بيت على الكيبورد

تدور اعذار تبعد والعذر واهي
وانا على الوصل ادور لك عذر ترجع
ليل الشتاء والفراق وكاسة الشاهي
في غيبتك كلها يالغاليه توجع

#محمديات

.
.
.
.
.

بعض البشر ما كن في خاطره شي
يضحك ولا تنمل منه ... السوالف

هذا الزمن من كثر زيغه وتغريبه
الناس شهواتها صارت مطالبها
يارب والحال تعلم به وتدري به
النفس تغلبني بعض أوقات وأغلبها
مابين توبه وذنب وفرحه وخيبه
الظاهر الوضع هذا صار عاجبها
في عارضي شفت لاحت فيه كم شيبه
وطول الأمل غر نفسي في مشاربها
لكن في رحمتك مالحقني ريبه
يارب روحي طلبتك لا تعذبها

#محمديات

ازعل واعاتبْكـ ,, لاشحّت مواصيلكـ
اقَلّهــــا .. ودّي الاخبـــار تاصـل لي

واللي عطاكـ الحلا وابدع تفاصيــلكـ
انكـ على خــاطري حتى وانـا اصلي

.
.
.
.
.

لي زفرة بين الضلوع المناحيل
تشبه ملاذ الدمع في عين مغبون

آجرها في صوت لحن ومواويل
وآكنها من دون في دون في دون

ياويل حالي منك يازين وإلا يابري
أنا أشهد إن سالفة وضعي معك سالفة
أحب طبع البداوه فيك وأنت أحضري
كفوفك من الهوى لا تنجرح خايفه
قدامك أثقل وأقول الوضع جدا فري
ونبضات قلبي من الربكه معك واقفه

#محمديات

والله ماعمري يوم صليت خايف
إلا بـ صلاتي يوم صلوا على امي