمة إنسان بلاس ... ولا خضعت لحقد ناس رموني
يا ما شربت المر كأس ورى كأس ... واسقوني العلقم ويا ما سقوني
مصيبتي يا ناس لي قلب حساس ... مهما حصل في قيمته ما يهوني
لكن والله لحترس هرج لدناس ... وامشي على سلك الرجاء لو حدوني
مهما حصلي مستحيل أقطع اليأس ... أمنت بالله عالم با لظنوني
ياحاقد ي بالله وش وجاك من بأس ... والاأنت مقهورمن أروع فنوني
الماء يكذب يا بشر كل غطاس ... والبعض حتى اليوم ما يعرفوني
عندي لكل إنسان قدر ومقياس ... أقيسهم حسب الذي عاملو ني
المحترم له داخل القلب مجلا س ... أغليه لو كل البشر ضايقوني
والحاسد النمام بالكعب ينداس ... لوكان لجله يا عرب يسجنوني
والله لوكنت أهرسه بين لضراس ... لو يوصفوني كلهم بالجنوني


-----------------------------------------


القصيدة العاشره : (( قـصـيـدة تـضـرع ولـجـوء الـى الـرحـمن ))

أنا زابن بالله عظيم الرجاء والشأن ... ولا خاب عبد يا عضيدي طرق بابه
ومن يستعين بغير ربه فهو خسران ... حقير فتى يشكي لغير الله أتعابه
ويا غافر الزلات تغفر لنا ما كان ... من ذنوبنا نخفيه ونت اللي أدر ا به
ويا الله يا من كمّل الطير بالجنحان ... ويا من شفيت أيوب من جور ماصا به
ويا من فرض دينه على الإنس هم والجان ... ويا منجي يوسف بعد خطة أصحابه
ويا منجي ا برا هيم من لا هب النيران ... بعد ما اضر موا ناراً وقالوا تصّلا به
طلبتك تفرجها على عبدك الحيران ... وتغفر ذنوبه يوم يبكونه أحبا به
جنينا ذنوب ما نراها من العصيان ... وقلنا بسيط الأمر حتى جهلنا به
و يا ما اقترفنا من ذنوب بلا حسبان ... ولا توبة من قبل يوم وعِدنا به
ويا ليتنا نقلع عن الذنب يا حسان ... ونستغفر الله والهواء نترك أبوابه
لكان استرحنا من بلا ويه مهما كان ... كثير من العالم تدهور من أسبابه
هواء النفس والدنيا وثالثهم الشيطان ... خطرها على المسلم كبير ويتشابه
شباب تمكن في طريق الهواء هلكا ن ... ولا ظن يربح يا ولد من تسلا به
ولوكا ن من خيرة ر بوعه وبوه فلان ... يضيع الشرف من واحد طاح بشعابه
يضيع الشرف من واحد يغضب الرحمن ... وطاوع هواء نفسه وحَبه وهلا به


-----------------------------------------


يتبع >>>

القصيدة الحادية عشر : (( الـمـعلـقـة الـعـمـريـة ))

أنا أبدا بذكر الله المستعاني ... إله بفضله جمعت المعاني
ورتبتها يوم ديني دعاني ... ومن يذكرالله ترى البيض فاله
إله جميع الملا يرتجونه ... يخافون بطشه يسألون عونه
وفي كل حاجا تهم يطلبونه ... ولا خاب عبدٍ رجاه ا و شكاله
فله رافعين أكف الضراعة ... وله خاشعين بذل وطاعة
وله ذاكرين على كل ساعة ... إلهي كريمٍ عظيمٍ جلاله
فسبحانه المطلع بالسراير ... إله رزق كل عبدٍ وطائر
لمن تاب يغفر جميع الكبائر ... جعل جنة الخلد طيب النزاله
ومن بعد ذا هاك من بعض قافي ... فهذا الزمن شفت فيه اختلافي
فيا كل حرٌ لبيبٍ سنا في ... تعلّم تراها تضُر الجهالة
ترى العلم نور النفوس التقية ... وذا الجهل قاد النفوس الشقية
إلى الهاوية يا لها من رزية ... وكل حسابه على ما سعى له
فيوم القيامة تبين الحقائق ... وتظهر سجلاتنا والوثائق
حسينا تها تنكشف والبوائق ... فيا كل عاصي تجهز لحاله
فهذا كتابه خذاه بيمينه ... على صدقه اللي مضى في سنينه
وهذا ك قصّر تهاون بدينه ... ينال الجزاء والكتاب بشماله
ويا كل عاقل ترى العمر مرة ... ولا عاد يمديك تعديل شره
ترى الحر يبحث لشيء يسره ... وعمرك إذا راح ما جاء بداله
تفكرت فيما مضى من سنيني ... ولا من ذكرته يزيد الونيني
وعز الله إني مثيل السجيني ... وذا مثلي الله يلطف بحاله
وشفت إن مالي يكون العبادة ... وزين العمل هو طريق السعادة
عسى الله يختم لنا بالشهادة ... فلا بد لشخص يحظر زواله
تذكرت عمري وما قد مضى لي ... ويوم إني أمسي بقبري لحالي
وكل العمل يتضح لي قبالي ... وذاك الملَك يوم يبدي سؤاله
تذكرت عمرٍ قضيته بغفله ... فهو راح يا خوي جده وهزله
ولا عاد يرجع دقيقه وجله ... خلاص انتهى الأمر قصرت حباله
وتأتي ذنوبي عليه تراكم ... ويا كم تماديت بالذنب يا كم
وفي ذلك الوقت صامت وباكم ... ونا كنت عن كل ما ريت داله
تذكرت يوم أني أبات وحدي ... ولا فيه غير العمل هو و لحد ي
وتظهر لي أعمال قلبي ويدي ... حرامه عذاب حساب حلا له
فلابد لي من حضور المنية ... إذا غابت الصبح جات العشية
ولا عاد يمكن كتاب الوصية ... جميع العمل ينكشف با اكتماله
فيا كل شاعر نظمت القصايد ... تخير من الشعر زين الفوائد
ترى الشعر صيد وراعيه صائد ... فلا تقنص إلا من أعلى جزالة
فهذي هي أبيات مني وصيه ... إلى كل شهم ونفسه زكية
ولك مني أجمل وأكمل تحية ... ولاهي مجرد كتابة رسالة
تحافظ على الفرض لا حل حينه ... ولا تحمل الحقد هو والضغينة
ترى النفس باللي عملته رهينة ... ترى كل شيء فعلته تناله
ولا تندرج في طريق الضلالي ... تراني حذ يرك تمعن مقالي
تراها دمار تهين ا لرجالي ... ومن طب فيها خسر ما مضى له
ولا تغضب الوالدين احترمهم ... فلا خير فيمن يقلل قيّمهم
ويا حظ منهو ينفذ طلبهم ... ينال الجزاء عاجل في عياله
ولا تشهد الزور مهما تكَلف ... فهذا هو أصل الجهل والتخلف
فدين الله أعطاك شيء مشرف ... هو الحق والزور والظلم شاله
وحذراك لا تتجه بالنميمة ... تراها لمن يرتكبها جريمة
ولا تنتهجها نفوس حشيمة ... فلا طبها غير ناس حثالة
ويا كل جار تهاون بجاره ... ترى حق جارك تزود وقاره
وعينك فلا تنطلق صوب عاره ... تراها صفات الردى والفسالة
وأنا بانشد اللي عن الحق ساهي ... إلى كم وتبقى بعيد ولاهي
تجنب دروب الخطر والمناهي ... أنا أحذرك من دروب الرذالة
ولا تتجه في طريق المخدر ... ترى شرع ربي عن الشر حذّر
فلا تأخذ اللي لعقلك يغير ... إذا ما حصل ما يغيّر دلاله
وحذراك تبدي بسدك لشامت ... ولو كان عن سد شرواك صامت
فلا بد ما ينشره لو تمادت ... عليه الليالي ولو في عياله
صحيح إن راع الضرر ما يباتي ... يعاني من ا لبهذلة والشتاتي
وانا شفتها يا عرب في حياتي ... حزينٍ عجز عن سبب ما جراله
يفكر لوحده ولا له وسيلة ... حزينٍ نهاره وسهران ليله
ولا عاد في اليد يا ناس حيله ... تكدر مزاجه وزاد انشغاله
أناشفت في الناس ياخي عجايب ... وأنا صرت من هول ما ريت شايب
في القلب شبت سعير اللهايب ... وأنا أشكي على من رحم من لجاله
ففيهم خبيث الطبايع تعافه ... إذا شفت زوله تقل يا حسافة
فقربك لمثله يسبب كلا فه ... وبعده يزيد الجمالة جمالة
إذا كنت في حاجته ما يسرك ... ولو ما تحر صّت منّه يضرك
ولا يفرح إلا لضيمك وشرك ... عديم المروءة خباثٍ فعاله
فلاهو ب كفوا نهار الشدايد ... ولا هو في الوزن ياخوك زايد
وممشاك في صف مثله نقا يد ... ردي الطبائع قصيرة حباله
تشوفه يروج حشيش ومسكر ... وتلقاه في كل عار ومنكر
ولاهو من اللي بربه يفكر ... رمته الشياطين في خس حاله
فهذاك تكفى تجنب دروبه ... وقل توبة من مسايره توبة
خبيث النوايا طفش منه ثوبه ... وخله ويكفيك ربي قتاله
وفيهم لطيف لبيب تحبه ... محياه يكشف لك أسرار قلبه
فلا فيه عذر لشخص يسبه ... تجمع صفات ا لشبب و ا لشكا له
صدوق وصادق وعلمه وكادي ... ولا هو ب ذا يشغلك با لعنادي
فهذاك سيفك نهار ألشدادي ... رفيق السعد يبسط اللي لفاله
كريم إذا جاه ضيفه تسللا ... ولا هو عن الموجبات يتخلى
ضياء نور وجهه تشوفه تجلا ... عطاه الله الوسع يا خي بباله
دوام حريص ويحفظ صلاته ... ومن ينصحه يستمع من وصاته
عساها دوام سعادة حياته ... عفيف جعل شيمته رأس ماله
فذاحسْب فهمي لوصف الرجالي ... ولا ني بذم الر جاجيل سالي
ولكن ذا مقصدي واحتمالي ... وكل حسب ظنه أعطى مقاله
وبعض النساء كبها من حليلة ... تراء زوجها غاضب كل ليلة
وهي ما تحاول تهدي غليله ... ولكنها شغلته وانشغاله
فهي دائم في جدلها عنيدة ... ولازم يحظر لها ما تريده
ولوما حظر حطته في مكيدة ... وحصل من الكيد شر النكاله
فهذي لك الله لو هي هدية ... فلا هي لراع السعادة خوية
ولاهي سندفي الظروف الشقية ... ولا انصح بها ذا يريد ا لجمالة
ومن بعد ما تم هذا فهيا ... بنا لين نا صل حدود الثريا
وننظر لمن هو بسيفه تهيا ... يبي طعن هذا الوطن وانتشاله
سفيه يفجر يبي هدم دوله ... وهذي لك الله ما هي بطوله
تراها من أرذل صفات الرجولة ... ولا خير فيمن مشى بالنذالة
فعا يلهم أفكار ناس حقيرة ... وصاروا في الشعب نقطة خطيرة
مشوا في طريقه بليا بصيرة ... وهم خالفوا عن طريق العدالة
فهذي بلادٍك وربي حفظها ... وقمت أنت تبغا تشتت بعضها
وبالكيد يا خيبتك تعترضها ... تمعن وفكر وش اللي تناله
فهيا بنا نستمع للكويبتك تعترضها ... تمعن وفكر وش اللي تناله
فهيا بنا نستمع للكوارث ... فهذي حروبٍ وهذي حوادث
وتلقى المصايب بلاها توارث ... إذا راح جرح خلف له بداله
توالت علينا عيون الأعادي ... وصرنا نراها بعين الو كادي
ضحايا الكوارث علينا تنادي ... تقول أنقذوا دينكم يا رجاله
حروب هدفها دمار العقيدة ... تجر ت عليها نفوس حقيدة
تهاجم على الدين تبغا تكيده ... وتبغى تبيده وتقطع وصاله
فيا رب سلط عليهم عذابك ... ويا رب شدد عليهم عقابك
فهم حاربوا من يعلم كتابك ... وهم ينشرون الوبا والرذالة
فشعب العراق انتهى من كيانه ... وكله سبب من مشى بالخيانة
عديم الشهامة ضعيف الديانة ... تركها تسوقه جنود العمالة
مواطن فلسطين زاد اضطهاده ... جنود العدو تطرده من بلاده
نشوف العدو زائد في عناده ... وظلم العدو ما يطاق احتماله
سبب ماحصل من جميع البلايا ... ذنوب عِِِِظام وجملة خطايا
وربك عليم بكل النوايا ... علم سر عبده ويعلم مآله
فيا كم ويا كم ذنوبٍ جنينا ... ويا كم لعبنا ويا كم عصينا
ويا ليتنا يا لبيب انتهينا ... وتبنا إلى الله لفظ ا لجلا له
فحن ما علمنا لماذا خُلقنا ... ولا حن شكرنا كريم رزقنا
ولا حن بذكره حقيقي نطقنا ... فهو ملتجى كل منهو دعا له
ويا ليتنا يا لبيب اتكلنا ... على الله ولا و سيعة
نشوف المعاصي دهت مجتمعنا ... ونمشي وكنا بها ما سمعنا
ولكننا حولها ما اجتمعنا ... قلوب على الذنب تسعى بتاله
فهذاك يسكر وهذا يهرب ... وهذا يفجر وهذا يخرب
وهذا لتشويه دينه يسبب ... بفكره وحقده فيا خيبتا له
ويا كم بلاد دهتها المصائب ب... فعل المعاصي تذوق النكائب
ففعل المعاصي لهذا سبائب ... تسبب دمار البلد والبطالة
وربي نهانا بمحكم كتابه... عن الجور والظلم وعلن عذابه
لمن يرتكبها جهنم عقابه ... فسبحان رب البشر حيث قاله
فيا مسلمين اسمعوا ذا النصيحة ... تراها دواء للقلوب الجريحة
وترك العدو يلتهمنا فيضحة ... ولا هو ب حق شرفنا يناله
فلا بد نمسك بحبل الشريعة ... ونترك سلوك الجفاء و ا لقطيعه
رسول الهدى لازمن إنانطيعه ... نبيٍّ الهدى بلغ أكمل رسالة
فهذي هي الرحم تشكي القطيعة ... فيا كل عاقل ونفسه رفيعه
ترى قطعها حرمته الشريعة ... إلهي جعل وصلها من وصاله
وهذي هي الحكمة اللقفصية ... جعلت اسمها الوردة النرجسية
تهيضتها جانب العاذرية ... تعدا صداها ضواحي تباله
ففيها فوائد لمن كان عاقل ... وفيها نصائح إلى كل غافل
وتوجيه وافي لمن كان جاهل ... يخلي دروب الردى والجهالة
فهي كالذهب عند منهو يعده ... تهيضتها من صميم المودة
تعابير شاعر كتبها بشدة ... ويعطي مصاريفها من رياله
وفي منتهى حكمتي والكلامي ... صلاتي على المصطفى والسلامي
شفيع أمته في نهارا لزحا مي ... عدد نبت نجد العريض أو رماله


