عشنا وشفنا

[بسم الله الرحمن الرحيم]"

رجلٍ يشرف لابته عند لجناب=ورجلٍ يفشل لابته و الجماعة
ورجلٍ عمر بيته و شيد به أطناب=ورجلٍ ترى في وسط بيته مجاعة
راعي الجزايل فخر ربعه ولنساب=وراعي الهزايل مايجملك ساعه
الكفو في درب المطاليق ما خاب=ون طال دربه ما انقصر فأتباعه
يثبت وجوده فالطلاقة و لا غاب=واليا أندعى لبا بسمعٍ وطاعة
من يشري النوماس للصيت كساب=ون كال كيله مانقص وزن صاعه
وبعض البشر جره مثل جرة الداب=واللي وطى الجرة عليه الوداعه
كم واحدٍ يخفي ورى ضحكه أنياب=ون كشرت لنياب شفت البشاعه
راح الزمان اللي به الشيب ماشاب=وجاك الزمان اللي تلاقت وساعه
عشنا وشفنا كم تفارق من أحباب=من واشي النمات حين إستماعه
واللي يبي الفتنه ويفتح لها باب=أشد من قتل النفوس إبشناعه
واللي يدور للسبب حصل أسباب=واللي حفر حفره يقع وسط قاعه
الذنب يغفر عند ربي لمن تاب=و المعصية يطهر دنسها بطاعة

الشــاعر/ سعـد آل درويش العمـري

صح لسانك على البيوت القويه و الجزله

حكم في حكم

عشنا وشفنا لعون
صح لسانك ياسعد
وانعم واكرم بك
اصدق التحايا ..!

صح لسانك ياسعد
والنعم فيك

صح لسانك ياذيبان بارك الله فيك .
والله يكفينا وانتم في كل نمام يفسد ولا يصلح ويرزقنا جميعا العمل الصالح .

شكرا لك .

رائع يا سعد رائع ..
قصيدة جزلة وقوية ومليئة بكل الشِعر والحِكم ..
بدأتها بالمقارنة وتوضيح جانب على حساب جانب وكنت رائعاً بذلك ..
ثم وصلت للتفصيل أكثر مع توضيح الإيجاب والسلب في كل جانب ..
وختمتها بنصيحة من أجمل ما يكون ..
حقيقةً أعجبني اختيارك للموضوع بحكم شيوعه في المجتمع ووجوب لفت النظر حوله ..
كذلك قوة الشاعرية وتسخيرها لخدمة القصيدة باختيار كلمات تجعلها كذلك ..
رائع وصح الله لسانك ولك تقديري ..

لكم جميعاً كل الود والإحترام وشاكر لكم مروركم وبيض الله وجيهكم

سعــــــــد ,, بيض الله وجهكـ
كلمات من ذهب , حكم ونصائح ورؤية للواقع في قالب رائع جداً
من خلال هذه القصيدة وما سبقها اراكـ تجيد شعر الحكمــة وهذه ميزة رائعة
قواكـ الله وصح الله لســانكـ الف ............... هناكـ بيت تقول فيه ..
راح الزمان اللي به الشيب ماشاب .... وجـاك الزمـان اللـي تلاقـت وسـاعـه

صورة من اجمل الصور وتضــاد رائع بالمرّة
لكن بالشطر الاول قلت ( الشيب ما شاب ) وهنا علامة استفهام
حاول تغير كلمة الشيب وسيكون البيت في غاية الجمال
هــذا ليس نقداً بل وجهة نظر تحتمل الوجهين
وقد اكون على خطــأ !

صح لسانكـ ولكـ احترامي بلا حدود
ايها المبــدع

مرحبا يالمهندس ومعنى الشيب هو كبير السن وماشاب يعني لم يعجز وكأنه شاب بصحته وعافيته وتفاؤله

قصيده كلهآ حكم بــ حكم
صح لسآنكـ شاعرنآآ ..
وسلم نبضكـ

صح لسانك
الف شكر لكـ