![]() |
|
|
التسجيل | التعليمـــات | التقويم | مشاركات اليوم | البحث |
![]() |
|
أدوات الموضوع | انواع عرض الموضوع |
![]() |
#46 |
شاعر مُـمـيّز
![]() ![]() |
![]()
يـــاشيـنـها لاسـالـت دمـوع غـالي=ومـالك وسيـلـه تمسح دموع عينـه يبكي الحجر من شكوته لاشكـالـي=يـــامـبـعــديـنـي عنـه يــامبعـدينـه روفــوا بـحــالــه يـــاهـلـه يالغوالي=مـحـتــاج لـوسـاعه يحس بسكينه يـعنـي جـريـمـه لاصـفيت وصفالي=الله عـلـى مــاصـــار منـكـم يـعينـه قــولـو لـه انـي لاغفيت وطرالي=تـسـريبي اشواق الغرام الدفينه وقــولـو له ان اللّي جراله جرالي=انـا حـزين انـكـان نـفسـه حزينه بقلمي
بدر |
![]() |
![]() |
#47 |
شاعر مُـمـيّز
![]() ![]() |
![]()
أن اجـمـعـتـنـا بـيـض الايـــام أبرضيك=عن جرحـك اللّي سببه ظـلـم واشي انـا اللّي أن خـان الـزمن فيـك شاريك=مـــا ابــدلــك ولا غـــلا ك أمـتـلاشي ذيــك الـعـيـون وضافي الرمش يكفيك=مـع الجـمـال الـلّـي مـن الله بـلاشي مـلـح الـزمـن مـع سكره مجتمع فيك=يـلـي لـعيـنـي فـي ظـلامـه فلاشي بقلمي
بدر |
![]() |
![]() |
#48 |
شاعر مُـمـيّز
![]() ![]() |
![]()
يــاعــاشـقيـن الـشعر مادمت رايـق=خــوذو بـيــوت بسـلـم الـشــعر ترقا الـصــدر مـلـه عـشـرت ايــام ضـايق=فـيـه أحــرقـت قـل المـواصيـل حرقا شين أنقـطـاع اهل القلـوب الصدايق=أن خـيـمــت فـرقــا علـى راس فرقا ولله مــــاهـو بـيــن الاحـبـــاب لايق=اللـي ثــلاث اسـنيـن بــالحـب غرقا تـجبـر كـسـور الوصل خمسة دقايق=حتى أيش لوهي بين الاحباب سرقا الـلّـي مـع أحـبـابــه يصـادف عـوايق=ان غــربــو ســاق بخـطـاويـه شرقا من خــوف حسـادٍ تعـكــس الحقايق=صـفحــاتهـم فـي غيبـة النــاس زرقا ان شــب هـوجــاس الغـرام الحرايق=ولله مـــايـــحــتــاج يـحــزنــك ورقــا بقلمي
بدر |
![]() |
![]() |
#49 |
شاعر مُـمـيّز
![]() ![]() |
![]()
ياللّي تجي ذكراك بالعام مـره=تغيب لاكن حزت حضورها حضور تسري بقلبي مع نجوم المجره=ترجع تعيشني رجا وصلك شهور بقلمي
بدر |
![]() |
![]() |
#50 |
شاعر مُـمـيّز
![]() ![]() |
![]()
اشتاق لك واقول وشفيني اشتاق=وشبه يصحيني من النوم شوقي انا ادري ان الحب به بعد وفراق=لاكن الـرجا عيا يفارق خفوقي بقلمي
بدر |
![]() |
![]() |
#51 |
شاعر مُـمـيّز
![]() ![]() |
![]()
لاولله الا غاب وقفت ركابه=عهدي بهن يسوقهن غيض وعتاب لوغاب غيره ماشغلني غيابه=ولله بعضهم غيبة البدرلاغاب الجو لو غبّر تغسله سحابه=ولاعاد يبقى شي بنفوس الاصحاب بيني وبينك كنّ رابط قرابه=حتى أيش لو ماكنت من ضمن الاقراب هذا الزمن لاجاب شيءٍ غدابه=كم جاب بس احيان يمنّ لاجاب لو كنت اعرف البيت دقّيت بابه=ورميت لحبال المواصيل الاسباب بقى سؤالي يفتقر للإجابه=وين أنت يالغالي وشحال الاحباب بقلمي
بدر |
![]() |
![]() |
#52 |
شاعر مُـمـيّز
![]() ![]() |
![]()
ليله ومرتني مرور الليالي=لوكنت مشتاقٍ لها بس راحت ظني ف باله شي ماهو ابالي=لاكن حمامة صادق البوح ناحت روّح وخلا بين الاضلاع صالي=والله مانسى دمعته يوم طاحت هو كان بإسلوبه رقيق ومثالي=حاول يخفّي رغبته بس باحت بقلمي
بدر |
![]() |
![]() |
#53 |
شاعر مُـمـيّز
![]() ![]() |
![]() ![]()
راع الهوا لاهزه الشوق واشتاق=لو مابكى يصبح مع الوقت باكي ان حدته سود الليالي على فراق=يعيش في دنيا المعاناة شاكي تسوقه اقداره ويمشي وينساق=واغلب هذايانه لنفسه يحاكي ناره تزيد وتحرق بقلبه احراق=يحس عمره منجرف للهلاكي بقلمي
بدر |
![]() |
![]() |
#54 |
شاعر مُـمـيّز
![]() ![]() |
![]() . . .