-----------------------------------------


القصيدة الثانية عشر : (( الألـفـيـة الأولـى ))

ألف: ألفت الف بيت وفي ضني تزود ... والزلل حاصل ولكن محنا قاصدين
با: بلانا شرذمة جت من اذناب اليهود ... من تبع نهج اليهود افتقر دنيا ودين
تا: تراء من باع دينه محال ما يسود ... كيف يعلو من تقلّد سلاح المفسدين
ثا: ثواب الله لي خير مالي في الو جود ... رحمة الباري قريب لمنهم محسنين
جيم: جدد توبتك قبل تغدي في الحود ... ثم تندم يوم لا يستفيد النادمين
حا: حياة مالها دين يغشاها الجحود ... ينتشر فيها فساد الطغاة الحاسدين
خا: خلل ذا المجتمع مستمد من قرود ... أنتقاه أشرس رجال خيانتهم تبين
دال : دورات اليالي على الظالم تعود ... والأدلة تثبت العاقبة للمتقين
ذال : ذل المسلمين المواصل والصمود ... خلت اسرائيل واعوا نها مستعمرين
را : رموز الكفر تسقط وتنحل القيود ... ينتصر لسلام وهله تراهم فائزين
زا : زمن صدام جعله لشعبه ما يعود ... حطهم قوت للنذال واضحى هو سجين
سين : سيف الحقد لا زال في يد الحقود ... مشهره يبغى يزعزع كيان الأمنين
شين : شاب الراس ممن يماطل بالوعود ... كملنا نرقب لحل لوضع المسلمين
صاد: صوت للقنابل تقول إنه رعود ... وسط بغداد الحبيبة وحنا راقدين
ضا: ضلام الليل يومٍ خلق الله رقود ... تهجم ألات العدو تستهيب الأمنين
طا: طبايعهم خبيثة ومقصدهم شرود ... ما لهم في عالم الصدق قانون مبين
ظا: ظهرياناس في عصرنا الحاضر جنود ... يعملون لصالح إبليس شارون اللعين
عين: عمر الغدر ما صارللهدنة يقود ... سيرته مخذولة من على مر السنين
غين: غاب النور من بعد ما غابُ الأسود ... غاب نور العدل لن اليهود الحاكمين
فا: فهود جات تمشي وصاحَبَها فهود ... بس جا من بعدهم قادة متخاذلين
قاف: قل يارب لا تحرم أرباب الجهود ... من مساعيهم ودمر ديار الكافرين
كاف: كل في مسيره وكل له حدود ... والشجاع اللي عرف حق رب العالمين
لام: لولا رحمة الله مولانا الودود ... كان صرنا طُعمة لليهود الغاشمين
ميم: ما تدري وش الله مخفي يا سعود ... أمر ربي ساري بين حين وبين حين
نون: نار الحقد ما تنطفي مهما يكود ... كود رب البيت يأتيك بالنصر المبين
ها: هلاك الكفر موجود من تاريخ هود ... من قديم العصر والنصر صف المؤمنين
واو: وين اهل الشهامة وموفين العهود ... هم على مبدا الشرف لا يزالوا قايمين
يا: يمن الله علينا بفضله يا حمود ... فانه الي قادر ينصر المستضعفين
ثم صلوا عالنبي يا حضور ويا وفود ... خير مخلوقٍ مشى بارض رب العالمين


-----------------------------------------


القصيدة الثالة عشر : (( حـيـاة الـمـذلـة ))

أشكى على الله من حياة المذلة ... الموت يا ربعي ولا عيشة الذل
يا قلب خل اللي يعاديك خله ... لا تبتلش به صد لو شفته أقبل
أبحث عن اللي منطقه ما تمله ... إن غاب تحزن له وتفرح إذا طل
لو كنت تبحث في فلا نجد كله ... لازم تدوّر لك على من يجمّل
حتى ولو كانه بعيد محله ... لا تشتري بُعده بقرب المغفل
احذر تصاحب واحد خف عقله ... يبلاك وأنا خابرك ما تحمّل
صاحب رفيع الذوق واحذر تتله ... تراه ما يتحمل الضيم والتل


-----------------------------------------


القصيدة الرابعة عشر : (( أصـبـر عـلـى حـالـي ))

يا ما بقلبي بس ما ودي أبديه ... لني لو أبديته لغيري تحسر
همي شديد والليالي تقويه ... خوفي على بعض الخلايا يتأثر
همي بقلبي يا محمد مخفيه ... لني على لوم المخاليق مقدر
الذئب لو هو شاف حاله يخاويه ... رحمه بحالي يا هلي ما تعذر
هات القلم واكتب من الشعر صافيه ... واسجل أبيات بها القلب عبر
إن طال همي يا رجاجيل مشكيه ... لحمل همومي يا عرب واتصبر
أصبر على حالي وربي يعافيه ... مالي ومال اللي عن الحق قصر
اللي يحب الدين فانا مخاويه ... واللي يبي الباطل تراء حظه أقشر


-----------------------------------------


القصيدة الخامسة عشر : (( قـصـيـدة الـى إخـوانـنـا فـي فـلـسـطـيـن والـعـراق وأفـغـانـستـان ))

