بيت على الكيبورد

أدري إنك ذنب وأستغفر الله منك
كل مانويت أتوب يرجع يراودني

غايب عن عيوني ووسط الحشا مسكنك
ألا ليت شعري هل مثل مفقدك تفقدني ؟

_



لا نشى غيمٍ به القول انهما
سال به سيل وتلقّته الشعاب


من منابت غرسهم صرم الضنون
ومن مناهل نبعهم لون العقاب


#تـ

آه يا برق لمع وأشغل البالي
حرك الذكرى بقلبي وصدريه

أحسبه يا صاحبي مبسم الغالي
لا تبسم ذابت الروح جبريه

الحروف اتبعثرت شوق وآمالي
وهام فكري يرسم ابيات شعريه



ابيات من قصيدتي
(يا حلاة الجو )
1435/11/3

دام بالخطّة فراق(ن) بعد وصل
لعنبوه الوصل متبوع الفراق

نختلف ,, كلن نشأ من فصل واصل
الف ما يرقون تلّة والف راق

!!

تكذب الكذبه وتبغى نصدقهاا
كانك تشوفها سهله ماهي سهله

مغرب الشمس ماهو مثل مشرقها
من جهل ماعلينا فيه وفي جهله

‘ غَريبة دار وَ العيِد إن آتى وَ ش يمنع المِّلاك ؟ يِهدووني " الصَحى " ترحيب دام " الوبل " دَمعاتي ! #تـ

الفقر فقر المراجل والمراجل غنى
والطيّب اللي لما شح الزمن ينثني

من قال جدي فعل ماقال هذا أنا
ماينفعه فعل جده دام فعله دني

شاعر من بعيد

الغربه أحيان تاخذني / وانا مدري
وآحس فيني تعب يا وش هو اسبابه


الوجد ياخذ عنايه واشغله صبري
وتنهيدته الصدر لا ماهي بـ كذابه

الناس ياقلب كلن لاهي بنفسه
وترى الحضيض اللي في دنياه مافكّر

من يطلب المحصول يهتم في غرسه
لا ترجي المعروف وأنته تفعل المنكر

لاباس ياروح أبوك وخطاك السو
باكر تبي تكبر وتنسى كل ماصابك

تكفى تبسّم لجل خاطر والدك ياحلو
أدري بك إنك منت قادر تزعل أحبابك

‏‎‪ ياكيف تقسي وقلبك فيه نبض وخفوق
ماهي عوايدك وش غير طباعك علي

من بعدما كنت بين الدم وسط العروق
اصدرت حكمك بحدالسيف في مفصلي

،


مَرّ وَتركْ عِطره عَلى كَف "الهَوا"
بِين الزِحام وَ ناظره ما ناضْ بِي

كم خِفت إني أزفره وجد وَ هوى
أو أشْهَقه مِن نَبع عِشقٍ ناضبي !


#تـ

المشاركة الأصلية كتبت بواسطة المهاجر07

لاباس ياروح أبوك وخطاك السو
باكر تبي تكبر وتنسى كل ماصابك

تكفى تبسّم لجل خاطر والدك ياحلو
أدري بك إنك منت قادر تزعل أحبابك

سلامته ما يشوف شر !

المشاركة الأصلية كتبت بواسطة المهاجر07

لاباس ياروح أبوك وخطاك السو
باكر تبي تكبر وتنسى كل ماصابك

تكفى تبسّم لجل خاطر والدك ياحلو
أدري بك إنك منت قادر تزعل أحبابك

الف لا باس عليه اسأل الله ان يحفظه لك ويحميه .

مشاعري صوبك من العام ضمّيا
يبست وترقب من نحى وصلكم نو