تكفين ياعجلات الايام تكفين=آمانتك ذاك الحلو يسريله الله يعين القلب يادمعة العين=جرتي علينا يالسنين الطويله ياليت للانسان بالصدر قلبين=اذا تعب واحد يشغل بديله اقولها من ضيقتً قبل يومين=مستلطفتني لعن ابوها ثقيله بقلمي
بدر |
![]() |
![]() |
#55 |
شاعر مُـمـيّز
![]() ![]() |
![]() ![]()
راع الهوا رحال نزال رحال=عسى السفر يرفق بنفسٍ شجينه يسكب عليه من الهواجيس شلال=ويبصم جنون الشوق على جبينه وله ملتقى مع كل ضيقه وغربال=يظهرخفي عبراته المستكينه لو ينجبر كسرالمواصيل بالمال=راع الغلا تجبر كسوره يمينه بقلمي
بدر |
![]() |
![]() |
#56 |
شاعر مُـمـيّز
![]() ![]() |
![]()
خل الجروح أشوي تهدا عن النزف=ماعاد باقي دم تشوف نزفه على الرومنسية بديت اجمل العزف=ياخف دمك وانت بادي تعزفه بقلمي
بدر |
![]() |
![]() |
#57 |
شاعر مُـمـيّز
![]() ![]() |
![]()
ياقلب ياجالك من الزين طاري=خبه عن عيونٍ دموعه تحدا مبطي وانا اهدّي ذريفه واداري=افرح اذا ليلي براحه تعدا لي غاليٍ بعيد لو كان جاري=بيني وبينه حطو عداي سدا بقلمي
بدر |
![]() |
![]() |
#58 |
شاعر مُـمـيّز
![]() ![]() |
![]()
ماهمني وردٍ نبتله على جال=ماهو بعارف عن ورود الثرى شي مع الهبوب منين ماجاه ميال=ون حس في شمس الضحى ينطوي طي بقلمي
بدر |
![]() |
![]() |
#59 |
شاعر مُـمـيّز
![]() ![]() |
![]()
الي يحط غموض الاشعارله في=ويخلي المعنى مريضٍ دفيني خواف خلف استارتة ينطوي طي=لكابوس خوفه في حياته سجيني كم قلت له وضح خفي مقصدك لي=اسلك وضوح العالم الواضحيني بالماضي اول كنت ماشوف بك غي=واليوم اشوفك ضايعن ضيعتيني في كلهن وقفت لك موقفٍ سي=أحذر جدارك لاتحسبة حصيني بلط بحرها لين يردك ادبي=ووعدك تبقى معايد القريتيني انا الخطا يحرك شجون الزعل بي=حتى ايش لوهومختصر كلمتيني انكان في قلبك وفي خاطرك شي=وضح لنا الخافي وخله يبيني بقلمي
بدر |
![]() |
![]() |
#60 |
شاعر مُـمـيّز
![]() ![]() |
![]() ![]()
ياضيف والله في مجيئك فرحنا=واليوم اشوفك ناويٍ في رحيلك ياضيف احسك يوم جيت استرحنا=كل السعاده في نهارك وليلك لبعض الذنوب اللّي كسبنا مسحنا=ارجوك لاترحل وما انسى جميلك بقلمي
بدر |
![]() |
![]() |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
حديث | شيهان المطلى | رياض الصالحين | 3 | 12-18-2008 01:25 PM |
هذا هو السوال؟؟ فمن يجيب | ابو فجر القشيري | حكم وامثال والغاز | 6 | 01-27-2007 05:45 PM |
حديث الصمت | mo.7oob Aeih | الخواطر | 6 | 12-28-2006 11:20 AM |
حديث للقلب | طـلـولــي | عطر الكلمات | 8 | 01-24-2005 05:33 PM |
{ كل يوم حديث } | أبوفارس | رياض الصالحين | 8 | 12-03-2002 04:29 PM |