أتوجد من هموم توالت بالضمير ... والتوجد يا مخاليق والله ما يفيد
من نظر في حالتي قال اكيد إنه ضرير ... مادرا عن حالتي لاقريب ولا بعيد
صرت مثل إلى ينادي وهو وسط الغدير ... انقذوني من تهاويل ذا الوضع النكيد
انتها صبري وقلبي خطير لا يطير ... البشر برض وسيعة ونا عايش فريد
يوم اشوف أخواننا ذا قتيل وذاك اسير ... واليهودي ضايع الرأي طغيانه يزيد
انظروا بوش المخادع ومتبوعه بلير ... ما ترون أعمالهم تشتمل حقدٍ وكيد
دولة صارت ذليلة كما الطير الكسير ... أمنها منزوع والي نجا منها شريد
اليهود أعمالهم في فلسطين الشهير ... واضح مافيه شك لمخلوق سديد
هكذا بين اليهود الخيانة تستدير ... كيف نرجوا من عدو يحقق ما نريد
اشتهر سيف الرداء بيد بياع الضمير ... رغم ذا كله سراء سم ظلمه بالوريد
وان طلبت الحل قالوا لك الموعود خير ... انتظر واصبر ولا تنشغل خلك شديد
قصدهم تكبيت دعواك خوفٍ لا تثير ... لا تثير الوضع ما دام غيرك ما يريد
صاحت القدس الحزينة من افعال الحقير ... تشتكي ظلمه وجوره وهو فكره عنيد
أخس ياشارون كم صاح من جورك صغير ... وارملة تشكي من أنواع تعذيب جديد
كلفك بوش المشاكسا وقلت أمرك يسير ... وا ستمرت شلةالكفر تقتل من تصيد
ثم لفت موجة الشر واعوا نه تشير ... واستدارت جولة الظلم عايدها يعيد
شكل شارون الدني مشبه لمّ البعير ... ناقة عشراء ربت في الخلا الخالي تهيد
هيه يا هل الدين وهل العقيدة ما يسير ... التخاذل يجعل الظلم مشواره مديد
دعوة من مجلسي للصغير أو للكبير ... محتواها يجعل الحر منها يستفيد
الشجاعة تغلب الظلم والظالم حسير ... نعرف إنه ما يهد الحديد إلا حديد
للنقتل فرد لهم هال له جمع غفير ... والبطل لو ينقتل بيننا هذا شهيد
ديننا دين البطولات ما ساده خسير ... من تتبع سيرة أسلافنا خالد وزيد
واليهود أعمالهم منتهاها للسعير ... قادهم فرعون بالكفر والمكر الأكيد
فكروا ياهل العقول الرشيدة في المصير ... لاتوقِف عند هذا توسع يا رشيد
الذكي ينظر لما بعد شر مستطير ... لا تهون ما تلاحظ تقول انا سعيد
زمرة التكفير ما فادوا العالم بخير ... جهلهم دمّروهم يحسبون إنه مشيد
المكفّر هو ومن يقتل العالِم خشير ... شرهم واحد ولا فيه فرق يا فهيد


-----------------------------------------


القصيدة السادسة عشر : (( الـصـبـر زيـن ))


قال المثل في سابق الوقت يا حسين ... في ما سمعنا حسب نظم القوافي
الصبر زين وفيه مفتاح ثنتين ... تكسب جميل وتأخذ الحق وافي
حذراك تستعجل طريق الصلف شين ... امش بر ويد ويتضح كل خافي
احمل علوم الناس يا خي على الزين ... وإياك من ظن وراه اختلافي
مهما توالت بك عيون المعادين ... لا ينشغل بالك وخلك سنا في
إن شفت شي يخدش العرض والدين ... قاوم بحكمة كل طافي وها في
لا تنخدع في مغريات الشياطين ... ارفع يدك للي للضرار كافي
خلك شجاع ساعة العسر واللين ... لا ترتجف عند الزحام ارتجافي
ون شفتها كثرت عليك الميادين ... احرص على درب وراه العو افي
هذي حكم سجلتها للدواوين ... تبقى على طول السنين ا لعجا في
والخاتمة يا خي على الرأس والعين ... نصيحتك يا فارس ما يخا في


-----------------------------------------


القصيدة السابعة عشر : (( أبـشـر بـسـعـدك ))

تبغى الحقيقة ما عرفنا مرادك ... بالله وش هو مقصدك واعتقادك
إن كان تبغا نا نغادر بلادك ... قلها وحن يا صاحبي مستعدين
الوضع هذا مايريح فؤادي ... وأنا عطيتك نيتي واعتقادي
واليوم قررت أتوجه بلادي ... أفضل ولا نبقى دواما ذليلين
ابشر بسعدك والله إن أتوجه ... ما عيش في جو تراء فيه رجه
خذيت لي في دار لجواد سجة ... ما يمكن أنسا فضل ناس عزيزين
أنا أعرف إنه ما يهمك وجودي ... ما دمت ماشي في طريق الصدودي
خلاص ليه أتعب وضيّع جهودي ... أحسن لي أرحل عنك من حد ذلحين
وصفت ياخي فكرتي بالخيانة ... وشلون وأنا إنسان عندي أمانة
والغش منهي عنه حسب الديانة ... ما يقبله عقل ولا يقبله دين
الغش ما هو طبعنا يا عميلي ... لكن بغيت أعطي شعوري زميلي
وأشاركه من قبل يوم ا لرحيلي ... وأصاحبه ياخي في العسر واللين
هو كل ما فلأمر يا خي هدية ... ما قصدي ألقاء من وراها عطية
والنفس من تنقيص غيري بريه ... كل البشر عندي على الرأس والعين
نبينا سيد جميع البرايا ... في حسب علمي ما يرد الهدايا
والحمد لله ما عملنا خطايا ... وحنا على نهجه ومبداه ماشين
إن كان جاء منا غلط يا صديقي ... أطلب حقوقك ليه صدرك يضيقي
وأنا عليّ أمشي بنفس الطريقي ... حتى يزول الغيظ ما بيننا بين
أهم شي إنك تجي وأنت راضي ... ما أشوف في نفسك رسوم اعتراضي
هاجوس شعري لك لك الله هاضي ... والحال من فرقاك كنه بنارين
ما هو بعشق لا ورب البرية ... لكن أنا ما ابغاك تزعل عليه
لنك بقلبي لك تراء مقدرية ... والناس يازين النسب غير دارين
إن كان تبغاها تعود العلاقة ... والعز يبقى والوفاء والصداقة
حنا ترانا يا عزيزي رفا قه ... والحمد لله كل ما بيننا زين


-----------------------------------------


القصيدة الثامنة عشر : (( بـعـض الـعـرب كـيـف أقـنـعـه ))


يا علي بعض العرب كيف أقنعه ... كلما جيت أقنعه ما يقتنع
كان طيبي يا زميلي د لعه ... والله إن أكرهه هذا ا لد لع
لا رحم حيه ولا من طبعه ... من يحاول عن زميله يرتفع
من حياتي والله إن أطلّعه ... وامسح أسم له على البوك انطبع
كنت فوق الرأس يا ناس أرفعه ... احترامٍ له ولكنه طمع
بس هذا اليوم غصب أرجّعه ... مثلما هو يرتفع لازم يقع
ضربة الشاعر تراها موجعه ... ينهز م خصمه ويطويه الوجع
كان له بالقلب يا خي مزرعة ... بس خرب يا زميلي ما زرع
ما عطف لي يا مخا ليق إصبعه ... ناشف ر ا سه وسيفه ما قطع
لو نطيعه حطنا في معمعه ... خادعٍ واللي يطيعه ينخدع
صَدق اللي قال عنّه ما أروعه ... صار مغرور بتصويت الولع
يوم جيت أحسب جميلة واجمعه ... شفت لا هو يا رفيقي ما أنجمع
كل معروف عملته ضيّعه ... ذاك طماع وضيّع ما جمع
همش ألصانع وهمش مصنعه ... والمورد والذي جاب السلع
فالختام أقول يا الله تقلعه ... ون رجع لي قلت فارق وانقلع


-----------------------------------------


القصيدة التاسعة عشر : (( زلـزال شـوال ))


نهار الثلاثاء ثاني أسبوع من شوال ... لا زلت أ ذكر التاريخ باليوم والساعة
وصلني كتاب يا عرب يشبه الزلزال ... بدمعة فتاة ذاقت المر با أنواعه
بكت واشتكت من ظلم ناس عليها طال ... وصاحت وقالت وينكم يا هل الطاعة
أنا عايشه في مجتمع كل أبوه أنذال ... عليّه يشيلون المشاعيب فزاعة
ولا لي صديق غير منهو وسيع البال ... فهو ذا حقيقة يفهم القصد وأوضاعه
بليت ابعشير هِمته بس رح وتعال ... فهو ما يقدر صاحبٍ زادت أوجاعه
ثلاثة عشر عام وأنا في عنا ذا الحال ... ولا عدلت وضعي مع زوجي أطباعه
فلوماني أخشى يا جماعة على الأطفال ... لخليّه ما ني فيه يا ناس طمّاعة
ويغنيني اللي عالمٍ دمعي الهمّال ... ولو عشت في برً تطاردني إسباعة
لي أفضل ولا ابقى في مذلة وقيل وقال ... وهم ٍ وغم يجعل النفس ملتاعة
فلو كل من له حيلة يا عرب يحتال ... مزجت الحلى بالمر ثم أطوي إشراعه
ولكني أخشى تكتمل فرحة العذال ... وتصبح علومي بين لنذال منشاعة
تراء الصبر حده ما بقي منه لي مثقال ... فيا غبن من يشري ويا سعْد من باعه
فقلت اصبري وتحملي تختفي لهوال ... ترى الصبر بعد الصبر للهم قطأعة
تعقبين يالدنيا بلاويك متنشال ... فتاة حزينة ضمها الهم باأضلاعه
وتكفون يا لجواد تكفون يالبطال ... ترى مثل هذي وقفة صفها طاعة
تطالب بحالتها سعيدة بليا مال ... ولا هي لشيء فاتها تطلب إرجاعه
ولو هي شكت ما صابها هزت العُقّْال ... ولو كان في قمة جبل يا عرب زاعه
فهذي هي القصة حقيقي ما هي تمثال ... بغيت أنشر الموضوع واحقق إبداعه


-----------------------------------------


القصيدة العشرين : (( نـفـسـي عـزيـزة ))


