يا لابس البشت

يا لابس البشت خل البشت لأصحابه = ماهو بلايق عليك ولا أنت لايـــــــق له
البشت له ناس تعرف له وتعنـــى به = أرث لها من زمان وسبلها سبــــــــــــله
والعرف والصدق ما كل طرق بــابه = يا كم غشيمٍ يحاول به وهو هتــــــــــــله
والعاقل الله عطاه العقل يــــزهى به = دائم يقديه فيما ينبغي عقــــــــــــــــــــله
ومحبة الناس والفزعات جــــــــلابه = للكفؤ وأعماله الجزلات تشـــهــــــد له
والشعر لو جاء به الملسون بخطـابه = ماهو بحقٍ على ما قيل ينســـــــــــب له
وأهل المثل قالوا إن العنز حـــــلاّبه = لكن حلاّبها جاها الخبل قبـــــــــــــــــله
وهذي ظروف الزمان وهذي أسبـابه = تخدم رويبض وراعي الطيب توقف له
وأنا من الله بخير ولابتــــــــــي لابه = أهل البلاجيك والوقفات والصمــــــــله
في السلم تسلم ووقت الحرب حـرابه = خصّامهم في دبور وينقطع نســـــــــله
واللي زبنهم زبن وينوخ ركـــــــــابه = ويلقى الكرامه ومطلوبه حصل لأجــــله
لنا تواريخ فعل ماهي كـتـــــــــــــابه = في كل موقع لنا فعل ثبت أصــــــــــــله
فعل يشرف ماهو ختلات ونهـــــــابه = ولا هو على شأن برج ما وجب حِـــــله
والمعذره لو قصر شعري وما جاء به = في مدح ربعي ولا خاوتني الجــــــزله
فاللأبه أكبر من الشعر وتحكــــــى به = وأنا أعتبر خادم لربعي على المِـــــــله

أبو محمد ونعم بك وصح لسانك ملايين ..
هذه القصيدة تشرح المثل القائل الرجال مخابر وليسوا مناظر ..
ليش قال غرمان هذه القصيدة ؟
لأنه تحاور مع أحدهم وسمع منه كلمة بأنهم أهل كذا وكذا وأنتوا وش عندكم ..
فكان هذا هو رده بكل بساطة ..
هكذا تخيلت القصيدة وقصتها ..
المهم يسلم الكفو اللي يقول ويطول ويسد في موقفه..
صح لسانك ولك تقديري ..

صح لسانك وما قلت الا الصحيح ان شاء الله .
كفو يابو محمد لاهنت .

ونعم بك الف يابن عزيز

وصح لسانك على اللوحه الرائعه
سلمت ولاهنت استمتعت كثير في هذا النص الراقي

تقبل مروري المتواضع
تحياتي

الأخ الغالي / ابو ريان . أطال الله في عمرك وأسعد حياتك وبيض الله وجهك فأنت لم تجانب الصواب ز
فشكرا لك على المرور وعساك ذخر 0



الأخ الغالي / ابو فهد . الف شكر لمرورك يا تآج راسي ولا خلى ولا عدم وعسى الله يعطيك الصحة والعافية 0




الأخ الغالي / صالح العمري . اشكرك على المرور الجميل بجمال شعورك وعساك تسلم يالغالي 0

تسلم مليون وبيض الله وجهك يا الغالي لا خــلا ولا عــدم

والـــلـــي زبــنــهــم زبـــــــن ويـــنــــوخ ركـــابــــه ويلقـى الكرامـه ومطلوبـه حصـل لأجـلـه
لـــنــــا تــــواريــــخ فــــعــــل مــــاهــــي كــتـــابـــه فـــي كـــل مـوقــع لـنــا فـعــل ثـبــت أصــلــه
فــعــل يــشــرف مــاهــو خــتـــلات ونـهــابــه ولا هـو علـى شـأن بـرج مـا وجـب حِـلـه
والمعذره لو قصـر شعـري ومـا جـاء بـه فـــي مـــدح ربــعــي ولا خـاوتـنــي الـجـزلــه
فالـلأبـه أكـبـر مــن الشـعـر وتحـكـى بـــه وأنــا أعتـبـر خــادم لربـعـي عـلــى الـمِـلـه

كفو ياغرمان انت وربعك وصح لسانك وانا أخوك
من أول بيت عرفت ان العلم مختلف
تقديري

والمثل البدوي عندنا يقول الرجال ما هم بالشوفات يعني الرجال مخابر وماهم مناظر تسلم لتا شاعرنا العزيز على القصيد المميز
ولكم خالص المحبة اخوكم زكريا