إذا أعطيت شخص ما أنتظر ته يكا فيني ... ونفسي عزيزة والطمع ما شغل بالي
ولا نيب ذا يعطي على شأن تعطيني ... ولو كنت أموت من العدم مقدر أسالي
ولا احب جمع المال لو هو ملاييني ... وأنا ألوم ذا يسعى ويلهث ورى المالي
لباسن يغطيني وموتر يمشيني ... وبيتي يخفيني عن القيل والقالي
ولا اعادي إلا من يعادي هل الديني ... ولوكان من صلب القرابه ولا أبالي
ورزقي على ربي فهو ذاعلم فيني ... وهو ذا بفضله يا علي زانت أحوالي
ولا لي سوا ربي ولا غيره يعيني ... عظيم الرجاء سبحانه العالي الوالي
إذا صارت أهوال الليالي تباريني ... فمن هو سوا ربي مزيل للهوا لي
فحيل الله أقوى من ضغوط الشيا طيني ... وباب الفرج ما يغلقه كل دجالي
أبصبر ولو كل ا لخلا يق تعاديني ... ولا خاب من يصبر لو أن الصبر طالي
فهذا أنا إن كان تبغى تماشيني ... فلا تنخدع فيني ولو قال من قالي
ألا يا علي يا ليت وإنك مخا ويني ... على وارد ألفين من النوع جفا لي
ونمسك طريق البر لو كان ذ لحيني ... ونعبر مسافات بعيدات لميا لي
وننخا هل الطالات والعرف والد يني ... رجال لهم بين الرجاجيل مثقالي


-----------------------------------------


يتبع >>>

القصيده الواحد والعشرين : (( رسـالـة إلـى الـشـاعر الـكـبـيـر عـلـي بن مـحـمد الـقـحـطـانـي ))

سلامي تحياتي مع الشكر والتقدير ... لمن جاد في نظم القوا في وسو اها
سبح في محيطات الحكم واحسن التعبير ... وصاغ المعاني وانتقاها وقو اها
ورتب مقالاته مع الصوت والتصوير ... وبالصوت قال أحلى القصايدوحلا ها
فهو ضمن شعار التميّز بلا تخيير ... صعاب المعاني بو محمد تحداها
فهذا علي ا لقحطاني الشاعر النحرير ... تساوت له أبكار القصايد ورباها
ألا يا علي ما كل من طار سمي طير ... ولا كل من يمشي مع الخيل بارا ها
ولا كل من فكر تمعّن في التفكير ... ولا كل من يبغى المسرات يلقاها
ولا كل من يمشي ويسعى ورى التطوير ... تطور كما يقصد شقا نفسه أعماها
ولا كل من شال القلم جمّل التسطير ... ولا كل من شال المراسيل وداها
فهذي حياة ما لقي من عشقها خير ... ولا فاز من جاوب نِداها وما شاها
فهي ساعة تمشي معك في تمام السير ... وعام تخلي طالب العيش يشنا ها
فيا كم لي أشير العبر يا علي وأدير ... ولكنها ما جاتني حسب ما أبغاها
مسا كين بعض الناس ينقصهم التبصير ... ولكن ذا عقله فطين تناسا ها
رمت بالرجاجيل المناعير وسط ألبير ... وصكت نوافذها على من تمناها
تجر ت وضرت واستمرت في التدمير ... وهي في بدايتها تحلوا لمن جاها
تبي تقتل العالم مع موضة التحرير ... وتفني مقاصدهم وهي سر مبد اها
فيا كم بها من واحد عاش في تكدير ... تردت حياته من تورط وخا واها
تذكر خبر مجنون ليلى وغيره غير ... فهذي قصصهم عندنا اليوم نقراها
وانا طالب عذرك إذا كان به تقصير ... فهذي قليلة في صفاتك وحلياها
ختام القصيدة يا صلاتي على البشير ... محمد نبي الله رسالته وفاها


-----------------------------------------


القصيده الثانيه والعشرون : (( مـافـات مـات وصـداهـا مـن ابـراهـيـم الـعـسـيـري ))

يا لعبد لا تبكي على واحد مات ... لابد من يوم يجيك الذي جاه
يالعبد ذا الدنيا شطوف وميلات ... ما واحد جاته على ما تمناه
اصبر وحاول تحتسب للملمات ... ترا حياتك ياصديقي مد اراه
الموت ماله قبل يأتي علامات ... ياتيك بغتة دون تدري بملفاه
إن شفت لك مضيوم قله سلامات ... وياك تشمت به على حربلواه
واياك لا تبكي على الشي إذا فات ... مافات مات ومن بكى ما تلافاه
العمر مرة له دقايق وساعات ... ماراح تتكرر فنونه وذكراه
بكرة تموت وشهريقلوامتى مات ... ياويل للعاصين ويلاه ويلاه
يا للي تماد ا في طريق المتاهات ... ماتتقي ربك وترجع وتخشاه
خل الحرام اترك دروب السفاهات ... عذاب ربك يافتى كيف تقواه


رد الشاعر/ إبراهيم العسيري أبو نوره



ابدى بذكر الله رب السماوات ... الواحد اللي كلنا نطلب ارضاه
ثم الصلاة اعداد وبل المخيلات ... على النبي اللي محمد مسماه
ياشاعرٍ تنظم من الدر ابيات ... لله درك .. قافكم جزل معناه
وظفت لك احلى الجمل والعبارات ... هاجت ببالي يوم خطك قريناه
الموت حق وله سبايب وسكرات ... وياكم عزيزن يا محمد دفناه
والقلب يتفطر وفي العين عبرات ... تتسابق ادموعي على من فقدناه
حتى النبي سيد جميع البريات ... فاضت على ابراهيم بالدمع عيناه
يا رب عبدك له خطايا وزلات ... وانت العليم بجهر فعله ونجواه
يارب تغفر لي جميع الخطيات ... يا واحد ما خاب منهو ترجاه
واحسن لنا في العاقبه والنهايات ... مع النبي نحشر ونفرح بلقياه
وختامها جعل الفرح والمسرات ... للشاعر اللي ..ذكّر القلب بالله
يا الله يا المعبود ترزقه خيرات ... يوم الحشر ياخذ كتابه بيمناه


-----------------------------------------


القصيده الثالثة والعشرون : (( دمـعـة الـسـنـيـورة ))

بدع الشاعر:محمدالحربي(المنتحي)

هزت فؤادي دمعة السنيوره ... اللي بكى وابكى العرب وابكاني
هل المدامع واضحه فالصوره ... عبرالفضاء شافوه بالاعياني
بكى ونفسه ياعرب مقهوره ... واكد لكم عروبة اللبناني
شكى لكم ظلم الزمان وجوره ... وبين لكم مخطط استيطاني
مخططا لدولت(ن)مدحوره ... باذن الاله الخالق الرحماني
على يدين السنه المنصوره ... وعدرسول الله بالبرهاني
ماهوبيدين مصدرين الثوره ... اللي يعبدون اضرحه للفاني
اقولها والكل يعرف دوره ... ابعد وحنا بخيريالايراني
ابعد ياراع المله المدموره ... واخذالعميل وحزبه الشيطاني


رد: محمد العمري

يا لمنتحي لك بصمة مشكورة ... يشهد لك المرءوس والسلطاني
أنشهد إنك يالبيب أسطورة ... زين السطور يجمل العنواني
قصيدتك عن قصة مشهورة ... بكت معك ذا قاصي والداني
للمنتحي كم شاركوا جمهوره ... شيب وشباب ومعظم النسواني
بوش أرتكز في دولة معمورة ... فرعون عصره ذلك الإنساني
وبلير قاد الشلة المسعورة ... قامت تحارب منهج الدياني
شارون غاب ولا تزال جذورة ... مسمومة بالحقد والعدواني
تسلم يدك يا شاعر بسطوره ... هز الحشى واشتال كل أركاني
با الله بلغ صاحبك بونوره ... قله تراء العمري شكر ديواني
واعطه من الموضوع هذا صورة ... خله يشاركني برد ثاني


-----------------------------------------


القصيده الرابعة والعشرون : (( قـصـيـدة إلـى الـشـاعـر أحـمـد الـكـثـيـري ))

نعمين يا شهم عديم العذاريب ... يا نسل قوم في المواقف شديدة
يا طيّب ما شفت منه سوا الطيب ... يا صيرميٍّ له مواقف فريدة
أرفع لك البيضاء بروس المراقيب ... ضع صورتك وارفق بهذي القصيدة
يا بن ا لكثيري لك علينا مواجيب ... واللي مثيلك لازم إنا نزيده
يا بو جلال أحرجتني بالتراحيب ... وخليت شعري يستمر ابجديده
المرجله ما هي بشيل المشاعيب ... لكن جت صوب ا لكثيري تريده
يا من على شأني تلقى المتاعيب ... من دون علمي قدم أشيا مفيدة
يا طيّب المبدأ بعيد عن الريب ... عسى عدوك يشتكي حر كيده
معروفكم يبقى وسام على الجيب ... مادام دم اصويحبك في وريده


-----------------------------------------


القصيده الخامسة والعشرون : (( احـذر ذيـاب فـي ثـيـاب الـمـساكـيـن ))

لا باس ياللي تجهل الناس لا باس ... أوصيك لا تحكم على شوفة العين
خل السهل واضرب مناكيب لطعاس ... وتشوف وينك عايش والبشر وين
بعض العرب في خوته يرفع الراس ... والبعض ياخي شوفته تعمي العين
وانا درست الناس من واقع احساس ... وعرفت فيهم ياخي الشين والزين
لقيت منهو ساس عز ونوماس ... المعدن الغالي يعادل ملا يين
ولقيت منهو كاذب القول بلاس ... خداع نمام سلالة شياطين
والناس ياسيدي هم أشكال واجناس ... وافضلهم اللي ياعلي ينصرالدين
إن كان ماتبني كلامك على ساس ... فعلم ترا ساس الردا مصدره شين
اعمل وقدركل شي بمقياس ... واحذر ذياب في ثياب المساكين
لا يأخذك في مقصد الناس وسواس ... ما كل خلق الله ياخوك من طين
غلطان من عاشر سلالات لنجاس ... لابد يندم عند نصب الموازين
حتى ولو من ضحكته شفت لضراس ... مصيرها تظهر خفايا المعادين
طب المعادن واطرح إيدك على الماس ... واشتر ولاتندم تراالربح بعدين
خلك ذكي لوذعيٍّ وحساس ... شجاع ماتخشى نزول الميادين
حبل الرجا مده ولا تقطع اليأس ... واجعل شعارك كل حالة لها حين


-----------------------------------------


القصيده السادسة والعشرون : (( صـرخـة عـانـس ))

جاتني ذا ألعشيه شكوى ... من فتاة دهتها بلوى
ظلم بوها عديم التقوى ... قاسي القلب مخطر شانه
جات تشكي من امرجاها ... من حزنها تعد خطاها
باين الظلم في ممشاها ... كبدها بالضماء حرقانه
صاحت أنا فتاة عانس ... بين ظلم الطمع والهاجس
اترقب لذاك الفارس ... واختفى بالأمل طوفانه
اصغ لي لوسمحت وركّز ... ذا زمان شبابه عجّز
وادي اقول علمي واوجز ... داين يشتكي ديانه
قالت اسمع كلامي كله ... وافهمه يافتى وافطن له
كل ما صابني من عله ... ودي ابيّنه بالوانه
فالثلاثين عمري واكثر ... والذي شافني متأثر
قلب أبي مارضي يتأثر ... كيف يرضى شقى نسوانه
كل ما جا فتى متدين ... قال طيب وكل اش هيّن
والغضب في عيونه بيّن ... طاع نفسه مع شيطانه
قال خلك إلين أرسلك ... لا تجيني إلين أقل لك
خل ما لك معك وادلك ... بيتكم عندنا عنوانه
مقصده بس تصريف له ... والفتى كم وهو يرقب له
موعد الرد حل أوتله ... والفتى ضاع في نسيانه
قال لا يمتكن تزويجي ... لين يظهر على تخريجي
ثم تعيين بالتدريجي ... بعد هذا إذا بِْمكانه
والسنين الطويلة تجري ... والسعادة لغيري تسري
بس انا الي عن امري مدري ... تاه فكري ببحر احزانه
هل جميع العذارى مثلي ... شتت ذا المشاكل عقلي
ما يحس العنى حتى اهلي ... ما حد شافني فرحانه
كم فتاة مثيلي تشكي ... من معاناة هلها تبكي
القصص بالمآسي تحكي ... كم حشى ولعت نيرانه
ما جميع البشر في راحة ... كم فؤاد عناه اجتاحه
لين سده من اجله باحه ... باح ما كان في وجدانه
بس اناابغاك تنشر قولي ... يا عسى يفهم الي حولي
إن بين العرب مجهولي ... أرضنا بالعجب مليانه
لويطوف القطار الحالي ... ينتهي بي حديث آمالي
وانت يا بوي تأخذ مالي ... وانثني ضايعة خسرانه
تكبر المشكلة يا عالم ... والطمع في عيون الظالم
ماحد من شروره سالم ... كلها خطته خربانة
قلت لا بد مني كلمة ... جعلها تندرج في علمه
وانصحه لا يطوّل ظلمه ... وين دينه غدا وايمانه
هكذا جاتني ذا القصة ... في خطاب وهذا نصه
في سبيل لمن له فرصة ... يصرف القلب عن طغيانه
ثم هذي نصيحة مني ... يا لبيب استمع وافهمني
سائلٍ خالقي يرحمني ... وانت لا يحرمك غفرانه
ذي وصية وبي تفهمها ... بنتك أوصيك لا تظلمها
من هنى العيش لاتحرمها ... خاف من خالقك سبحانه
احذر المال لا تشقى به ... والحرام انتبه من بابه
لا خطب واحد ترضى به ... اترك ابليس هو وعوانه
لا ترده على ما عنده ... والطمع عنك بابه سده
لا تعامل معه بالشدة ... اعمل الطيب تلقا احسانه
وانتبه لويجيك الخاطبب ... لا ترده من اجل الراتب
ذا على الوضع ما هو كاسبب ... لو تسلا بنوم أعيانه
اكثر الناس مابه رحمه ... جعل نارٍ توقد لحمه
لين يصبح مثيل الفحمة ... ذا يحد الخشب با اسنانه
ليه لنه تعدا حده ... واتجه في صلابة صده
خافي بالشقاوة سده ... كيد قلبه قهر ضلعانه
طبع بعض الرجاجيل اقشر ... ينشر السم كله والشر
ثم يندم على ما ينشر ... بعد ما يرتوي عطشانه
لا بغيت ارشده وادله ... قال ذا مش صحيح كله
هرجكم مستحيل اشله ... اعرف الهرج من رعيانه
الرجا بس لا تزعجني ... يابن لجواد لا تحرجني
كل راعي ثمار يجني ... من ثماره ومن بستانه


-----------------------------------------


القصيده السابعة والعشرون : (( مـعـانـاة يـتـيـمة ))


يا ناس ذي قصة جتني بدمعة فتاة ... تشكي تعاسة معيشتها مع أخوانها
تقول أنا في الثلاثينات والفكر تاه ... من هول ما شفت بالدنيا وسفها نها
اليوم تكفى تراني عفت هذي الحياة ... والنفس عندي لك الله رخصت أثمانها
ذي قصتي عندي إخواني عليه طغاة ... وكل زوجة تشغلني لو ر عانها
ون قلت لا جاك يركض زوجها بالعصا ة ... الله واكبر على نفسه وشيطانها
تكفي إذا كان عندك حل فيما تراه ... بنت دهتها المشاكل تشكي أحزانها
صبري لك الله يا مسلم وصل منتهاه ... والعلة اللي كوتني ما حد ذاقها
قلت أبشري لعتني في قصتك يا فتاة ... والمشكلة واضحة من نبرة ألفاظها
أقول يا ناس يا للي قائمين الصلاة ... أمانة عندكم تكفون في شأنها
يتيمة مالها إلا ربها في علاه ... ثم أنت يا للي جعلك الله سلطانه ا
ارحم يتيم رماه الحظ فيما رماه ... كسيرة ما أسعفتها طول جنحا نها


-----------------------------------------


القصيده الثامنة والعشرون : (( وداعـا فـمـان الله ))

بمناسبة حلول الإجازة الصيفية واستعتدادنا لها وكان السفر إلى الجنوب في
يوم الأربعاء 5/6/1428هجري

وداعا فمان الله يا أحبابي الغالين ... ويالله عسانا نلتقي بعدها في خير
نبي نتجه لرضن بها اصحابنا باقين ... ونصبح ونمسي في جبال صداها طير
بذيك المصايف والنسيم العليل الزين ... بروق ورعود وغيم يهداء بها تفكير
على جمس سوير بان من وارد التسعين ... مغير زيوته والجلد والكفر والسير
بدينا نشيك فيه من مدة اسبوعين ... مع علمي إن اللي كتب ربنا بيسير
ربطنا امتعتنا والعصر يا فتى ماشين ... نوينا وجهزنا المواتر مع التغبير
ونطلبكم البيحة إذا صار منا شين ... وحن نعتذر لا صار في دورنا تقصير
سفرنا بيستغرق على معتقد شهرين ... وهي فترة استجمام ياصاحبي لا غير
فيا كل من يأتي لنا مرحبا أهلين ... ترا البيت بيتك وأنت تستاهل التقدير
حدود النماص أرضي على مقرب الشيخين ... ولزمة تسمى قريتي باتجاه السير


-----------------------------------------


القصيده التاسعة والعشرون : (( لا تـعـكـر مـزاجـي ))


تكفى طلبتك لا تعكر مزاجي ... ولا تخاطبني بغير الصراحة
ما بي طريقٍ كل أبوه اعوجاجي ... حنا عرب والقول كله فصاحة
يا ما ترجيتك وجبت احتجاجي ... وأعطيتك المعنى بقوة وضاحة
مادام تبغا رجتي وانزعاجي ... مثلك لك الله ما يحقق نجاحه
رح طب واختر وسط سوق الحر اجي ... واحذر محمد لا تصيبك رماحه
ما حب قرب اللي قضيب ا لحجاجي ... أنا أتعامل بالوفاء والسماحة
واعلم تراني ما أتبع إلا خراجي ... اللي يعكر جوي أطلق سراحه
واللي يماشيني بنفس ا لسياجي ... يلقى كلام ينبعث من رجاحة
أقابله وأنا بكل ابتهاجي ... واقضي معه عمري بفترة سياحة


-----------------------------------------


القصيده الثلاثين : (( كـشـفـنـا الـنـوايـا ))


كشفنا النوايا وأنفضح سر بعض الناس ... وبانت حقا يق كل خاين ومقصوده
عرفناك يا للي خاين كاذب بلا س ... وكل الدعايات التي منك مردودة
ضننا ك في كل المواقف علم نبراس ... أ ثار يك من نوع الخزف طايح الجودة
توقف على هذا تراء صاحبك حساس ... إذا كانت أوصاف الوفاء منك مفقودة
كرهناك يا للي ما عطيت الخطأ مقياس ... هقاويك بالتسويف يا ذاك ممدودة
مواعيد عرقوب أصبحت حيلة الدساس ... وصارت مفاهيمه وهمه ومجهوده
أنا أعوذ بالله من شرار البشر لدناس ... كم أخفوا معالم بينهم قبل مشهودة
ضحكنا على أنفسنا وقلنا كذا لا بأس ... إلين أكتشفنا غاية الظلم ووعوده
ولكنها بانت لنا خطة الأنجاس ... بعد ما سقونا علقم الكيد من عوده
ولكن صبرنا ما قطعنا خيوط اليأس ... والآجال بين أهل الأمل غير محدودة
نحارب شعار الذل ملبوسنا نوماس ... نخلي معادينا على عار منقوده
بدينا مقاصدنا على خطة أكمل ساس ... نوينا نهمش قائد الحقد وجنوده


-----------------------------------------


يبتع >>>

القصيده الواحد والثلاثين : (( مـن جـنـوب الـسـعـوديـة ))

من جنوب السعودية ديار المصايف ... أنقلي يا هبوب الريح هذي قصيدة
الجمال الطبيعي والشجر والمشارف ... والمناظر من أجمل ما عيونك تريده
تنوي السير يالفدغوش لو كنت شايف ... ما يردك ولو كان المسافة بعيدة
النسيم العليل اللي يسر ا لولايف ... من تجول بهذا الجو يبدع نشيده
المشاعر تباهت بالطرب والطرايف ... وأصبح الشعر للشاعر من أجمل رصيده
أكثر الناس خلت شغلها والوظايف ... وجهت شوقها لجواء جميلة فريدة
من تجول في ابها ما يشوف الحسايف ... يقضي ايام صيفه في حياة سعيدة
كل شي جميل مثل ما كنت عارف ... المطر يجعلك تمشي بدنيا جديدة
والبشر بينهم يا خوك كل التكاتف ... الوفاء والتواصل والصفات المجيدة
ما مثيل الجنوب أرض بهذي الوصايف ... جوها يجعل المشتاق شعره يز يده


-----------------------------------------


القصيده الثانيه والثلاثين : (( يـا جـمـيـل الـقـصـيد ))

يا جميل القصيد اقرب تراء الجد حان ... وش نبي بك إذا ما جيت في ها لظروف
كان وقت انسجام وكان بعضه هوان ... لكن اليوم نبغا كل عين تشوف
حان ظرف الزمان وبان ظرف المكان ... والمعاني جميلة جملتها الكفوف
من يتابع عنا دنياه صابه جنان ... خلها طال ما هي بس نقشة حروف
إن شكيت المآسي ما لقيت الحنان ... ون تناسيتها قامت لحالك تحو ف
أه ثم أه ياخي بعد فوت الأوان ... كم تمنيتها من قبل صرف ا لصر وف
خافي السر من كل التهاويل بان ... والشدايد بها يلمع بياض السيوف
لا تزود هموم بالحشا من زمان ... خلها تنتهي والله بعبده يرو ف
كان مرتاح بالي كان لكن كان ... لكن اليوم همي لاف ها لقلب لوف
يا وجودي وجود اللي غدره الجبان ... وقت غدره تركز بازدحام الصفوف
صوبه واهلك ه يا خي عيا نن بيان ... بعد ما كان يترقب وصول الضيوف
اشهد إن الليالي ما عليها ضمان ... واعلم إن المواقف فرصة للوقوف


-----------------------------------------


القصيده الثالثه والثلاثون : (( حـريـبـه قـريـبـه ))

يا وجودي وجود اللي حريبه قريبه ... المشاكل تزايد والروابط قوية
كل ما قال هان الوضع زود لهيبه ... ما تخارج ولا زالت ظروف القضية
إن تنازل وخلاها تهون المصيبة ... قالوا الناس هذا قصته عنجهية
ون تجبر وقال أكره دروب الغليبة ... عاتبوه البشر وأصبح بدنيا شقية
زاد همه ولا تسمع له إلا نحيبه ... فضّل العيش عن ها لناس بر ضن خلية
زاد ضغطه وحاله صار يدعي طبيبه ... وأصبحت علته بين الحنايا خفية
هيه يا مطلب المسكين يا من يجيبه ... لا تبارت على حاله سهام المنية
هكذا حال من مثله قريبه حريبه ... مال حاله سوا مولاه رب البرية
أكثر الناس قالوا ذيك حاله غريبة ... ما يشوفون حال اللي دهته البلية
هكذا حال ها لدنيا لك الله عجيبة ... كم فتى من ضغوط الناس فيه ألف كية


-----------------------------------------


القصيده الرابعه والثلاثين : (( يـا الله يـا الله يـا مـعـبـود ))

يا الله يا الله يا معبود يا والي ... يا من جميع الخلايق ترتجي عونه
يا مالك الملك يا رب السماء العالي ... يا عالم القلب وش هو سر مكنونه
يا عالم الغيب يا كتّاب لاجالي ... يا منزل الغيث يوم الناس يدعونه
يا الله يا الله علام لحوا لي ... تفرج لمن طول ليله تسهر عيونه
ضاقت عليه الوسيعة وانبراء حالي ... والهم في داخلي خايف يشوفونه
من هول دنيا الورى زادت بي أهوالي ... صارت نفوس الورع بالشر مفتونة
كثر الفتن خلت الشيطان يحتالي ... صارت عموم الفتن في لرض مأمونة
ما ودي أبين الخافي لعذالي ... خوفي من الناس مكنوني يبيحونه
الناس فيهم ردي الطبع دجالي ... ينشر بسرك للناس ما يراعونه
والناس فيهم حقير دايم تالي ... يّتبع العيب في طعمه وفي لونه
والناس فيهم سنافي طيب ا لفالي ... لو تطلبه ملك يده قال يا هونه
يفدي بروحه بعد ما جاد بالمالي ... من شأن يوفيه قال النفس مرهونة
هذا سنا دي ومثله غاية أمالي ... يستاهل إن العرب يا خوك يغلونه
والناس فيهم سليم خاطره سالي ... ما لعلعته السنين القشر بشجونه
يمشي وهو يا سعد متريّح البالي ... ما خاف ناس بجمر الحقد يرمونه
وفيهم جريح بلاه القيل والقالي ... الناس باقوالهم يا خي يكيدونه
من جور ما شاف كاد يصيبه اهبالي ... الله على الناس عيوا لا يخلونه
محسود هم صار له فالقبر منزالي ... صارت عظامه بوسط القبر مدفونة
والسحر في مجتمعنا صار جوالي ... يا لعنة الله على اللي جو يبيعونه
واما الريا صار كل ريال بريالي ... واصبح في السوق عملاته وقانونه
والرشوة أصبح لها قدر ومثقالي ... المرتشي صاروا العالم يحبونه
والواسطة خلت البطال فالعالي ... واصبح عريب النسب يا ناس من دونه
هذي حياة الردى كم ترخص الغالي ... واللي رخيص مقامه ترفع أمتونه
صار اليهودي يحكمّ دار لبطالي ... يوم العرب دينهم عجزوا يعزونه


-----------------------------------------


القصيده الخامسه والثلاثين : (( مـع الـسـلامـة فـمـان الله ))


عندما كنت في احدى الجلسات مع بعض الزملاء وغادرت الجلسة قلت هذه
القصيدة

مع السلامة فمان الله يا حاضرين ... والموعد القادم ألقاكم بصحة وخير
عسا تدوم المحبة والغلا دايمين ... والبغض ياجعل ماله في وفانا مسير
نبقى على طاعة الرحمن متعاونين ... والمعصية مالها في مجتمعنا مثير
على كتابه وسنة سيد المرسلين ... محمد المصطفى ذاك البشير النذير
حنا على ملة إبراهيم يا مسلمين ... نمشي ونبقى بها صغيرنا والكبير
منهاجنا واضح حسب الكتاب المبين ... واللي يحاول يغير معتقدنا حقير
هيا بنا نكمل المشوار يا بو حنين ... والمشكلة تنتهي والكذب حبله قصير
مادام راع القضية مقصده ما يبين ... خل المشاكس تراء ماله بفعله خشير
حاول تجاهل مصير ساس مبداه شين ... تراك تتعب ولا رايح يشوف الضرير
الظلم ما يقبله عقلن وياباه دين ... الظلم يا ناس والله إن شأنه خطير


-----------------------------------------


القصيده السادسه والثلاثين : (( وداع الأخ أحمد الكثيري ))

هذه القصيدة كتبتها عندما بلغني خبر الأخ الغالي الشاعر / أحمد الكثيري
عندما طلب اجازة نهائية بسبب ظروف صحية ألمت به شفاه الله وعافاه وجميع
مرضى المسلمين

يا احمد غلاكم داخل القلب لازال ... يبقى ما دام الروح يا خوك حية
عندي لكم يا صاحبي رقم جوال ... مهما تباعدت العلاقة قوية
لازم نتابعكم على كل لحوال ... وابشر بسعدك حط حملك عليه
الروح نرخصها ولا نغلي المال ... أطلب وانا حاضر ونفسي رضيه
هذي تواقيعي على صدق لقوال ... والطيب في شرواك لي معنوية
يااحمد خبر فرقاك جاء مثل زلزال ... من كثر خوفي طاح مافي يديه
فيك الوفاء والطيب يا طيب الفال ... فيك الكرم فيك الصفات الأبية
عساك تسلم من تهاويل لهوال ... يا غالي ما شفت في الناس زيه
خذ راحتك ياخي ولا تشغل البال ... واعلم ترا واليك جزل العطية
يابن الكثيري خلها بيد حلال ... ربك بتكريمه تهون القضية
قلنا الوداع وصافي الدمع همال ... رجواي بالباري يردك هنيه
ترجع بصحة طيبة طيب الحال ... من فضل رب البيت رب البرية


-----------------------------------------


القصيده السابعه والثلاثين : (( شـفـنـا تـراحـيـب الـرجـال الـمـسـا فـيـر ))

هذه القصيدة كتبتها لقبيلة الحلافات عندما دعونا دعوة كرم وضيافة شرف
كتبت هذه القصيد تكريم لهم


أبدأ بذكرك يا وليّ التدابير ... يا من بفضله كل صعب يهانا
جينا من ابن عمر حشمة وتقدير ... جينا نلبي دعوة اللي دعانا
حب لكم ما عذرتنا المعاذير ... لن الغلاء لك يا ا لحلا في وفانا
يا أهل الكرم والجود والطيب والخير ... عسى نوفيكم وفاكم عسانا
عند أل عبد الله يشرفني أسير ... يا عزوتي لو هم نصونا عدانا
ما همنا مهما طوتنا المشاوير ... لا صار عند اللي يقدر لحانا
حتى المو اتر لو بها تسبق الطير ... من حبنا للي بطيبه شرانا
شفنا تراحيب الرجال المسا فير ... شفنا وشفنا شيء نوّر سمانا
بين الحلافات الرجال المشاهير ... أبطال حرب من قديم الزمانا
يا الله يا عالم جميع التفاكير ... يا من بفضله كل ما كان كانا
تغفر لنا عن كل ذنب وتقصير ... واحسن عواقبنا وخفف جزانا
والمعذرة يربع عن كل تقصير ... في حقكم يا للي كسبتم رضانا


-----------------------------------------


القصيده الثامنه والثلاثين : (( مـصـيـرك تـشـوف الـوضـع يـاصـاحـبـي والـنـاس ))

سلا مات يا ريم البوادي عسا ما بأس ... تلا فو نكم مقفول وش سر تسكيره
بعد ما قفلت الخط خاواني الوسواس ... وقلبي بدت تكثر همومه وتفكيره
تراني على خبرك وما تذكره حساس ... وفي غيبتك يطويني الشك والغيرة
أنا ما توقعتك مع صاحبك بلا س ... ولا طب قلبي فيكم اللبس والحيرة
توقعتك إنسان معي رفقته نوماس ... مع الحل والترحال والدار والديرة
مصيرك تشوف الوضع يا صاحبي والناس ... وتعرف محمد وش مزاياه عن غيره
وتعرف وش اسم المعدن اللي يسمى ماس ... وش اسم النحاس بحسب وزنه وتقديره
فيا كم حزين ما له إلا ضغوط أنفاس ... تكاثر همومه وانقطع ما كمل سيره
فغلطان من يبني قصوره بليا ساس ... بفترة بسيطة يعلن القصر تدميره


-----------------------------------------


القصيده التاسعه والثلاثين : (( قـلـوا أصـحـاب الـوفـاء ))

يا بو حمد قلوا أصحاب الوفاء ... ما عاد يوفي معاك إلا قليل
جيل الوفاء كان يا خي واختفى ... أقفت فنونه مع ذاك الرعيل
ذا يسكن القاع ماشاف الشفاء ... يصعب وصار التوصل مستحيل
تكفى وأنا أخوك تكفى قل كفى ... سمحان يعجز إذا حمله ثقيل
النور لا زاد تحريكه طفا ... واخشى تطول المسافة يا زميل
من يزرع التين يا خي في الصفاء ... ما راح يحصد ثمار الزنجبيل
الجمر لا صار ما يصلح هفا ... والهرج لا طال منطوقه مليل
يا خي محمد تراء الحال اكتفى ... ما عاد يقدر يشيل إلا القليل
صلوا معي عالحبيب المصطفى ... وأشكرك يا بو حمد شكرا جزيل


ملاحظة / ورد اسم سمحان وهذا يعني الجمل حسب الاسماء عند بعض بدو الجنوب


-----------------------------------------


القصيده الأربعين : (( رسـالـة إلـى الـشـاعـر فـلاح الـقـرقـاح ))

يا عضيدي يا سنادي يا السنا في يا فلاح ... المعاني ما يميّزها يكون إ رجالها
القصيد الطيب أحبه ولي فيه ارتياح ... والسفاهة ما ندانيها ولا من قالها
يا فلاح الناس ما هم مثل سلمان وصلاح ... كل نفس عند ربي قدرها وأعمالها
أشهد إن الصدق يا خي في يد الصادق سلاح ... والنزاهة مسلك ما كل شخص نالها
البطل شرواك ياخي منطقه مثل القراح ... والردي نرفض علومه دقها واجلالها
الردي نكره علومه جدها والا مزاح ... ثقل دمه يبن ريفة مال نفسه مالها
أتركه يابو محمد في ذعاذيع الرياح ... يا فتى لجواد لا تثر عليك أنذالها
من رفع نفسه عن الر ديان صاحب لانشراح ... مايهمه ذا بكيده يافتى يسعالها
ديننا دين التكاتف والتعاطف والسماح ... سنة المبعوث رحمة خسر ذا عنها لها
أنت يالقرقاح شاعر تستحق أعلى وشاح ... تنتقي جزل القصايد ما تقول اهزالها
من سمعتك ياسنادي فز قلبي لك وصاح ... واصبحت نفسي تخلي ذا القصيد أعمالها
من قصيدك غرد القمري ورفرف بالجناح ... والشجر من نظم قافك رددت موالها
حان وقت الجد يا لقرقراح والمكنون باح ... واستدارت ساعة الصفر الجهاد أحلا لها
يا فلاح الطيب ولى وا لوفاء ياخوك راح ... قلت الشيمة وخفت واختفى مثقالها
هات يالقرقراح حل عل ها القلب استراح ... وشترا في حال ذا الدنيا وكثر أهوالها
واحد مما بحاله يا فتى قحطان ناح ... حيرت فكره وباله وارهقته أشغالها
صار مملوك لها من وين ماترميه طاح ... لو يحاول ينصرف عنها رمته آمالها
خابت الدنيا ومن يا ثق بها يلقى الرماح ... كم ضحاياها وكم نسمع فتى غنالها
هات حل عا جلا يا بو محمد بالوضاح ... ينصح اللي عشقها لا عاد يتعنى لها
طالت القصة وانا طالبك عذرك والسماح ... بوعلي من هول ماشاهد كتب هذا لها
ها لقصيدة من محمد قال مطلعها الصباح ... وقبل أذان الظهر كملها وتم إرسالها


-----------------------------------------

يتبع >>>

هذا الشاعر إن كان ما تعرفه يا أبو صالح فلك مني هذا الموجز عنه :-
هو محمد بن عبدالله بن لقفص العمري من قرية لزمه من قبيلة الشق وهو شاعر ملتزم وإمام مسجد 0
يجسد ما يعانيه وعاناه غيره في هذا العصر وما يحصل من متغيرات عبر القصيد الجزل فعلاً 0
في النهاية شكراً لك وله على هذا الإبداع ولكما نتمنى الخير والتقدم 0

لاهنت ياغرمان وانعم فيك وفي الشاعر ولاهنت على المعلومه

القصيده الواحد والاربعين : (( في مـنـتـدى شـهـران سـجـل يـاقـلـم ))

في منتدى شهران سجل يا قلم ... أروع قصيدي وانضمه بالقافية
في منتدى شهران بين أهل الهمم ... واهل العلوم الطيبة والوافية
تاريخكم فخر لكم منذ القدم ... وانا أفتخر ياهل القلوب الصافية
رغم إن عندي منتدى به ملتزم ... لكن محبتكم بقلبي رافية
يا بو مشبب جاك علمي واستلم ... في حشمتك جينا بروح العافية
أنا لشخصك يا زميلي محترم ... وأبيات شعري فيك ماهي كافية
جينا نبي نكسب من أصحاب القمم ... اللي معانيهم لمثلي شافية
العذر يا شهران يا رأس العلم ... يا لابة عند المواقف وافية
العمري أصبح بينكم ياهل الشيم ... فيكم صفات الطيب ماهي خافية


رد الشاعر / محمد مشبب الشهراني

رسمت قيفاني على المعنى رسم ... وكفيت قوم في اللوازم كافية
في عرفهم مايقدُم الا من قدم ... وفي سلمهم مايقبلون الهافية
بسم اشهران اهل الوفا واهل الكرم ... اهل العمايم والبشوت الضافية
أرحب عدد دهم السحاب المدلهم ... ماهلت مزونه وهي متقافية
في ليلة رعّادها يرزم رزم ... يصك غفوات العيون الغافية
شاعر بني عمر المذاهب والقيم ... شاعر رجال في اللزوم موافية
حنا هنا واياك مثل اولاد عم ... ومن شان عينك يهتف الهتافية
وخوة عريب الجاه تلزمني لزم ... وتبقى على راسي وفوق اكتافية
أتعب على شانه واشيّد وآهدم ... واسوق له رجلي لو انها حافية
اقلط وعد وسم يامال الشحم ... والعرف مايشرح على العُرّافية
ركعه في الاقصى وركعة في الحرم ... ماهيب مع سلم الحياة منافية


-------------------------------------

القصيده الثانيه والاربعين : (( يـا مـريـض يـشـتـكـي مـن عـلـتـه ))

يا مريض يشتكي من علته ... كم شكي منها ولا أحد يسمعه
جاته الجلطة وهدت قوته ... وانقطع صوته ودمعه وزعه
قلت يادكتوره أعطه وصفته ... قال لا يمكن إلين أشيعه
قلت طيب ذالألم وش قصته ... وش توقع علته وش يوجعه
جاوب وصفق يده في جبهته ... قال أنامحتاركيف أحكي معه
بعد ماشاف الأشاعة حقته ... عنده الشريان يبغا تو سعه
أزمة طبت بقلبه واعمته ... مايميز بين واحد واربعة
من عرف وش كان سابابق فترته ... قال يخسا الضيق من بعد السعة
هوبنفسه مادرا وش قصته ... ضره الموقف وغيره روعه
حكمة الخالق بخلقه حكمته ... مسرع المكتوب ياخي مسرعه
شاعر عبر خفا شخصيته ... صورالموقف وحاول يطبعه
هو مريض طائح في غرفته ... من لهيب الضيم صوته يرفعه
من سمع صوته وقوة ونته ... فز لو هو في حلاوة مضجعه
الرجا حبله طويلة مدته ... الحذز سيف الملل لا يقطعه


-------------------------------------


القصيده الثالثه والاربعين : (( زمـانـي لـيـه ركـلاتـك قـويـة ))

زماني ليه ركلاتك قوية ... وانا ما جبت شتمك في قصيدة
علامك صرت تتجبر عليه ... وصارت لي مقالاتك عنيدة
ترفق بي تراء نفسي غنية ... أرد أمري على رازق عبيده
إذا صارت حروب صيلبية ... فلا بد إنها ترجع تبيده
وما دامت روايات ردية ... فسوء الظن قلبي ما يريده
تركناها دروب جاهلية ... وخلينا مبادينا مفيدة
زماني ما بقلبك مرحمية ... تساعد واحد روحه زهيدة
وحق الله مالي فيه نية ... طريق الغي حده من حديدة
كم انسان عرف وش قدر خيه ... ولكن أنثنى يعطيه كيده
ظروف الوقت ترميني رمية ... وسيف الغدر طعناته مكيدة
عدوي لا رحم يا خوي حيه ... وعل السهم من غيري يصيده
عدو ما يخاف الله فيه ... غدرني واخرب الموضوع بيده
سألته قال لي وش في يديه ... مواضيعك معك فترة مديدة
قضيتكم تراها خالدية ... من أيام الصبا الله لا يعيده


-------------------------------------


القصيده الرابعه والاربعين : (( جـزل الـمـعـانـي ))

ياللي تقول القافية مارتكت لي ... كم شاعر غيرك يقول ارتكت له
القافية يابو شبيب أشتكت لي ... من حالها ياكم سوايه شكت له
حتى إنها من جور ناس بكت لي ... لا بد ينصف حالها من بكت له
جزل المعاني غيرها ما حكت لي ... ياللي يقول إن الهزايل حكت له
حاولتها حتى إنها ادكتكت لي ... والشايب الوجعان وش دكد كت له
لا شفتها ياصاحبي شربكت لي ... اعطيتها اللي ما بعد شر بكت له
طويتها بسياستي واضحكت لي ... واللي يجيب سيساته مضحكت له
ياللي تقول ابغى من أقوالك تلي ... أقول هذا الخط بمكانك تله
صكيت بيبان بها صكصكت لي ... حتى قصور الشوق ما صكصكت له
إما تجيك اليوم والا أوشكت لي ... عبّر معاني كلمته واوشكت له
يوم المعاني يا فتى شبّكت لي ... قبلي كثير سيرته شبكت له
حبكتها يا صاحبي واحبكت لي ... عساه يسمع واحد محبكت له
ياللي تقول البخترة دربكت لي ... غيرك سمعها بس ما دربكت له
الساحة اللي شافته باركت لي ... واللي ينال الجائزة باركت له


---------------------------------------


القصيده الخامسه والاربعين : (( عبد الله الحمياني .. ومحمد العمري صوت وصدى ))

بدع الشاعر / عبد الله الحمياني :



يابو علي حالي كما حال من طاح ... والخيل عجلاتٍ وفيهن جفاله
خلوه ربعه عند زرقات الأ رماح ... والموت بين ما يبا له دلاله
بالسيف مشهور على كف ذباح ... ولاهو بطالب دون موته جماله
اخذته العزه ولو صاح صياح ... الموت واحد لو تطول حباله
حالي كما حاله ولا شك مارتاح ... من يوم شفت اللي يجيب إزتماله
ليت الهواء ساكن ولا هبت أرياح ... وياليت ريح هب مالف شاله
خده كما برق مع الليل لواح ... والعنق عنق الريم وقت إجتياله
والعين عين الحر والرمش ذباح ... والمبسم اللي ماندوربداله
تلعب بقلبي لعب طير بملواح ... لاحدٍ يلوم القلب لاصرت داله
من د ونها ماحسب مخاسير وأرباح ... هي راس مال القلب هي راس ماله
راحت وراحت عقبها كل الأفراح ... راحت وخلتني على شر حاله
ياصعبها لا شتاقت أرواح لأرواح ... والوصل عسرٍ والقلوب اتواله


رد / محمد العمري :



عبد الله أثار الهواء صح فضاح ... كم واحدن طبه تمنى زواله
في صاحبه تلحظ مواقيع لتراح ... من عقب ما هو كان يزهيك فاله
يا كم كظو م ساكت ساكنه باح ... من حالته يصفق يمينه شماله
يحكي لك التاريخ عن حال من راح ... في عالم العشاق وش ذا صفى له
إرجع لقيس ابن الملوح فكم ناح ... في حب ليلى وش نهاية خياله
وتاريخ بن شداد تاريخ وضاح ... في حب عبله حبها سم حاله
وغيره وغير ه كم قدم فارس طاح ... من شين حاله من يشوفه رثاله
أنا أعترف لك واعرف الحب ذباح ... يسبي على الرجّال حاله وماله
بس ابتعد والهم والغم تنزاح ... والخير بامر الله يا خي تناله
خلك خوي اللي سلك خط لفراح ... وشلك بدرب شفت فيه النكاله
اللي غدا فكره في الحب سراح ... تكثر تفا كيره و ينحاس باله
ون شاف بنت يا فتى طيبها فاح ... لو طشت المنديل عجل وشاله
هذا ك ما ظنيت يا خوك يرتاح ... يقضي حياته كلها بانشغاله


--------------------------------------


القصيده السادسه والاربعين : (( الـشـمـس فـي جُـنْـح الـظـلام أشـرقـتـلـي ))


ياللي بليا ذنب تسعى لقتلي ... والشرع حرم قتل نفس(ن) برية
وش سر فعلك بي تراها نقت لي ... مواقفك يا ظالمي كل سية
الشمس في جُنْح الظلام أشرقتلي ... واضرار ظلملك ياغريمي قوية
زرقات رمحك بالعجل سبّقت لي ... لكن تراء عندي سهام خفية
لاشفت طغيانك وعينك رقت لي ... أقوم أعا ملها بنفس تقية
إن جبتها بالهون حتما بقت لي ... طعنات جورك فالحشا سرمدية
أنا ظنوني فيك وش حققت لي ... غير البلايا والحياة الشقية
القافية في وصفك اتناسقت لي ... لكن ما ابغى أضر لك معنوية
ليام مهما كدرت شوقت لي ... عندي أمل فيمن علم بالسرية
إن كان بكتني فكم صفقت لي ... ماهي دواماً لك حياتك سوية


--------------------------------------


القصيده السابعه والاربعين : (( نـصـاك الـقـاف يـاعـسـاف ))

للأخ الحبيب الغالي صاحب الخُلُق الرفيع والصفات الجميلة عساف الخيل

عساف ماني قادم لك بتكفى ... لن البطل تكفى تهزهز كيانه
لكن على شأن المعاليم تصفى ... شديت قافي لجل يرفع بيانه
واليوم ياعساف ماعاد يخفى ... كلش تبين يا فتى في زمانه
ياحي عين اللي للجواد ملفى ... سيف بريع باين في سنانه
يفداك منهو لقبل الضيف قفى ... ساسه بخيل وينتمي للجبانة
الصدق ياعساف شهد مصفى ... والكذب ياعساف ساس الخيانة
ياخيبة اللي عن مواجيبه أقفى ... عساه يندم حين يقسى زمانه
ماراح تندم لو يقولوا توفى ... عساه وامثاله بذيك المكانة
وياحظ من هو لاحضر خير كفى ... يأخذ ويعطي والعسل من لسانه
أفّى على اللي ما يوفيكم أفّى ... ياجعل عينه ما تشاهد بنانه
يصبح عن أهل الخير في شر منفى ... يقضي حياته كلها في مهانة
لكن على شأن المعاليم تصفى ... شديت قافي لجل يرفع بيانه
واليوم ياعساف ماعاد يخفى ... كلش تبين يا فتى في زمانه
ياحي عين اللي للجواد ملفى ... سيف بريع باين في سنانه
يفداك منهو لقبل الضيف قفى ... ساسه بخيل وينتمي للجبانة
الصدق ياعساف شهد مصفى ... والكذب ياعساف ساس الخيانة
ياخيبة اللي عن مواجيبه أقفى ... عساه يندم حين يقسى زمانه
ماراح تندم لو يقولوا توفى ... عساه وامثاله بذيك المكانة
وياحظ من هو لاحضر خير كفى ... يأخذ ويعطي والعسل من لسانه
أفّى على اللي ما يوفيكم أفّى ... ياجعل عينه ما تشاهد بنانه
يصبح عن أهل الخير في شر منفى ... يقضي حياته كلها في مهانة


-----------------------------------------


القصيده الثامنه والأربعين : (( مـحـاورة مـع نـاصـر الـقـريـشـي ))


بدع / ناصر القريشي


تحية تنصى الرجال المناعير ... وبسم الله ابدا ولابغيره تبديت
يسعد مساء اللي يستحق التعابير ... ولجلك بسطر كل جزله على بيت
اخطيت ولالي للخطى اي تبرير ... والمعذره ياصاحبي كاني اخطيت
على رساله جيت اسوق المعاذير ... لولا مقامك يامحمد فلا جيت


رد / محمد العمري



حييت يا نسل الرجال المسافير ... ياشاعر في حقنا ما تعديت
جاني كتابك يا جميل التفاكير ... وعزالله إنك يابن لجواد كفيت
ياخوي ناصرلك في القلب تقدير ... وازداد حبك يوم جيت وتعنيت
مشكور ياناصر ولا فيك تقصير ... أنشهد إنك يابن لحرار وفيت
لاتعتبرني يازميلي كما الغير ... أنا اعتبرني واحد من هل البيت


------------------------------------------


القصيده التاسعه والأربعين : (( حـذاري لا تـشـيـل الـهـم ))


حذا ري لا تشيل الهم ... ولو هو يا علي سلهم
فلا تشكي ولا تزهم ...وكن صابر على لهوا ل


ولا تندم على ما فات ... ولا تفرح بشي يأت
ترى الدنا لها دورات ... ولن تبقى بنفس الحال


فهي يومٍ على ما أريد ... ويومٍ يا علي تنكيد
متاهات بلا تحديد ... لها في المجتمع تجوال


نهار تعجبك يا شيخ ... وتذكر ذلك التاريخ
ولا خر يا فتى توبيخ ... هنيّك يا وسيع البال


فلا خير بها يبطي ... ولا سهم القدر يخطي
بها تأخذ بها تعطي ... ولو طال المد ا مازال


فحظ اللي مسك دينه ... وشابك فيه يدينه
يا نفسه لا تعادينه ... ولا تقلين له محتال


جميع الناس ما تدري ... عن اللي يا علي يجري
سهام الليل كم تسري... ضربنا للغشيم أمثال


تراء ليا م دوارة ... فرح تارة حزن تارة
فهذا فاقد جاره ... ويومين وهو رحال


فلا تنغر يا جاهل ... بدين الله تتساهل
ترى الرحمن لك ما هل ... ولكن مستحيل إهمال


ولا تغريك بهجتها ... ولا تلهيك زهرتها
ولا تشقى بزيتها ... ولا تطمع بجمع المال


حذاريك انتبه منها ... محد فيها شبع منها
تراء من كان يأ منها ... تركها ما رحل بريال


فيا كم للورق خادم ... وبالتالي رجع نادم
وذا ذاهب وذا قادم ... وذا راحل وذا نزال


فذا ما أعطى حقوق الله ... تحا يل والحسيب الله
وذا يظلم عباد الله ... شكوا من جوره العمال


وهذا في الربا ماله ... تربوا منّه أطفاله
تعاسة كلها أحواله ... شرا نار برأس أموال


إذا كانه هنا كاسب ... فيوم الدين يتحاسب
وعند المسالة راسب ... ويوضع في يده سلسال


فهذا حال دنيانا ... من أولنا إلى أتلانا
مع شب وشيبانا ... مع أجيال ورآها أجيال


----------------------------------


القصيده الخمسين : (( مـاكـل شـاعـر مـثـل بـن شـداد ))


هذه القصيدة كتبتها عندما قرأت قصيدة للشاعر الكبير والأديب المعروف /
عبد العزيز الفدغوش في منتديات الشموخ الأدبية اعجاب بتلك القصيدة كتبت
هذه القصيدة المتواضعة لاخي الغالي عبد العزيز الفدغوش


لقيت الشعر في قافك يخاطب عاشق القيفان ... لقيته كافي وافي عديم الوصف شأنه شأن
سلام الله على شخصك سلام ياشبيه الذيب ... من العمري كتبها لك وهي بوح من الوجدان
طلبني قافي أكتبها وقال اسرع بلا تأخير ... ولبيته وقلت أبشر مادام البدر نوره بان
ألا يابو سعد ما كل شاعر مثل بن شداد ... ولا كل المعاني تنضبط بالشكل والميزان
أنا طالبك تعذرني إذا في كلمتي تقصير ... وخذ مني سلام لك على التوضيح والبرهان
تحياتي لمنطوقك من التقدير لا . للغير ... وتبقى لك مع شخصك مع حرفك حسب ماكان
سطع نورك سطع بوحك ظهر في عالم الابداع ... وبان النور في نظمك وبان الوصف والعنوان
حشا لله ماشاهدت في علمي على الإطلاق ... كما بوحك ولا مثله لعيني يازميلي بان